Samu 63:5 - The Keyagana NT and 25 OT books

⁵ Afumo afayaʼaʼe atuʼaʼeʼmo neʼa apamu nehaya kava huno nagupi mafaʼnemoʼmo neno amu hugiye. Nagaemo namogaga aiteʼna navayafatiʼmo yokemo huʼna kagikaleʼmo aliʼna asaga huʼna kategauve.

Samu 63:5 ပူးပေါင်းရင်းမြစ်များ

Samu 104:33

Nagaemo muki afaʼa maisuva afinaʼmo Ala kava neʼmoʼa afisiyafeʼmo yokemo huguve. Nagaemo Gotiʼnimofeʼmo yoke huʼnaeʼmo agiʼaleʼmo aliʼna asaga huʼna yokemo huliʼna uʼna faliguve.

Samu 104:34

Nagaemo Ala kava nefeʼmo namogaga neʼauvaʼmofeʼmo agaefeʼmo nagesa afifi nehuva kavafeʼmo amuse huno nateno.

Samu 134:2

Aote mono noʼafatiʼmo lapayaʼmo alita asaga huliʼnetapaeʼmo Ala kava neʼmo alita auleta ateyo.

Samu 17:15

Kagemi yaʼapimo neʼaliyaʼmonanafa nagaemo fatago kavakamo aliʼnovanageʼna kaugosafiʼmo kagegauve. Nagaemo naupatiʼmo he tiʼna kagaekana huʼna maiʼneʼnaeʼmo magoʼe huno mago kavafeʼmo nahaʼye osugiye.

Samu 65:4

Lekana paika apateʼnana vayaʼmo aulena vayaʼmo maiʼnae. Kagaemo apakaemo kagaetegamo eʼa mono nokafiʼmo maisayafeʼmo apavalelika neʼane. Nokafiʼmo maiʼnetaeʼmo laipamoʼmo alagi kanale hugiye. Lagaemo aote mono nokafiʼmo maisunagekaeʼmo alika auleka lategane.

Samu 96:6

Ha le konali yaʼamo haneʼnigeno kini vekamo maiʼniye. Lokiya vekamo maiʼnigeʼa hapaʼye huʼnigeʼapaeʼmo neʼagaya vekamo maiʼniye.

Salomoni Yokemae 1:4

Kagaemo nayate heka navayu hulika neʼegetao lagaemo nagu nagu huta eta kakame huta ugune. Kini vekamoʼmo navalelinuno noʼafiʼmo maisuvafeʼmo nateʼniye. Kao vayaʼmogitamo kagaefekeʼmo lamogaga aiteta amuse hugune. Apakaemo alagepa nofi alagafati anifeʼmo apakesamo afiteʼa apamogaga neʼaiyaʼmonanafa lagaefeʼmo kahau kayamopafiʼmo kahauʼniya kavafekeʼmo lagesa afifi huta lamogaga aigune. Fatago vayaʼmogi kagaefekeʼmo hapau apayamopafiʼmo nehapaiye.

Aiyeya 25:6

Muki vayaʼaiteʼmo yagaino neʼapateya Ala kava neʼmoʼa muki vayaʼmogi ani aveleʼmo nesaya neʼyaʼmo hogote neʼyanagi hogote nofi alagafati aninagi alagepa ameʼagi huno yagita huʼniye.