Samu 68:35 - The Keyagana NT and 25 OT books

³⁵ Gotiʼa aote mono noʼafiʼmo maiʼnenoʼaeʼmo ageʼneʼaigeʼapaeʼmo hapau neʼaiya Gotiʼmo maiʼniye, huʼa nehae. Agaemo agaiʼa vayaʼaina himamuʼaʼe lokiyaʼaʼeʼmo alino neʼapamiye.

Samu 68:35 ပူးပေါင်းရင်းမြစ်များ

Samu 29:1

O lokiyatapiʼe vayaʼmogitapae, huʼna, Ala kava neʼmo agiʼaleʼmo alita asaga hiyo. Ala kava neʼmo lokiyaʼaʼe vekamo ha le konali vekamo maiʼniye, hutapa hiyo.

Samu 29:11

Ala kava neʼmoʼa vayaʼamo lokiyaʼamo apamino. Ala kava neʼmoʼa vayaʼamo alino auleno apateno.

Samu 45:4

Kagaemo ala kagikamo alika apavelitekaeʼmo lama gekamogi yagu yaga kavakamogi fatago kavakamogi huka ha maeka alika afole aika ato. Alika afole aika atesanafeʼmo hosileʼmo fai maiʼneka uka kamemo huka aeka apakaso. Lokiyakaletiʼmo kame huteka hapau aisaya agufa kavaʼmo hugane.

Samu 47:2

Ala kava neʼmo hogote anaga vekamo maiʼniyanagi agaefeʼmo koli hiyo. Agaemo ala kini vekamoʼmo muki ma mopafi vayaʼaiteʼmo yagaino neʼapate.

Samu 65:5

O Gotiyo, huʼna, lagufamo alika katika lateʼnana Gotitimogae, huʼna, Nunumuʼmo hisunageka afiteka aeka atagaina hukaeʼmo lokiya kavakaletiʼmo alopa kavaʼmo huteka laha maeʼnane. Muki haopalegamo ma mopafi maiʼnaya vayaʼmogiʼe afagitegamo maiʼnaya vayaʼmogiʼeʼmo aliʼa amufa kamiʼnae.

Samu 66:20

Agaemo nunumuʼmo huʼnova geʼnileʼmo akameʼyamo oʼnamiʼniyaʼmofeʼmo Gotiʼa aliʼna auleʼna ategauve. Hau huno nateʼniye.

Samu 66:5

Lapakaemo eta Gotiʼa huʼniya kavaʼmo ageyo. Agaemo ma mopafi vayaʼmogi folagapiʼmo hapau neʼaiya kavaʼmo nehiye.

Samu 76:12

Agaemo neʼyagaiya vayaʼmo alino afepiʼmo neʼapate. Agaemo ma mopafi kini vayaʼaina koli hisaya yaʼmo neʼapamiye.

Hatu maeno apate'niya gemae 15:1

Ani afinaʼmo Ala kava nefeʼmo Moseseʼe Isaleli vayaʼmogiʼeʼmo mago yokemo ina ge huʼa huʼnae. Ala kava neʼmoʼa lusi kava huno kamemo huno aeno apaka seteno ala agimo aliʼniyaʼmofeʼmo Ala kava nefeʼmo yokemo huguve. Agaemo hosi anagaʼe hosileʼmo fai maiʼnaya vayaʼeʼmo solovala anipiʼmo apasagauno yaga auno apataleʼniye.

Aiyeya 40:29

Agaemo lokiyaʼapimo aiseʼamo haneʼniya vayaʼmo lokiya vaino apatege himamuʼapimo alagi ohaneʼniya vayaʼmo magoʼe huno lokiya vaino apatege nehiye.

Aiyeya 40:31

Ala kava neʼmoʼa hapa maesiyafeʼmo apakava neʼmaiya vayaʼmo saufamo lokiya vaiʼa maigae. Apakaemo hakiki namagana huʼa haleliʼuʼa haigae. Nagu nagu huʼa visagenoʼaeʼmo alagaʼmo ohapaegaiye. Umenitata nehisagenoʼaeʼmo apaunena oʼaigiye.

Aiyeya 45:21

Lapakaemo eta agotileʼmo getapimo aeta hakalo hiyo. Magokepiʼmo maiʼnetapaeʼmo ge huge afige hutapa maiyo. Ina laʼmo afole aisiya kavafeʼmo akeyavilagamo aeno hakalo huʼniye. Nagaiʼnigeʼmo aeʼna hakalo huʼna hapa paiʼnofiye. He, alu gotiʼmo oʼmaiʼniye. Nagaemo fatago kavaʼageʼmo nehuva Gotiʼnamo apakufamo aliʼna katiʼna neʼapatova Gotiʼnamo maiʼnove. Alu gotiʼa alagi oʼmaiʼniye.

Efasasi 3:16

Nunumuʼmo nehuʼnaeʼmo, lusi kava huka ha le konali vekamo maiʼnanaʼmofeʼmo ha le konali kagemi yakalefeʼmo himamukaletiʼe Kaunekametetiʼeʼmo apakupi mafaʼnemo lokiya vaika apato. Kalaisiʼa agaefeʼmo apakesamo afiʼa fatago nehaya kavatetiʼmo apaipafiʼmo alagi maiyo. Kalaisiʼa apaipafiʼmo maiʼnisigeʼapaeʼmo hapau apayamopafiʼmo hapauʼnisigeʼa hapafuʼyamo aegekana huʼa maiʼneʼa noʼmo faiʼa neʼataya yateʼmo alagi atafauʼa alagi huʼa maiyo.

Filipai 4:13

Nagaemo Kalaisipiʼmo maiʼneʼnaeʼmo lokiya vaino neʼnateya himamuʼaletiʼmo muki kavaʼamo afaʼa huguve.

Kolosi 1:11

Gotiʼa ha le konali lokiyaʼaʼe vekamoʼmo lokiyaʼaletiʼmo lokiya vaino lapateno. Lokiya vaino lapatesigetapa hosu afinaʼmo oʼataleta hosu lapaipamo okalita lapamogaga aiʼnetapa muki yaʼmo Afoʼamofekeʼmo hao ke hegae.