Samu 68:18 - The Keyagana NT and 25 OT books

¹⁸ O Ala kava nene, huʼna, Kagaemo muga anagamo uka haiʼnane. Kagaemo apatafauka kalavusi huka apateʼnana vayaʼmo apavalelika uka haiʼnane. Gotiʼa ma mopafi vayaʼaina apamisanafeʼmo fikumo kamiʼniye. Gekamo oʼafiʼnaya vayaʼeʼmo alisayafeʼmo kamiʼniye. Gotiʼmo Ala kava neʼmoʼa apakaeʼeʼmo magokepiʼmo lokaeno maisiyafeʼmae.

Samu 68:18 ပူးပေါင်းရင်းမြစ်များ

Samu 110:1

Ala kava neʼmoʼa Ala kava neʼnieʼmo, lamaga nahaopaleʼmo faika maime maime neʼugeʼnao kame vayakamo aliʼna kaiya afeʼalumelaga apateno, huno ha paiʼniye.

Samu 24:3

Haiya agufa vayaʼmogimo Ala kava neʼmo aveleʼmo afaʼa uʼa haiʼa maigae. Haiya agufa vayaʼmogimo aote mono noʼafiʼmo afaʼa uʼa haiʼa maigae.

Samu 47:5

Gotiʼa kame huno aeno apaka seteno kokuʼnapiʼmo uno haiʼnigeʼa alopa gefatiʼmo huteʼa pikuliʼmo huʼnae.

Samu 7:7

Muki vayaʼmo alika anupa huka apatesana folagapiʼmo uka haika apaka seka maiʼneka yagaika apato.

Samu 78:60

Agaemo Sailo kotega seli mono nopiʼmo maiʼniyatetiʼmo ataleno uʼniye.

Aiyeya 55:7

Hosu kavaʼmo nehaya vayaʼmogi hosu kavaʼapimo atalege fatago kavaʼmo nosaya vayaʼmogi apakesamo neʼafiya kavaʼapimo atalege huteʼa Gotitimoʼmo Ala kava netegamo aiʼa atagineʼa eyo. Ala kava neʼmoʼa hau huno apateteno alopa kavaʼmo hunoʼaeʼmo, afaʼa ateyo, huno hapa paigiye.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Matiyu 9:13

Goti mukufi gemoʼmo hunoʼaeʼmo, Afumo heʼa ofalini namisayafeʼmo oʼnahauʼniyaʼmonanafa hapau huʼa apatesayafekeʼmo nahauʼniye, huno avoʼmo kae maleʼniya gemo aepaʼamo afisayafeʼmo uta kahauya hutapa ageyo. Nagaemo fatago vayaʼaifeʼmo keya aeʼna ge hisuvafeʼmo emiʼnoʼmeʼnofa hosu vayaʼaifeʼmo keya aeʼna ge hisugeʼa eʼa apaipamo aliʼa afe lesayafekeʼmo emineʼnove, huno hapa paiʼniye.

Maki 16:9

Hogote afinaʼmo salefi gotilamiyapiʼmo Yesuʼa hogoteno afaʼa maiʼnenoʼaeʼmo Maliyaʼa Maganala kotega aʼmo aipafatiʼmo seveniʼa hosu apaune vayaʼmo alino hapa faino apataleʼniya aʼmo aulagaleʼmo afole aiʼnigeno ageʼniye.

Luki 24:47

He tino maiʼnisigeʼapaeʼmo Yulusalemu taonifatiʼmo aepa faiteʼa hapa paiʼapaeʼmo, lapaipamo alita afe legenoʼao Gotiʼa Kalaisi agiʼaletiʼmo hosu kavatapimo alino ataleno, huʼa hapa paiteʼapaeʼmo ani agufa gemo huʼa muki nofi vayaʼaifeʼmo aeʼa hakalo huʼa hapa paigae, huʼa avoʼmo kae maleʼnae.

Luki 24:49

Afiyo, huno, Afoʼnimoʼmo polomasi gemo hunoʼaeʼmo, Nauneʼnameʼmo aliʼna lapamiguve, huno lapa paiʼniyanageʼna Goti Aunemeʼamo aliʼna atesugeno emineno lapakaeʼeʼmo maigiye. Emiʼnegaiyaʼmonanafa hogoteta uta Yulusalemu taonifikeʼmo agava maime maime neʼvigenoʼao Goti Aunemeʼamoʼmo emineno lokiya vaino lapategaiye, huno hapa paiʼniye.

Luki 24:51

Gotiʼa kokuʼnapiʼmo avalelino uno haiʼniye.

Yoni 14:23

Yesuʼa geʼaleʼmo aeno atagaina huno ha painoʼaeʼmo, nagaefeʼmo hapau apayamopafiʼmo nehapaiya vayaʼmogimo geʼnimo akame hugae. Akame hisageno Afoʼnimoʼa apakaefeʼmo hau ayamopafiʼmo hauʼnisigetaʼa agaeʼe nagaeʼeʼmo apakaemo maiʼnisayategamo emitetaʼa magokepi lokaetaʼa maige maige huta maigune.

Yoni 16:7

lama gemo lapa nepauve, huno, lapa maesugetapa magoʼe huta alagepa hutapa maisayafeʼmo lapataleʼna uʼna haiguve. Lapataleʼna ohaisuvana lapa maesiya vekamo aliʼna atesugeno lapakaetegamo emi noʼmegaiyaʼmonanafa lapataleʼna uʼna haisuvaʼmoʼmo lapa maesiya vekamo aliʼna atesugeno eminegaiye.

Apa 2:23

Hogoteno Gotiʼa agesa afitenoʼaeʼmo, ani kavaʼmo afaʼa afole aigiye, huno ge hu maleʼnenoʼaeʼmo ago alino lapayapiʼmo ateʼniye. Ateʼnigetapa avalelitutapa hosu vayaʼmo keʼaepa gemo akame nosaya vayaʼai apayapiʼmo ateʼnae. Lapakaemo ani vayaʼai apayapatiʼmo Yesuʼmo malipu yosaleʼmo nili aitetapa alita he tita atetetapa kamitimo amagiʼnae.

Apa 2:4

Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.

Apa 9:17

Ha paiʼnigeno Ananaiyasiʼa uno ani nopiʼmo uno haino Solo agufaleʼmo ayaʼmo maleʼnenoʼaeʼmo, Solo konagaʼnimogae, huno, Ala kava neʼmo Yesuʼa kateʼmo neʼanageno kaulagaleʼmo afole aiʼnigeka ageʼnana vekamoʼmo nagaemo alino nateʼnigeʼna eʼnove. Nagaemo kaulagamo aliʼna ayakeʼna katesugeno Goti Aunemeʼamoʼmo kaipafiʼmo havai tesiyafeʼmo alino nateʼnigeʼna eʼnove, huno ha nepaigenoʼaeʼmo

Lomu 5:8

Faliʼa apategayaʼmonanafa hosu kavaʼmo nehuna vayaʼmo maiʼnonagenoʼaeʼmo Kalaisiʼa falino lateʼniya kavatetiʼmo Gotiʼa lagaefeʼmo hau ayamopafiʼmo hauʼniya kavaʼamo ago alino lave neliye.

2 Kolitiyani 6:16

Haiya kava huʼa alo nehaya aigofe gotiʼapimogi Goti aote ha le mono nopiʼmo hanegae. Alu ya alu yaʼmo haneʼnayaʼmofeʼmo ohanegae. Lagaemo afaʼa neʼmaiya Goti aote ha le mono noʼamo maiʼnonaʼmofeʼmae. Gotiʼa ani kavatefeʼmo hunoʼaeʼmo, Nagaemo apakaepiʼmo maiʼneʼna apakae folagapiʼmo umenitata huguve. Gotiʼapimoʼnamo maisugeʼa vayaʼnimo maigae, huno huʼniye.

Kolosi 2:3

Hogote kagemi yaʼapimo aliʼa fala kiʼa neʼmalaya kava huno Kalaisipiʼmo muki alagepa huʼa afiteʼa agesaya kavaʼe afisaya kavaʼeʼmo fala kino haneʼniye.

Kolosi 2:9

Muki Goti aipa agesamo Kalaisi aipa agesafiʼmo alagi lama ge huno hanege hanege huno nehane.

Himulu 1:3

Agaemo Gotiʼa ha le konali yaʼamo aeno ha legekana huno neʼmaiye. Agaemo Goti lama ge auneʼamo maiʼniye. Lokiya geʼaletiʼmo muki yaʼmo afaʼa hanesiyafeʼmo yagaino ateʼnenoʼaeʼmo agaiʼamo hosu kavatimo aeno kalo paeno ataletenoʼaeʼmo uno haino kokuʼnapi Gotiʼa anaga hogote vekamo yagaino neʼapateya vekamo lamaga haopaleʼmo fai maiʼniye.

Himulu 4:14

Yesuʼa Goti Mafaʼneʼamo hogote ala vekatimo mono huno nelateya vekamo maiʼnenoʼaeʼmo uno haino kokuʼnaʼmo aeno agaseno Gotitegamo uno haino maiʼniyaʼmofeʼmo lagesamo afita fatago huteta aeta hakalo huta hapa nepauna geleʼmo atafauta alagi huta maigetao.

Himulu 6:20

Yesuʼa lavayagunagu huta agava neʼmauna vekamo laha maesiyafeʼmo hogoteno Gotiʼa neʼmaiya yateʼmo aeno asai maleʼniya kenafatiʼmo uno haino aote nopiʼmo neʼmaiye. Agaemo Melikisetekigana huno maiʼneno hogote vekamo mono huno neʼapateya vekamo hamaleʼniyanageno muki afinaʼmo maige maige huno maigiye.

Himulu 8:1

Inagi mani avoʼmo nekaona gemo aepaʼamo haneʼniyana agaemo ani agufa hogote vekamo mono huno nelateya vekamo maiʼniye. Agaemo ala kini vekamo yagaino neʼapateya siyaʼaleʼmo lamaga haopaleʼmo kokuʼnapiʼmo fai maiʼniye.

1 Pita 3:22

Kalaisiʼa he tino kokuʼnapiʼmo uno haino Goti lamaga haopaleʼmo maiʼneno muki vayaʼaiteʼmo yagaino neʼapate. Gotiʼa enisole vayanagi yagaiʼa neʼapataya vayanagi lokiya apauneʼapameʼe vayanagi huno alino Kalaisi aiyafiʼmo apateʼnigeno yagaino neʼapate.

Leveleseni 1:20

Seveniʼa kanefiʼmo lamaga nayapiʼmo haneʼnigeka ageʼnana kanefiʼe seveniʼa goli yafatetiʼmo alo huʼnaya hiʼyalamuʼefeʼmo aepaʼamo haneʼniyana alino fala ki maleʼniya kavafeʼmo aepaʼamo kaha paiguve. Seveniʼa kanefiʼmo haneʼniya kava huʼa seveniʼa siosifiʼmo apa vayaʼmo maiʼnae. Seveniʼa aise hiʼyalamuteʼmo magoke magoke lamumo maleʼnaya hiʼyalamuʼmo haneʼniya kava huno seveniʼa siosiʼamo haneʼniye.

Leveleseni 21:3

Yagaino neʼapateya vekamo siyaʼaletiʼmo alopa gefatiʼmo ge hunoʼaeʼmo, Ageyo, huno, Gotiʼa hemenimo ma mopafi vayaʼeʼmo magokepi lokaeno maigiye. Agaemo apakaeʼeʼmo magokepi lokaeno maisigeʼapaeʼmo vayaʼamo maigae. Gotiʼa agaiʼamo apakaeʼeʼmo magokepi lokaeno maiʼneno Gotiʼapimoʼmo maigiye.