Samu 68:17 - The Keyagana NT and 25 OT books

¹⁷ Goti kame talalaʼamo tauseni tauseniʼamo haneʼniye. Ala kava neʼmoʼa Sainai avefiʼmo emineno maiʼniya kava huno Saiyoni avemo aote aveleʼmo emineno maiʼniye.

Samu 68:17 ပူးပေါင်းရင်းမြစ်များ

2 Kini 2:11

Anakaemo ge hume hume neʼvaʼagenoʼaeʼmo malage huno lole hosilaʼmo atagana hosilaʼmo mago atagana talalamo halauliʼana eʼana aliʼana fako huʼana anateʼnaʼageno mago alino vego vego huʼniya yasimoʼmo Ilaiyaʼmo avalelino kokuʼnapiʼmo uno haiʼniye.

Samu 18:10

Agaemo enisole vekaleʼmo fai maiʼneno halelino eʼniye. Yasimoʼmo avalelino eʼniye.

Samu 9:12

Apamagige hapaege huʼnaya vayaʼai anonaʼapilefeʼmo neʼapamiya Gotiʼa kana yaʼmo neʼaliya vayaʼaifeʼmo agesamo neʼafiye. Agaefeʼmo keya aeʼa ge nehaya vayaʼaifeʼmo age nokaniye.

Hatu maeno apate'niya gemae 3:5

mani yosamo haopaleʼmo eka hogo osuvo. He tika maiʼnana mopamo aliʼna aote maleʼnova mopaleʼmo he tika maiʼnanaʼmofeʼmo sukamo asagika malo.

Aiyeya 2:2

Henagaʼamo atupa afinaʼmo Ala kava neʼmo alopa mono noʼamo haneʼniya avemoʼmo anagaʼamo haneʼneno haino kasaeteno muki aveʼamo alino aiyafiʼmo apategaiye. Aniʼmo uno nelamiya kava huʼa muki alu nofi vaya alu nofi vayaʼmo ani mono notegamo uʼa haigae.

Neniyo 7:10

aulagaleʼmo aeno ha lelino uʼniye. Asole tauseniʼa vayaʼmogi aliʼyaʼamo aliʼnageʼapaeʼmo agae aulagaleʼmo asole asole miliyoniʼa vayaʼmo he tiʼa maiʼnae. Agoti gemo afisaya vayaʼmo fai maiʼnageno asole mukumo alino vaga leʼniye.

Hamakaki 3:8

O Ala kava nene, huʼna, uno nelamiya anifeʼmo haoke oseʼnapiye. Uno nelamiya anifeʼmo kaipamo leʼnifiye. Solovala anifeʼmo kaipamo leʼniyaʼmofeʼmo ati vayaʼmogi hosiʼapileʼmo fai maiʼneʼa kamemo huge halauliʼa neʼvaya talalafiʼmo maiʼneʼa kame huge nehaya kava huka vayakamo hapa maesanafeʼmo eka kame huʼnane.

Matiyu 26:53

Hemenimo nagaemo Afoʼnimofeʼmo afaʼa nunumuʼmo hisugeno tauseni tauseniʼa enisole vayaʼamo alino apatesigeʼa emi eʼa naha maegae, hutapa oʼafiʼnafiye.

Leveleseni 5:11

Hutageʼna apakeʼnovana tauseni tauseniʼa enisole vayaʼmogimo apake aiʼnageʼna afiʼnove. Apakaeʼe loleʼe loleʼe vayatama vayaʼmogiʼeʼmo yagaino neʼapateya siyaʼaleʼmo faiʼa ku aiʼa ateʼnae.

Leveleseni 9:16

Hosileʼmo fai maiʼnaya ati vayaʼmo na magi vayaʼmo maiʼnafi huno naha painoʼaeʼmo tu hataleti miliyoniʼamo vayaʼmo maiʼnae, huno naha paiʼniye.