Samu 73:28 - The Keyagana NT and 25 OT books

²⁸ kahaopaleʼmo uʼna maisuva kavaʼmo kanale kavane. Nagaemo muki nehana kavafeʼmo ava gemo aeʼna hakalo huʼna hapa paisuvafeʼmo Ala kava neʼmo Gotiʼnimofeʼmo aliʼna amufa amiʼnove.

Samu 73:28 ပူးပေါင်းရင်းမြစ်များ

Samu 107:22

Apakaemo Gotifeʼmo hao ke hesaya ofalinimo amagiʼa amiyo. Amiteʼa aliʼyaʼalefeʼmo apamogaga aiteʼapaeʼmo aeʼa hakalo hiyo.

Samu 116:7

Ala kava neʼmoʼa alagepa huno naha maeʼniyaʼmofeʼmo nauneʼnameyo, huʼna, aika afeleka maika haga lo.

Samu 118:17

Ofaliʼna afaʼa maiʼneʼnaeʼmo Ala kava neʼmoʼa huʼniya kavafeʼmo ava gemo aeʼna hakalo huʼna hapa paiguve.

Samu 14:6

Afa vayaʼmogi ina kava ma kavaʼmo hugune, huʼa apakesamo neʼafiyaʼmonanafa hosu vayaʼmogimo ani apakesamo neʼafiya kavaʼmo afole oʼaisiyafeʼmo kaʼmo akanisayafeʼmo huʼnayaʼmofeʼmo Ala kava neʼmoʼa afa vayaʼmo alagepa huʼa maisayafeʼmo yagaino apategaiye.

Samu 40:5

O Ala kava neʼnimo Gotiʼnimogae, huʼna, lagaetegamo alu kava alu kavaʼmo huka aliʼyaʼmo aliteka laha maeʼnane. Lagaefeʼmo kagesa afifi huka neʼmaine. Lagaemo lekana opaisuna agufa kavaʼmo huka lagaefeʼmo kagesamo neʼafine. Nagaemo muki huʼnana kavakaʼe kagesamo neʼafina kavakaleʼefeʼmo alagi alagepa huʼna aeʼna hakalo huʼna hapa opaiguve.

Samu 65:4

Lekana paika apateʼnana vayaʼmo aulena vayaʼmo maiʼnae. Kagaemo apakaemo kagaetegamo eʼa mono nokafiʼmo maisayafeʼmo apavalelika neʼane. Nokafiʼmo maiʼnetaeʼmo laipamoʼmo alagi kanale hugiye. Lagaemo aote mono nokafiʼmo maisunagekaeʼmo alika auleka lategane.

Samu 66:16

Gotifeʼmo koli nehaya vayanagi eta geʼnimo afiyo. Nagaemo nagupi mafaʼnemo alagepa huno naha maeʼniya kavafeʼmo ava gemo aeʼna hakalo huʼna lapa paiguve.

Samu 84:10

Mago alagepa haopalegamo uʼna yatala afinaʼmo maisuvana namogaga aiguvaʼmonanafa nokafiʼmo aise afinaʼmo maisuvana magoʼe huʼna namogaga aiguve. Nagaemo Gotiʼnimo noʼafiʼmo afa ina agufa vekamo kipateʼmo yagaisuva vekamo maisuvafeʼmo nahauʼniyaʼmonanafa hosu vayaʼai noʼapifiʼmo uʼna haiʼna maisuvafeʼmo oʼnahauʼniye.

Yemisi 4:8

Goti haopaleʼmo vigenoʼao lapakae lapaopaleʼmo eno. Hosu kavaʼmo nehaya vayaʼmogitapae, huʼna, lapayaʼmo sese hiyo. Lole lapakesamo neʼafiya vayanagi lapaipafatiʼmo oʼaniʼyamo aeta kalo paetapa ataleyo.

1 Pita 3:18

Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.

1 Samiyo 14:36

Henagaʼamo Soloʼmo vayaʼaeʼmo hapa painoʼaeʼmo, Lagaemo haniʼilagamo uta lamita Filisatini vayaʼmo hapaeteta muki yaʼapimo aligetao. Kame nehapaesunageno yegemo haiʼnegaiye. Lagaemo magoke vekamo afaʼa maisiyafeʼmo oʼategaune, huno hapa paiʼnigeʼapaeʼmo, Kahauʼnisiya kavaʼmo huvo, huʼa ha paiʼnae. Huʼa ha paiʼnayaʼmonanafa mono huno neʼapateya vekamoʼmo hunoʼaeʼmo, Lagaemo manileʼmo Goti haopaleʼmo magokepiʼmo lokaeta egetao, huno huʼniye.