Samu 69:20 - The Keyagana NT and 25 OT books

²⁰ Huʼa faipa huʼa nateʼnageʼna lusi kana yaʼmo aliʼnogeno kanamo nahauʼniye. Hau huno natesiya vekamo agesuvafeʼmo kahauya huʼnovaʼmonanafa magoke vekamo alagi oʼmaiʼniye. Mago vayaʼmogi naipamo aliʼa lokiya vaiʼa natesageno naipamoʼmo falu hisiyafeʼmo nagesamo afiʼnovaʼmonanafa alagi oʼmaiʼnae.

Samu 69:20 ပူးပေါင်းရင်းမြစ်များ

Samu 123:4

Muki afinaʼmo alagepa huʼa maiʼnaya vayaʼmogimo lagaefeʼmo huʼapaeʼmo, ina agufa vayaʼmo maiʼnae, huʼa hapa nepaiye. Ala vayaʼmo maiʼnone, huʼa nehaya vayaʼmogimo lusi kava huʼa huʼa faipa huʼa nelatae.

Samu 142:4

Kagaemo lamaga nahaopaleʼmo ago. Alagepa huʼna maisuvafeʼmo mago yagaino natesiya vekamo oʼmaiʼniye. Mago ayu noʼnimo ohaneʼniye. Muki vayaʼmogi afaʼa maisuvafeʼmo apakesamo noʼafiye. Mago vekamoʼmo nagupi mafaʼneeʼmo agesamo oʼafiʼniye.

Samu 42:10

Geʼapiletiʼmo keveletiʼmo neʼnahaya kava huʼa Gotikamoʼmo haiyateʼmo maiʼniye, huʼa huteʼa huʼa faipa huʼa neʼnatae.

Samu 42:6

Naipamoʼmo lusi kava huno kana nehiyaʼmofeʼmo agaefeʼmo halate nagesamo afiguve. Aniʼmo Hemoni avefatiʼe Misa avefatiʼeʼmo emineno alopa Yoneni anipiʼmo lamino haʼyamo asagauno neʼaigenoʼaeʼmo alopa agemo neʼaiya kava huno alopa hanageke yaʼmoʼa nagufaleʼmo nati kaeʼniye.

Aiyeya 63:5

Nagaemo ina kava huʼna ageʼnovana naha maesiya vekamo oʼmaiʼniye. Ina kava huno lokiya vaino natesiya vekamo oʼmaiʼniyaʼmofeʼmo nahau aiʼnove. Aiʼnovaʼmofeʼmo nagaiʼni naipamo leʼniya kavatetiʼeʼmo lokiya vaino nateʼnigeʼna lokiyaʼniletiʼe nagaiʼnilefeʼmo apakufamo aliʼna katiʼna apateʼnove.

Matiyu 26:56

Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya gemo afole aisiyafeʼmo mani kavaʼmo afole neʼaiye, huno hapa nepaigeʼapaeʼmo muki geʼamo neʼafiya vayaʼmo ataleʼa apaune heʼa uʼnae.

Maki 14:37

Nunumuʼmo huteno atagineno eno apakeyana loleʼe magoʼe vayaʼmo geʼamo neʼafiya vayaʼmo apau kaleʼa maiʼnageno apaketenoʼaeʼmo Pitafeʼmo hunoʼaeʼmo, Saimoniyo, huno, kau kaleʼnapiye. Magoke aovamo afaʼa yagaika oʼmaiʼnapiye, huno afi geʼniye.

Maki 14:50

Ani gemo hutegeʼapaeʼmo muki geʼamo neʼafiya vayaʼmo ataleʼa apaune heʼnae.

Yoni 12:27

Naipamoʼmo atete nehisigeʼnaeʼmo na agufa gemo huguve. Afo, huʼna, nagaetegamo hosu kavaʼmo afole aisiya kavaʼmo alika atalo, huʼna hugufiye. Haʼao. Ani hosu kavaʼmo alisuvafekeʼmo emiʼneʼnove.

Yoni 16:32

Afiyo, huʼna, ani afinaʼmo alagi ago hogo huʼniyaʼmonanafa hemenimo ago afole aiʼniyanagetapa nataletapa atagu faetapa notapilegamo utetapa hisageʼna nagaiʼnigeʼmo maiguve. Maiguvaʼmonanafa muki yaʼmo Afoʼamoʼmo nagaeʼeʼmo magokepi lokaeno maiʼniyaʼmofeʼmo nagaiʼnigeʼmo oʼmaiguvaʼmonanafa muki yaʼmo Afoʼamoʼeʼmo magokepi lokaetaʼa maiguʼae.

Himulu 11:36

Mago vayaʼmogimo apakesamo afiʼa fatago huʼnaya vayaʼaifeʼmo huʼa faipa huʼa apateteʼa nofi kayotetiʼmo apamagiʼnae. Mago vayaʼmogimo apakesamo afiʼa fatago huʼnaya vayaʼmo seli nofitetiʼmo kiʼa apateteʼa kalavusi huʼa apateʼnae.