Samu 62:4 - The Keyagana NT and 25 OT books

⁴ Apakaemo aliʼa afepiʼmo yaga auʼa atalesayafeʼmo vege nehae. Aigofe gemo hisayafeʼmo apamogaga neʼaiye. Apakaemo apavayaʼaletikeʼmo aliʼa auleʼa neʼapatayaʼmonanafa apaipafiʼmo lifana huʼa neʼapatae.

Samu 62:4 ပူးပေါင်းရင်းမြစ်များ

Samu 119:163

Aigofe gelefeʼmo naini huʼnovaʼmonanafa keʼaepa gekaeʼmo nahau nayamopafiʼmo nahauʼniye.

Samu 28:3

Kagaemo hosu vayaʼe hosu kavaʼmo nehaya vayaʼeʼmo hosu kotegamo apavalelika visana afinaʼmo apakaeʼeʼmo magokepiʼmo navalelika oʼuvo. Apakaemo hapaopaleʼmo maiʼnaya vayaʼaifeʼmo huʼapaeʼmo, Magokepiʼmo alagepa huta maigune, huʼa nehayaʼmonanafa hosu kavaʼmo hisaya kavaʼmo apaipafiʼmo havaiteʼniye.

Samu 5:9

Lama gemo apavayafiʼmo alagi ohaneʼniye. Apaipafiʼmo hosu kavaʼageʼmo haneʼniye. Lugoʼapimo kano kelimo aliʼa halo neʼaigeno atu neʼaiya kano keligana huno haneʼniye. Apavenafuʼnaletiʼmo hapaisiya agufa gemo nehae.

Samu 51:6

Vae, huʼna, lama ge kavaʼmo naipafiʼmo hanesiyafeʼmo kahauʼniyaʼmofeʼmo ageʼna aeto hisuvafeʼmo naipafiʼmo alika naya malegane.

Samu 55:21

Agaemo avayaletiʼmo haga gemo huʼniyaʼmonanafa aipafiʼmo agesamo afinoʼaeʼmo apakaeʼeʼmo kamemo huguve, huno agesamo afiʼniye. Geʼamoʼmo lagaemo laipamoʼmo falu hisigeta maisuna gemo laha paiʼniyaʼmonanafa ani gemoʼmo lusi kava huno aveʼmo neʼneya naipekana huno laisiyafeʼmo haneʼniye.

Mai'naya kavane 13:5

Fatago vayaʼmogimo aigofe geeʼmo nohapaiyaʼmonanafa hosu vayaʼmo apavagage hisigeʼa hosu apakiʼapimo aligae.

Mai'naya kavane 6:17

Apakufamo apavaleliʼa haiteʼa hinuʼnamu gemo nehaya kavanagi apavayaletiʼmo aigofe gemo nehaya gegi vayaʼmo apayateti fikumo neʼapamagiya kavanagi hosu kavaʼmo hisayafeʼmo apaipafiʼmo apakesamo afiʼa aliʼa fako nehaya kavanagi apaiyaletiʼmo nagu nagu huʼa uʼa hosu kavaʼmo nehaya kavanagi agotileʼmo aigofe faigoko gemo nehaya kavanagi alagepa huʼa magokepi lokaeʼa maisayafeʼmo ohapauʼnigeʼa aliʼa fako huʼa neʼapataya kavafenagi huno alagi ohauʼniye.

Matiyu 2:16

Helotiʼa agesamo afiʼniyana, ageteʼa afiʼnaya vayaʼmogimo humi nateteʼa nagesasi huʼa uʼnae, huno huteno lusi kava huno aipamo leʼniye. Agaemo, Metelehamu taonifiʼe Metelehamu haopalegaʼeʼmo uteta hutapa muki ve mafaʼne anagaʼmo lole kafugamo oʼmaiʼnisaya ve mafaʼne anagaʼmo apamagigeʼa faliyo, huno hapa paiʼniye. Agaemo ageteʼa afiʼnaya vayaʼmogimo ani afinaʼmo kanefiʼmo afole aiʼnigeta ageʼnone, huʼa ha paiʼnaya geʼapieʼmo agesamo afiʼniyaʼmofeʼmo ani gemo huʼniye.

Matiyu 22:15

Falasi mono vayaʼmo uʼa aliʼa anupa huʼa maiʼneʼapaeʼmo, na agufa geletiʼmo amalageka hisunageno ge nehisigeta atafausune, huʼa huteʼa ge huge afige huʼa maiʼnae.

Matiyu 22:23

Ani afinaʼmo mago Satiyusi mono vayaʼmo Yesutegamo eʼnae. Apakaemo faliʼnaya vayaʼaifeʼmo he otigae, huʼa apakesamo neʼafiya vayane.

Matiyu 27:1

Kotilamiyapiʼmo mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼmogi vayatama vayaʼapiʼeʼmo aliʼa anupa huʼa maiʼneʼapaeʼmo amagigeno falino, huʼa hapa paiʼnae.

Luki 11:39

Ala kava neʼmoʼa hunoʼaeʼmo, Falasi vayaʼmogitapamo kapumo agotofuʼalegaʼe yuvapamo agotofuʼalegaʼeʼmo sese nehayaʼmonanafa lapaipafiʼmo lapaʼye nehiya kavaʼe hosu kavatapiʼeʼmo havai teʼniye.

Luki 20:20

Kalavusi huʼa atesaya kavafeʼmo amasa hisaya vayaʼmo aliʼa apateʼnageʼa uʼa maiʼneʼapaeʼmo Yesuʼa alagepa huʼa eʼa maiʼnae, huno apakesiyafeʼmo aigofe kavaʼmo huʼa maiʼneʼa geʼamo afiʼnae. Geʼamo afiteʼapaeʼmo, hosu gemo nehisigetaeʼmo atafauta kalavusi huta ateteta Lomu vekamo yagaino nelateya vekamo avalelita uta amigune, huʼa huʼnae.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

Lomu 1:32

Gotiʼa fatago kavaʼaletiʼmo ani agufa kavaʼmo nehaya vayaʼmo agoti huno apatetenoʼaeʼmo, anonatapilefeʼmo lapamisugetapa alagi falisaya agufa kavaʼmo hutapa maiʼnae, huno ago hu maleʼniye. Apakaemo ani gemo ago afiʼnayaʼmonanafa ani hosu kavaʼageʼmo nosayaʼmonanafa magoʼe huʼa hosu kavaʼmo nehayana hosu kavaʼmo nehaya vayaʼaifeʼmo amuse huʼa neʼapatae.

Lomu 7:22

Nagaemo saufa naipafatiʼmo Goti keʼaepa geʼaeʼmo nahauʼnigeʼna namogaga neʼauvaʼmonanafa

Leveleseni 22:15

Negayaʼmonanafa kalagana vayanagi Satani himamuʼaletiʼmo noʼagaya agufa aune kavaʼmo nehaya vayanagi kumai kavaʼmo nehaya vayanagi vayaʼmo neʼapamagiya vayanagi aigofe gotiʼapimogitefeʼmo mono nehaya vayanagi muki vayaʼmogimo aigofe kavafeʼmo hapauʼnigeʼapaeʼmo aigofe gemo nehaya vayanagi huʼa ani taonimo malagamo maigae.