Samu 66:7 - The Keyagana NT and 25 OT books

⁷ Agaemo alopa lokiyaʼaletiʼmo yagaino neʼapateyanageno muki afinaʼmo alagi yagaino apatege apatege huno yagaino apategaiye. Agaemo muki alu nofi vaya alu nofi vayaʼmogimo nehaya kavaʼmo apakeʼniye. Fiku yanageʼa geʼamo oʼafiʼa he tiʼa kame huʼa ategae.

Samu 66:7 ပူးပေါင်းရင်းမြစ်များ

Samu 11:4

Gotiʼa kokuʼnapiʼmo maiʼnenoʼaeʼmo aote mono noʼafiʼmo fai maiʼniye. Gotiʼa yagaino neʼapateya siyateʼmo fai maiʼnenoʼaeʼmo ma mopafi muki vayaʼmo apakeno alagepa huno apakeʼneno alino fako huno neʼapate.

Samu 140:8

O Ala kava nene, huʼna, Hosu vayaʼmogimo alisayafeʼmo hapauʼnisiya kavaʼmo hisayafeʼmo hapa oʼmao. Hugune, huʼa apakesamo afiʼnaya kavaʼmo hisayafeʼmo afaʼa oʼapatalo. Fiku yanageʼa apakiʼapileʼmo aliʼa asaga hugae.

Samu 145:13

Muki afinaʼmo yagaime yagaime ugane. Ala kava neʼmoʼa, ina kavaʼmo huguve, huno huʼniya gemo akame huno ani kavaʼmo nehiye. Muki nehiya kavaʼamo alagepa kavaʼageʼmo haneʼniye.

Samu 62:11

Gotiʼa magoke afinaʼmo ge huʼniye. Nagaemo lole afinaʼmo nagesamo afiʼnovana Goti lokiyaʼamo haneʼniye, huʼna ago afiʼnove.

Samu 75:6

Ala apaki alisaya kavaʼmo yegemo haine neʼeya haopalegatiʼmo afole oʼaige yegemo uno lamino nefaleya haopalegatiʼmo afole oʼaige hoga haopalegatiʼmo afole oʼaige huʼniye.

Hatu maeno apate'niya gemae 18:11

Isipi vayaʼmogi gotiʼapimogimo himu lapateteʼa apakiʼapileʼmo aliʼa asaga huʼnayaʼmonanafa Ala kava neʼmoʼa muki gotigimo ago aeno apaka seʼniyaʼmofeʼmo hemenimo nagaemo ageʼnovana Ala kava neʼmoʼa alu gotigimo alagi ago aeno apaka seʼniye, huʼna ageʼnove, huno ha paiʼniye.

Neniyo 4:34

Seveniʼa kafugamo hano huʼnigeʼnaeʼmo nagaemo Nepukanesaʼnamo kokuʼnapi aliʼna aulu heʼna neʼagogenoʼaeʼmo alagepa nagesa afi yaʼmo halate afole aiʼnigeʼna aeno apakaseno alagi anaga Goti aliʼna auleʼna ateʼnove. Nagaemo muki afinaʼmo maige maige huno neʼmaiya Goti ala agiʼamo amiʼnove. Yagaino neʼapateyanageno muki afinaʼmo yagaino hano osuno yagaino apatelino ugiye. Afole aime aime hisaya vayaʼaiteʼmo yagaino apategaiye.

Neniyo 4:35

Agae aulagaleʼmo muki ma mopafi vayaʼmo afaʼa ina agufa vayaʼmo maiʼnae. Agaemo muki kokuʼnapi vayaʼaitegaʼe ma mopafi vayaʼaitegaʼeʼmo hauʼniya kavaʼmo afaʼa nehiye. Mago vayaʼmogi agaemo mago kavaʼmo osisiyafeʼmo atafauʼneʼa, kagaemo na kava nehane, huʼa afaʼa osugae.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.