Samu 69:19 - The Keyagana NT and 25 OT books

¹⁹ Ago apakeʼnanageʼapaeʼmo huʼa faipa huʼa natege navagage yaʼmo aliʼa namige nagiʼnileʼmo aliʼa afepi atege nehageka apakeʼnane. Kame vayaʼnimo kaulagaleʼmo maiʼnae.

Samu 69:19 ပူးပေါင်းရင်းမြစ်များ

Samu 38:9

Ala kava nene, huʼna, na agufa naipamo nekalufi huka ago nageʼnanageʼnaeʼmo kagegage nehuʼna yulagefa neʼaugeka afiʼnane.

Samu 5:9

Lama gemo apavayafiʼmo alagi ohaneʼniye. Apaipafiʼmo hosu kavaʼageʼmo haneʼniye. Lugoʼapimo kano kelimo aliʼa halo neʼaigeno atu neʼaiya kano keligana huno haneʼniye. Apavenafuʼnaletiʼmo hapaisiya agufa gemo nehae.

Aiyeya 53:3

Vayaʼmogimo huʼapaeʼmo, ina agufa vekamo maiʼniye, huʼa huteʼa apakameʼyamo amiʼnae. Kana yaʼmo neʼaliya vekamo maiʼneno aipafiʼmo agafu kiʼniya kavaʼmo ago ageʼniye. Lagaemo oʼagesunafeʼmo laugosafiʼmo aita ati kaegekana huta maiʼnone. Lagaemo hutaeʼmo, ina agufa vekamo maiʼniye, huta huteta ala agiʼamo oʼamiʼnone.

Yoni 8:49

mago hosu aune vekamo naipafiʼmo oʼmaiʼniye. Nagaemo Afoʼnimo agiʼaleʼmo aliʼna asaga huʼna neʼatovaʼmonanafa lapakaemo nagiʼnileʼmo alita afepi neʼnatae.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

1 Pita 2:23

Huʼa faipa huʼa ateʼnagenoʼaeʼmo geʼapileʼmo aeno atagaina huno huno faipa huno oʼapateʼniye. Kana yaʼmo amige amagige huʼnageno lusi kava huno agafu kiʼnigenoʼaeʼmo, lapamagiguve, huno osuʼniyaʼmonanafa alagepa huno alino fako huno neʼapateya vekamo ayapiʼmo maleʼniye.