Samu 7:9 - The Keyagana NT and 25 OT books

⁹ Kagaemo fatago Gotigamo maiʼneka apaipa apakesafiʼmo alika fako nehane. Hosu vayaʼmogi hosu kavaʼapimo alika hano huka atalegeʼa magoʼe huʼa osiyo. Alagepa vayaʼaina alagepa huʼa maisaya yaʼmo apamigeʼa alagepa huʼa maiyo.

Samu 7:9 ပူးပေါင်းရင်းမြစ်များ

Aepa Gemae 20:5

Emalehamuʼa hunoʼaeʼmo, Nasaʼnimoʼae, huno huʼniye. Aʼamoʼeʼmo hunoʼaeʼmo, Emalehamuʼmo nasaʼnimoʼae, huno naha paiʼniyaʼmofeʼmo mani a kanomo aliʼnovana hosu kavaʼmo huʼnove, huʼna oʼageʼnove, huno ha paiʼniye.

Samu 10:15

Kagaemo hosu vayaʼe hanageke yaʼmo neʼapamiya vayaʼeʼmo apayaʼmo alika lo neʼane. Kagaemo muki hosu kavaʼapimo kahauya huka ageteka kayoʼmo apamiyo.

Samu 10:18

Aliʼa afepi apateʼnaya vayaʼe hapa noʼmaya vayaʼmogiʼeʼmo kagaefeʼmo keya aeʼa ge hisageka afitekaeʼmo alagepa huka alika fako huka apategane. Ma mopafi vayaʼmogimo magoʼe huʼa aliʼa afepi oʼapatesayafeʼmae.

Samu 11:5

Ala kava neʼmoʼa alagepa vayaʼmo apamalageka nehiyaʼmonanafa hosu vayanagi vayaʼmo apamagisayafeʼmo hapauʼniya vayaʼenagi huno agupi mafaʼnefatiʼmo aini huʼniye.

Samu 139:1

Ala kava nene, huʼna, alagi nageka alagepa huʼnane.

Samu 17:3

Naipaeʼmo amalageka huʼnane. Kagaemo haniʼilagamo eka nagetekaeʼmo namalageka huʼnanaʼmonanafa hosu nagesamo neʼafuva kavaʼnimo oʼageʼnane. Hosu gemo osuguve, huʼna nagoʼyamo ataleteʼna gemo huʼnove.

Samu 18:21

Nagaemo keʼaepa geʼamo akame huʼnovaʼmofeʼmae. Hosu kavaʼmo huʼna Gotiʼnimoʼmo ataleʼna oʼuʼnove.

Samu 26:2

O Ala kava nene, huʼna, Namalageka huvo. Nagesamo neʼafuva kavaʼe naipafiʼmo nahauʼniya kavaʼniʼeʼmo alika fako huvo. Hosu kavaʼmo nehufi nosufi huka kavaʼnimo alika fako huvo.

Samu 37:23

Ala kava neʼmoʼa alagepa vayaʼmogi hisaya kavaʼmo aepa vekamo maiʼnenoʼaeʼmo ani kavaʼmo ago hu maleʼniye. Ani kava huno nehaya kavaʼapimo agetenoʼaeʼmo amuse huno neʼapate.

Samu 40:2

Agaemo alagi hosu ive kelifatiʼmo nayate alino heno navayu hulineno haineno yafateʼmo nateteno alagepa kateʼmo visuvafeʼmo alino lokiya vaino nateʼniye.

Samu 58:6

O Gotiyo, huʼna, Laiyoni afumoʼmo lusi kava huno kamemo nehiya agufa kava huʼa maiʼnayanagi apaveʼmo aika atafaika alagi aika akaika atalo.

Samu 9:9

Ala kava neʼmoʼa aliʼa afepi neʼapataya vayaʼmo avaʼe note lafi kegiʼyaʼapimo maiʼniye. Hanageke yaʼmo neʼaliya afinaʼmo agaepiʼmo alagepa huʼa maiʼnae.

Samu 96:10

Muki alu nofi vaya alu nofi vayaʼaifeʼmo, Ala kava neʼmoʼa yagaino neʼmaiye, hutapa hapa paiyo. Mopamo alino lokiya vaino ateteno maleʼniyanageno afaʼa hanegaiye. Agaemo fatago kavaʼmo nehunoʼaeʼmo muki vayaʼmo alino fako huno apategaiye.

Samu 96:13

Ala kava neʼmo muki ma mopafi vayaʼaiteʼmo yagaino apatesiyafeʼmo eminegaiye. Agaemo alagi alagepa fatago kavaʼmo huno muki ma mopafi vayaʼaiteʼmo yagaino apategaiye.

Neniyo 11:45

Agaemo seli no koʼamo alopa solovala anitalaʼmo folagapi aote konali avefiʼmo alino he tino ategaiyaʼmonanafa faligefeʼmo hisiya afinaʼmo mago vayaʼmogi alagi ha oʼmaesageno faligiye.

Apa 12:23

Nehagenoʼaeʼmo Ala kava neʼmo enisole vekaʼamo emineno Helotiʼmo amagiʼnigeno hagifamoʼmo agufafiʼmo neʼnigeno faliʼniye. Agaemo Goti agiʼaleʼmo alino asaga huno oʼateʼniyaʼmofeʼmo amagiʼnigeno faliʼniye.

Lomu 16:25

Gotiʼa nagaemo aeʼna hakalo nehuva alagepa faigoko geʼaletiʼe Yesu Kalaisifeʼmo ava gemo aeʼa hakalo nehaya geʼaletiʼeʼmo afaʼa alino lokiya vaino lapategaiye. Ma mopamo alo huʼniya afinatetiʼmo ani gemo fala kino haneme haneme eʼniyaʼmonanafa

1 Tesaloniyani 3:13

Ala kava neʼmoʼa ani kavatetiʼmo lapa maeno lokiya vaino lapatenagetapa Ala kava netimo Yesu Kalaisiʼe muki vayaʼamogiʼeʼmo eminesiya afinaʼmo Afotimo Goti aulagaleʼmo hosu kavatapimo ohanesigetapa alagi alagepa hutapa maigae.

1 Pita 5:10

Muki yaʼamo fikumo lapa maeno nelapamiya Gotiʼa Yesu Kalaisitetiʼmo alagi hanege hanege huno hanesiya ha le konali yaʼamo alisunafeʼmo lagaefeʼmo keya aeno ge huʼniye. Inagi lapakaemo aise afinaʼmo kana yaʼmo alisagenoʼaeʼmo agaemo alagi alino alagepa huno lapatege alino lokiya vaino lapatege lokiyaʼamo alino lapamige agaiʼaleʼmo faino lapatege hugiye.

Yuti 1:1

Nagaemo Yutiʼnamo Yesu Kalaisi aliʼyaʼamo neʼaluva vekamo Yemisi aganaʼamoʼnamo maiʼnove. Afotimo Gotiʼa keya aeno ge huno lapavaleno alino lapaote lapateʼnenoʼaeʼmo Yesu Kalaisipiʼmo afaʼa maisayafeʼmo yagaino nelapateya vayaʼmogitapaeʼmo mani gemo avoʼmo nekaove.

Leveleseni 2:23

Ani kavaʼmo huteʼna mafaʼne anagaʼamo apamagisugeʼa faligae. Inagi siosiʼafi siosiʼafiʼmo maiʼnaya vayaʼmogimo nagaemo hisuva kavaʼmo ageteʼapaeʼmo, agaemo vayaʼai apaipa apakesafiʼmo neʼageya vekamo maiʼniye, huʼa nagegae. Na agufa kavaʼmo huʼnisafigeʼna anonatapilefeʼmo lapamete lapamete huʼna lapamiguve.

1 Samiyo 16:7

Agesamo afiʼniyaʼmonanafa Ala kava neʼmoʼa Samiyofeʼmo ha painoʼaeʼmo, kagaemo amega agufalefeʼmo kagesamo oʼafika yatala vekaeʼmo alagepa kaulagamo oʼago. Nagaemo kini vekamo maisiyafeʼmo nagesamo oʼafiʼnove. Vayaʼmogi neʼapakaya agufa kavaʼmo huʼna oʼageʼnove. Ma mopafi vayaʼmogi amega apakufaʼalefekeʼmo neʼapakayaʼmonanafa Ala kava neʼmoʼnamo apaipa apakesafikeʼmo neʼapakove.

1 Samiyo 2:9

Alino apaote apateʼniya vayaʼamogi kateʼmo visagenoʼaeʼmo yagaino apategaiyaʼmonanafa hosu vayaʼmogimo hani huʼniya yapiʼmo maiʼnayanageʼa ge osuʼa maigae. Lokiya vayaʼmo lokiyaʼapiletiʼmo alagepa huʼa oʼmaigayaʼmofeʼmae.