Samu 66:13 - The Keyagana NT and 25 OT books

^13-14 Nagaemo kana yaʼmo aliʼneʼnaeʼmo atafiʼmo leno saga neliya ofalinimo kamiguve, huʼna polomasi gemo huʼnove. Nagaemo ani ofalinimo aliniʼna mono nokafiʼmo uʼna haiguve. Kamiguve, huʼna, Polomasi gemo huʼna kaha paiʼnova gemo akame huʼna miya faiʼna kamiguve.

Samu 66:13 ပူးပေါင်းရင်းမြစ်များ

Samu 100:4

Kahao ke nehone, hutapa hume hume neʼutapaeʼmo mono noʼamo yafa lafi kegiʼya kate kipatetiʼmo uta haiyo. Mono no kumaʼaleʼmo neʼutapaeʼmo agiʼaleʼmo alita asaga hume hume viyo. Hao ke hetetapa agiʼalefeʼmo alita aulena ateyo.

Samu 116:14

Nagaemo, naha maeʼniyaʼmofeʼmo agaetegamo alagepa kavaʼmo huguve, huʼna huʼnova gemo akame huʼna Ala kava neʼmo vayaʼamogi apaulagaleʼmo agaetegamo alagepa kavaʼmo huguve.

Samu 118:19

Alopa mono noʼmo kitamo yakika nategeʼnao uʼna haiʼna Ala kava nefeʼmo hao ke heno.

Samu 118:27

Ala kava neʼmo Gotiʼa maiʼniye. Agaemo ha le yaʼamo alino lamiʼniye. Ofalini afumo alita hiʼyalamuteʼmo maleʼnetapa nofitetiʼmo kita atafau maleyo.

Samu 22:25

Asole vayaʼmo aliʼa anupa huʼa neʼmaiya folagapatiʼmo kagikaleʼmo aliʼna asaga huguve. Kagaefeʼmo mono nehaya vayaʼai apaulagaleʼmo kagaefeʼmo ani kavaʼmo huguve, huʼna kaha paiʼnova kavaʼmo huguve.

Samu 56:12

O Gotiyo, huʼna, Nagupi mafaʼnemo falisiya kavategatiʼmo alika katika ateʼnanaʼmofeʼmo nagaemo huguve, huʼna polomasi gemo huʼna kaha paiʼnova gemo nagaemo akame hino. Akame huteʼna ala kagikamo kamiguve. Nagaemo Goti aulagaleʼmo afaʼa maiʼnaya vayaʼmo ha le yategamo umenitata hisuvafeʼmo kagaemo lokiya vaika nateʼnanageʼnaeʼmo asagauʼna oʼaiʼnove.

Samu 65:2

Kagaemo nunumu gemo neʼafinaʼmofeʼmo muki vayaʼmo kagaetegamo ugae.

Yona 2:9

Kataleʼnayaʼmonanafa yokemo huʼna kagikaleʼmo aliʼna asaga huguve. Mago ofalinimo kamigekana huʼna navayafatiʼmo kagikaleʼmo aliʼna asaga huguve. Ani kava huguve, huʼna nagoʼyamo ataleʼna kaha paiʼnova gemo amagiʼna oʼatalegauve. Ala kava neʼmokeʼmo vayaʼai apakufamo alino katino neʼapate, huno nunumuʼmo huʼniye.

Neyomi 1:15

O Yuta vayaʼmogitapae, huʼna, Ageyo, mago vekamoʼmo avefiʼmo haneʼniya kotega kateʼmo alagepa faigoko gemo alininenoʼaeʼmo, kame osugayanagi maitapa haga leyo, huno aeno hakalo huno lapa nepaiye. Gotiʼa mono hisayafeʼmo hu maleʼniya hopa afinaʼmo mono hiyo. Lapakaemo Gotifeʼmo ago polomasi gemo hu maleʼnaya kavaʼmo hiyo. Hosu vekamo halate lapakaetegamo oʼmegaiye. Gotiʼa ago alino hosu huno ataleʼniye.

Himulu 13:15

Inagi lagaemo agaetetiʼmo muki afinaʼmo Gotiʼmo ofalinimo amitetaeʼmo agiʼaleʼmo alita asaga huta atetetaeʼmo hao ke hegetao. Lavayafatikeʼmo ani ofalinimo amigetao.