Samu 72:10 - The Keyagana NT and 25 OT books

¹⁰ Sipeni koteʼmo yagaiʼnaya vayaʼmogiʼe muki solovala ani haigifiʼmo yagaiʼnaya vayaʼmogiʼeʼmo muki yaʼmo fiku alini eʼa amigae. Alepiya koteʼmo yagaiʼnaya vayaʼmogiʼe Itiyopiya koteʼmo yagaiʼnaya vayaʼmogiʼeʼmo ofalinimo fiku amigae.

Samu 72:10 ပူးပေါင်းရင်းမြစ်များ

Aepa Gemae 10:7

Kusi ve mafaʼne anagaʼmogi apakiʼapimo Semaʼagi Havilaʼagi Sapataʼagi Lamaʼagi Sapatekaʼagi huʼa maiʼnae. Lama mafaʼnelaʼmogani anakiʼanimo Sepaʼe Nenaniʼeʼmo maiʼnaʼae.

Esata 10:1

Kini vekamo Sekisiʼa muki yagaino neʼapateya vayaʼaifeʼmo hunoʼaeʼmo, Takesi monimo namiyo, huno hapa paiʼnigeʼa amiʼnae.

Samu 45:12

Taiya taonifiʼmo maiʼnaya vayaʼmo malaga vayaʼmogimo fiku kaha maeʼa kamigae. Kagemi yaʼapiʼe vayaʼmo hapa maesanafeʼmo kagaetegamo ugae.

Samu 68:29

Kini vayaʼmogimo mani mono nokaleʼmo eʼa fikumo neʼapamiya yaʼmo aliniʼeʼa nekamiye.

Samu 68:30

Kagaemo Isipi ati vayaʼmo alika afepiʼmo apatenageʼa kaiyafiʼmo maiʼneʼa siluva yafaʼmo kamiyo. Kame kavafeʼmo lusi kava huno hapauʼnisiya vayaʼmo hapa faitalegeʼa apaune heyo.

Aiyeya 42:10

Lapakaemo Ala kava nefeʼmo saufa yokemo hiyo. Muki ma mopafi vayaʼmogitapamo ala agiʼamo amiyo. Solovalapiʼmo sipifiʼmo neʼvaya vayaʼmogitapamo ala agiʼamo amiyo. Muki solovalapiʼmo maiʼnaya yaʼmogitapamo ala agiʼamo amiyo. Afagi kotegatiʼe ani kotegamo maiʼnaya vayaʼmogitapaʼeʼmo ala agiʼamo amiyo.

Aiyeya 42:4

Agaemo aliʼyaʼalefeʼmo aipamoʼmo kana hisigeno haino me otalegaiye. Haino me otalegaifa aliʼyaʼamo alime alime neʼvisigeno muki ma mopafiʼmo fatago kavaʼmo afole aigiye. Afagi kotega vayaʼmogimo keʼaepa geʼamo alino apaya malesiyafeʼmo agava maigae.

Aiyeya 43:3

Nagaemo Ala kava neʼmo Gotiʼtapimoʼnamo Isaleli vayaʼmogi naote vekaʼapimoʼnamo apakufamo aliʼna katiʼna neʼapatova vekamo maiʼnovaʼmofeʼmo ani kavaʼmo lapakaetegamo afole oʼaigiye. Nagaemo miya faiʼna hatu maeʼna lapatesuvafeʼmo Isipi vayanagi Itiyopiya vayanagi Sima vayanagi huʼna miyatapilefeʼmo afaʼa apataleʼnove.

Aiyeya 43:6

Nagaemo lamaga haopalega vayaʼaifeʼmo huʼnaeʼmo, Apatalegeʼa eyo, huʼna huge hoga haopalega vayaʼaifeʼmo huʼnaeʼmo, kaʼmo akanita oʼapateyo, huʼna huge huguve. Lapakaemo afagitegatiʼmo ve mafaʼne anagaʼnimo apavalelita eyo. Muki ma mopamo agiʼnalegatiʼmo a mafaʼne anagaʼnimo apavalelitapa eyo, huʼna hapa paiguve.

Aiyeya 49:7

Ala kava neʼmoʼa Isaleli vayaʼmo miya faino hatu maeno neʼapateya aote Gotiʼapimoʼmo vayaʼmogimo alagi ohapauʼniya vekamo agae nofi vayaʼmogi alagi ohapauʼniya vekamo yagaiʼnaya vayamogi aliʼyaʼapimo neʼaliya vekaeʼmo ina gemo huno ha painoʼaeʼmo, Kini vayaʼmogimo kageteʼapaeʼmo kaulagaleʼmo he tigae. Ala vayaʼmogiʼeʼmo kagaefeʼmo mono hugae. Ala kava neʼmo Isaleli vayaʼmogi aote Gotiʼapimoʼmo aliʼyaʼamo oʼataleno fatago kavaʼmo nehiya Gotiʼa lekana paino kateʼniyaʼmofeʼmae.

Aiyeya 60:3

Malaga nofi vayaʼmogimo ani ha le yatapimo ageteʼapaeʼmo lapakaetegamo egae. Kini vayaʼmogiʼeʼmo ani lokiya ha le yatapimo ageteʼapaeʼmo he tiʼa lapakaetegamo egae.

Aiyeya 60:6

Asole kamo afu anagaʼmo Mitiyani kotegatinagi Ifa kotegatinagi Sima kotegatinagi huʼa kagemi yaʼmo aliniʼa kagaetegamo egae. Sima kotegatiʼmo esaya kamo afu anagaʼmogimo goli yafaʼe atafiʼmo kaeʼnageno alagepa atumo neʼaiya yaʼeʼmo aliniʼa kagaetegamo egae. Esaya vayaʼmogimo Ala kava neʼmo ala agiʼaleʼmo aliʼa asaga huʼa ategae.

Aiyeya 60:9

Alagi lama gemo huʼnaeʼmo, afagi kotega vayaʼmogimo nagava maigae. Nagava maiʼneʼa sipiʼapimo aliʼa atesageno lapakae mafaʼne anagaʼmo apavalelino lapakaetegamo egaiye. Aote Isaleli vayaʼmogi Gotiʼapimoʼmo ala lapakitapimo lapamigiyaʼmofeʼmo apakaemo Ala kava neʼmo Gotitapimo agiʼalefeʼmo siluvaʼe goli yafaʼeʼmo sipifiʼmo lapakaetegamo aliniʼa egae.

Matiyu 2:11

Apakaemo nopiʼmo uʼa haiʼa anakayana mafaʼneʼaʼe itaʼamoʼmo Maliyaʼeʼmo maiʼnaʼageʼa anaketeʼapaeʼmo apaleʼyamo faiʼneʼa ape huʼa Yesufeʼmo mono huʼnae. Kesiʼapifatiʼmo yakiʼa goli yafanagi lusi moniletiʼmo miya nefaiya yaʼmo atafiʼmo kaeʼnageno alagepa atumo neʼaiya yanagi alagepa atumo neʼaiya uvelimogi huʼa amiʼnae.