Samu 65:6 - The Keyagana NT and 25 OT books

⁶ Kagaemo kayamufaʼage Gotigamo maiʼnanaʼmofeʼmo lokiyakaletiʼmo avemo alagi lokiya vaino hanesiyafeʼmo alika afole aika ateʼnane.

Samu 65:6 ပူးပေါင်းရင်းမြစ်များ

Samu 119:90

Kagaemo muki afinaʼmo gekamo akame huka afole aiteʼa faliteʼa hume hume neʼvaya vayaʼaitegamo alagepa kavaʼmo nehane. Kagaemo ma mopamo faika ateʼnanageno haneme haneme eno hemenimo haneʼniye.

Samu 24:2

Agaemo ma mopamo solovala aniʼmo agotofuleʼmo alo hu maleʼniye. Aniʼmo agotofuleʼmo faino ateʼniye.

Samu 93:1

Ala kava neʼmo kini vekamo maiʼneno yagaino neʼapate. Agaemo ala agiʼaʼe ha le konali yaʼaʼeʼmo vaino aliʼniye. Lokiyaʼamo kukenagana huno vaino aliʼniye. Agaemo ma mopamo alino lokiya vaino ateʼniyanageno kanage kanage osugiye.

Aiyeya 12:2

Afiyo, huʼa, Gotiʼa nagufamo alino katino neʼnateya vekamo maiʼniye. Ala kava neʼmoʼa mago agiʼamo Yamo nagaemo lokiya vaiʼna neʼmauva kavaʼmo nehiyanageʼna agiʼaleʼmo aliʼna asaga hisuva yokemo huguvaʼmofeʼmo nagaemo agaefekeʼmo aliʼna amufa amiʼnaeʼmo koli osuguve. Agaemo nagufamo alino katino neʼnateya vekamo hamaleʼniye.

Aiyeya 45:22

Ma mopafi muki haopalegamo maiʼnaya vayane, huʼna, nagaemo Gotiʼnamo maiʼnogeno mago alu gotiʼmo alagi oʼmaiʼniyaʼmofeʼmo aulu nahaetapa nagegeʼnao lapakufamo aliʼna katiʼna lapategauvanagi, huno huʼniye.

Aiyeya 51:9

Aiyeyaʼa hunoʼaeʼmo, Ala kava nene, huʼna, Aupatiʼmo hauneyo, hauneyo. Akeyaʼvilagamo huʼnana agufa kavaʼmo huka lokiyakaletiʼmo laha mao. Kagaemo akeyaʼvilagamo lokiyakaletiʼmo Isipi vayaʼmo hatagauʼnana vekamo maiʼnane.

Aiyeya 63:1

Ina laʼmo Inomu kotega Mosala taonifatiʼmo ataleno neʼe. Kukena yaʼamo aluga aluga atupaleʼmo haesa yaʼmo haneʼniya vekamae. Agaemo alagepa ha le konali kukena yaʼmo vaiʼniya vekamo ami vekagana huno lokiyaʼaletiʼmo neʼe. Nagaemae. Nagaemo fatago kavafeʼmo ge huʼna apakufamo aliʼna katiʼna apatesuva lokiyaʼnimo haneʼniye.

Maika 6:2

Maikaʼmo hunoʼaeʼmo, Lapakaemo lokiya yaʼmo ma mopamo faino ateʼniya yaʼmogitapaʼe avemogitapaʼene, huʼna, Ala kava neʼmo agoti geʼamo afiyo. Ala kava neʼmoʼa vayaʼamogi hosu kavaʼapilefeʼmo apakaepiʼmo alino faino apateteno agoti huno apategaiye, huno ha paiʼniye.

Hamakaki 3:6

Agaemo he tino mopamo agetenoʼaeʼmo hakumo maleno apateʼniye. Apaketenoʼaeʼmo alu nofi vaya alu nofi vayaʼmo alino hapa faino apataleʼnigeʼa atagu faeʼa uʼeʼa huʼnae. Hanege hanege huno nehaneya avemo aino anakupaeno asagauno aiʼniye. Akeyaʼvilagamo haneʼnaya aveʼamo aiʼa anakupaeʼa asagau aiʼnae. Gotiʼa nehiya kavaʼmo muki afinaʼmo hanege hanege huno nehane.

1 Samiyo 2:4

Gotiʼa lokiya ati vayaʼmogi atiʼapimo aeno lo aeʼniyaʼmonanafa lokiyaʼapimo ohaneʼniya vayaʼmo lokiya vaino apateʼniye.