Samu 67:7 - The Keyagana NT and 25 OT books

⁷ Gotiʼa alino auleno latesigeʼa muki ma mopafi vayaʼmogimo agaefekeʼmo koli hugae.

Samu 67:7 ပူးပေါင်းရင်းမြစ်များ

Samu 22:27

Muki ma mopamo loleʼe loleʼe atupaleʼmo maiʼnaya vayaʼmogimo Ala kava nefekeʼmo apakesamo afiteʼa aiʼa atagi neʼa agaetegamo egae. Muki alu nofi vaya alu nofi vayaʼmogimo agaefekeʼmo mono hugae.

Samu 29:11

Ala kava neʼmoʼa vayaʼamo lokiyaʼamo apamino. Ala kava neʼmoʼa vayaʼamo alino auleno apateno.

Samu 65:5

O Gotiyo, huʼna, lagufamo alika katika lateʼnana Gotitimogae, huʼna, Nunumuʼmo hisunageka afiteka aeka atagaina hukaeʼmo lokiya kavakaletiʼmo alopa kavaʼmo huteka laha maeʼnane. Muki haopalegamo ma mopafi maiʼnaya vayaʼmogiʼe afagitegamo maiʼnaya vayaʼmogiʼeʼmo aliʼa amufa kamiʼnae.

Samu 72:17

Yegemo haneʼnigenoʼaeʼmo muki afinaʼmo agiʼamo hanege hanege huno haneʼnisigeʼa agiʼaleʼmo aliʼa asaga huge huge huʼa maigae. Vayaʼmogimo agaepiʼmo aulena vayaʼmo maigae. Muki alu nofi vaya alu nofi vayaʼmogimo aulena Gotiʼae, huʼa hugae.

Samu 98:3

Agaemo Isaleli vayaʼaifeʼmo hu maleʼniya polomasi geʼaeʼmo agesamo afiteno geʼamo akame huno Isaleli vayaʼaifeʼmo hau huno apateʼniye. Muki kotegatiʼmo muki vayaʼmogimo Gotitimoʼmo vayaʼai apakufamo alino katino neʼapateya kavaʼmo ago ageʼnae.

Aiyeya 43:6

Nagaemo lamaga haopalega vayaʼaifeʼmo huʼnaeʼmo, Apatalegeʼa eyo, huʼna huge hoga haopalega vayaʼaifeʼmo huʼnaeʼmo, kaʼmo akanita oʼapateyo, huʼna huge huguve. Lapakaemo afagitegatiʼmo ve mafaʼne anagaʼnimo apavalelita eyo. Muki ma mopamo agiʼnalegatiʼmo a mafaʼne anagaʼnimo apavalelitapa eyo, huʼna hapa paiguve.

Aiyeya 45:22

Ma mopafi muki haopalegamo maiʼnaya vayane, huʼna, nagaemo Gotiʼnamo maiʼnogeno mago alu gotiʼmo alagi oʼmaiʼniyaʼmofeʼmo aulu nahaetapa nagegeʼnao lapakufamo aliʼna katiʼna lapategauvanagi, huno huʼniye.

Aiyeya 52:10

Ala kava neʼmoʼa muki alu nofi vayaʼe alu nofi vayaʼmogi apaulagaleʼeʼmo aote lokiyaʼamo alino apave liʼniye. Gotitimoʼmo lagufamo alino katino latesigeʼa muki ma mopafi vayaʼmogimo agegae.

Maika 5:4

Inagi ani vekamoʼmo agaiʼa sipisipi vayaʼaleʼmo Ala kava neʼmo Gotiʼamo himamuʼaletiʼe ha le konali agiʼaletiʼeʼmo yagaino apateʼnenoʼaeʼmo neʼyaʼmo apamigiye. Muki ma mopafi vayaʼmogimo ala agiʼamo amigayaʼmofeʼmo vayaʼamo alagepa huʼa maige maige huʼa maigae.

Malakai 1:11

Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.

Malakai 4:2

Alagi oʼmaigayaʼmonanafa nagiʼnilefeʼmo koli nehaya vayaʼaitegamo ani kavaʼmo huno fatago vekamo yegegana huno hainesiya kavaʼamoʼmo alino hapageno apatesigeʼa alagepa huʼa maigae. Nopatiʼmo pulumaka anaʼau anagaʼmo kita yakiʼa apateʼnageʼapaeʼmo aeʼa hailo hailo huliʼa neʼvaya kava hutapa ugae.

Apa 13:26

Konagaʼnimogitapae, huno, Emalehamu aginago vayaʼe alu nofi vayaʼmogitapa Gotifeʼmo mono nehaya vayaʼmogitapaʼeʼmo afiyo. Gotiʼa ani alagepa geʼamo vayaʼai apakufamo alino katino apatesiya gemo ago alino ateʼnigeno lapakaetegamo eʼniye.

Apa 13:47

Ala kava neʼmoʼa Mukuʼafiʼmo haneʼniya geʼaletiʼmo hunoʼaeʼmo, alu nofi vayaʼaitegamo utapa hapa paiyo, huno laha paiʼniye. Ani gemoʼa hunoʼaeʼmo, Nagaemo ma mopafi muki haopalegamo maiʼnaya vayaʼai apakufamo alino katino apatesiyafeʼmo alu nofi vayaʼai ha le yaʼapigana huka maigane, huʼna aliʼna kateʼnove, huno huʼniye.

Apa 2:28

Kagaemo maige maige huʼna maisuva kaʼmo ago alika nave liʼnane. Kaulagaleʼmo naipafiʼmo namogaga neʼaiya kavaʼnimo alika maleka havaiteka nategane, huno avoʼmo kae maleʼniye.

Galesiya 3:14

Gotiʼa Emalehamuʼmo alino auleno ateʼniya kava huno alu nofi vayaʼmogita alino auleno latesiyafeʼmo Kalaisiʼa hatu maeno lateʼniye. Gotiʼa polomasi gemo hunoʼaeʼmo, Nauneʼnameʼmo aliʼna lapamiguve, huno huʼnigeta Aunemeʼamo lagesamo afita fatago hisuna kavatetikeʼmo alisunafeʼmo hatu maeno lateʼniye.

Galesiya 3:9

Ha paiʼniyaʼmofeʼmo Gotiʼa agesamo afino fatago huʼniya vekamo Emalehamuʼe apakesamo afiʼa fatago nehaya vayaʼeʼmo magoke agufa kava huʼa aulena vayaʼmo maiʼnae.

Leveleseni 15:4

O Ala kava nene, huʼa, kagaikageʼmo kaote vekamo maiʼnanaʼmofeʼmo ina lagimo kagaefeʼmo koli osuʼa kagikaleʼmo aliʼa asaga osugae. Kagaemo anonaʼapilefeʼmo alagepa huka alika fako huka apateteka neʼapamina kavakamo ago afole aiʼniyaʼmofeʼmo muki alu nofi vaya alu nofi vayaʼmogimo eʼa kaulagaleʼmo kagaetefeʼmo mono hugae, huʼa huʼnae.