1 O Gotiyo, huʼna, Lagaemo kagaefeʼmo kahaoke nehone. Kagaemo alagepa himamukaletiʼmo nehana kavakaletiʼmo lahaopaleʼmo maiʼnove, huka alika laveliʼnanaʼmofeʼmo kagaefeʼmo kahaoke nehone.
Kagaemo nagaefeʼmo muki afinaʼaeʼmo alagi kahauʼnigeka lama geʼageʼmo nehanaʼmofeʼmo nagaemo kagaemo kaote mono noʼmo aulagamo mono huʼna kagikaleʼmo aliʼna asaga huguve. Kagaemo kagikaleʼmo alika asaga huteka gekaleʼmo magoʼe huka alika asaga huʼnane.
Ala kava neʼmoʼa agaefeʼmo apaipafatiʼmo hapauʼnigeʼa keya aeʼa ge nehaya vayaʼai hapaopaleʼmo emineno neʼmaiye.
Gotiʼa Ala kava neʼmo lokiyaʼaʼe vekamoʼmo ge huʼniye. Agaemo yegemo haine neʼeya kotegamo maiʼnaya vayaʼe yegemo uno lamino nefaleya kotegamo maiʼnaya vayaʼefeʼmo keya aeno ge huʼniye. Muki ma mopafi vayaʼaifeʼmo keya aeno ge huʼniye.
O Gotiyo, huʼna, kahau huka nato. Nagupi mafaʼnemoʼa kagaefeʼmo alino amufa nekamiye. Nagaemo kahakumo ulunapiʼmo alagepa huʼna fala kiʼna maime maime neʼvisugenoʼaeʼmo mani hanageke yaʼmoʼmo aeno naga seno nataleno ugiye.
Lapakaemo vayatama vayane, huʼna, Lapakaemo agotileʼmo fatago gemo nehafiye. Lapakaemo muki vayaʼmogi geʼapimo alagepa hutapa alita fako nehafiye.
Yuta vayaʼmogimo Gotiʼa ageʼa alagepa huʼnae. Isaleli vayaʼai apaulagaleʼmo ala agiʼamo aliʼniye.
Agaefeʼmo koli huʼnetapa geʼamo afitetapa akame hiyo. Nagae nagimo agaepiʼmo haneʼniyaʼmofeʼmo kayoʼmo lapamisiya agufa kavaʼmo osiyo. Hosu kavatapimo alino oʼatalegaiyaʼmofeʼmae.