Samu 7:17 - The Keyagana NT and 25 OT books

¹⁷ Ala kava neʼmoʼa fatago kavaʼmo huno alino fako nehiyaʼmofeʼmo haoke hegauve. Nagaemo Ala kava neʼmo magoʼe huno anaga Goti agiʼaleʼmo yokemo huʼna aliʼna asaga huʼna ategauve.

Samu 7:17 ပူးပေါင်းရင်းမြစ်များ

Esata 9:25

Kahauya huʼniyaʼmonanafa Esataʼa kini vekalegamo uʼnigenoʼaeʼmo kini vekamoʼmo Hemaniʼmo hosu kavaʼmo hisiyafeʼmo agesamo afiʼniya kavaʼamoʼmo agaiʼa agenopaleʼmo asagauno aisigeʼa agaiʼaʼe muki mafaʼne anagaʼaʼeʼmo posi yosaleʼmo apaneʼmu aeʼa asaisayafeʼmo keʼaepa gemo avoʼmo kaeʼniye.

Samu 111:3

Aliʼyaʼamo neʼaliya kavaʼmo ala agi kavaʼmo ha le konali kavaʼmo haneʼniye. Inagi fatago kavaʼamoʼmo muki afinaʼaeʼmo hanege hanege huno hanegaiye.

Samu 140:10

Kagaemo hokanufa atamo apakaeteʼmo asagauno aisiya kavaʼmo huvo. Kagaemo apakaemo ata neleya atafiʼmo lusi kava huno afepilaga lamiʼniya kelifiʼmo alika yaga auka apatalegeʼao uʼa lamiteʼapaeʼmo eʼa hai oʼmeyo.

Samu 145:7

Apakaemo kanale alagepa kavaʼmo nehana kavafeʼmo kava gemo huʼa hapa paige fatago kavakaeʼmo yokemo huge hugae.

Samu 51:14

O Gotiyo, huʼna, nagaemo mago vekamo kamitimo amagiʼnove. Ani hosu kavaʼnimo alika atalo. Alika atalesanageʼnaeʼmo, nagufamo ago alino katino nateʼniye, huʼna huteʼna yokemo huguve.

Samu 9:2

Kagaetefeʼmo lusi kava huʼna namogaga aiguve. O magoʼe huka anaga Gotigae, huʼna, kagaefeʼmo yokemo huʼna kagikaleʼmo aliʼna asaga huʼna kategauve.

Samu 92:1

O Ala kava nene, huʼna, kagaefeʼmo kahao ke hesuva kavaʼmo alagepa kavaʼmo haneʼniye. O Gotiyo, huʼna, alagi anaga hogote Gotiʼapimogamo maiʼnane. Nagaemo yokemo huna kagikaleʼmo aliʼna asaga huguve.

Samu 92:8

Ala kava neʼmogae, huʼna, kagaemo muki afinaʼmo hogote vekamo maiʼnanaʼmofeʼmae.

Samu 98:2

Ala kava neʼmoʼa vayaʼai apakufamo alino katino neʼapateya kavafeʼmo aeno hakalo huno hapa paiʼniye. Agaemo fatago kavaʼmo alino apave liʼnigeʼa alu nofi vaya alu nofi vayaʼmogimo ageʼnae.

Neniyo 4:17

Yagaiʼa neʼapataya enisole vayaʼmogimo ani agufa kavaʼmo afole aisiyafeʼmo ago vege hu maleʼnae. Muki vayaʼmo aeno apaka seno alagi anaga Gotiʼa muki kini vayaʼaiteʼmo yagaino neʼapateya kavaʼamo agesayafeʼmo apaote vayaʼmogimo ago vegemo hu maleʼnae. Gotiʼa ina laʼmo yagaino apatesiya himamuʼmo amiguve, huno hisifi afaʼa amigiye. Agaemo henagamo neʼmaiya vayapatikeʼmo yagaisayafeʼmo lekana paino neʼapate, huno huʼniye.

Neniyo 4:25

Vayaʼmogi apakaetegatiʼmo aliʼa kaha faiʼa katalesageka afela afuʼeʼmo kahaufilagamo maigane. Pulumaka anagaʼmogi kahaumo neʼnaya kava huka kahaumo negane. Lao yaʼmo emineno kagufaleʼmo alino lanitani hugiye. Inagi seveniʼa kafugamo utesigekaeʼmo agesanana aeno apaka seno alagi anaga Gotiʼa kini vayaʼaiteʼmo yagaino neʼapate. Agaemo ina lafeʼmo yagaigiye, huno huʼnisifi afaʼa lekana paino atesigeno yagaigiye.

Neniyo 4:34

Seveniʼa kafugamo hano huʼnigeʼnaeʼmo nagaemo Nepukanesaʼnamo kokuʼnapi aliʼna aulu heʼna neʼagogenoʼaeʼmo alagepa nagesa afi yaʼmo halate afole aiʼnigeʼna aeno apakaseno alagi anaga Goti aliʼna auleʼna ateʼnove. Nagaemo muki afinaʼmo maige maige huno neʼmaiya Goti ala agiʼamo amiʼnove. Yagaino neʼapateyanageno muki afinaʼmo yagaino hano osuno yagaino apatelino ugiye. Afole aime aime hisaya vayaʼaiteʼmo yagaino apategaiye.

Apa 7:48

Ki maleʼniyaʼmonanafa anaga hogote vekamoʼmo ma mopafi vayaʼmogi nekiya nopiʼmo noʼmaiye. Mago vekamo Gotitegati gemo alinineno aeno hakalo huno hapa nepaiya vekamoʼmo ani kavafeʼmo hunoʼaeʼmo,