Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Samu 62:2 - The Keyagana NT and 25 OT books

2 Agaiʼageʼmo yafaʼnimo maiʼneno nagufamo alino katino neʼnateya Gotiʼnimoʼmo maiʼniye. Naha maesigeʼna afaʼa maiguve.

အခန်းကိုကြည့်ပါ။ ကော်ပီ




Samu 62:2
17 ပူးပေါင်းရင်းမြစ်များ  

Ala kava neʼmo yafaʼnimo maige avaʼe note lafi kegiʼyaʼnimo maige nagufamo alino katino neʼnateya vekaʼnimo maige huʼniye. Gotiʼnimoʼmo yafakana huno maiʼniyanageʼna aliʼna amufa amiguve. Agaemo haleguʼnimo maige kokuʼnapi uno haiʼniya nokana huno maige huʼneno yagaino nateʼnigeʼna alagepa huʼna maiʼnove.


O Ala kava nene, huʼna, Kini vekamoʼmo lokiyakalefeʼmo amogaga aigiye. Agaemo agufamo alika katika ateʼnana kavafeʼmo lusi kava huno amogaga aigiye.


Ala kava neʼmo ha le yaʼnimo aepa vekamo maiʼneno nagufamo alino katino neʼnateya vekamo maiʼniyaʼmofeʼmo ina lagifeʼmo koli huguve. Ala kava neʼmo himamuʼnimo aepa vekamo maiʼniyaʼmofeʼmo ina lagifeʼmo atete huguve.


Apakaemo asagauʼa neʼaigenoʼaeʼmo Ala kava neʼmoʼa apayateʼmo alino he tino neʼapateyaʼmofeʼmo alagi asagauʼa oʼaigae.


Ala kava neʼmoʼa fatago vayaʼai apakufamo alino katino neʼapateya kavaʼmo aepa vekamo maiʼniye. Hanageke yaʼmo afole neʼaiya afinaʼmo himamuʼaletiʼmo hapa neʼmae.


O lokiyaʼnimae, huʼna, Nagaemo kagikaleʼmo aliʼna asaga huʼna yokemo huguve. Kagaemo alagepa huka yagaika natesanageʼna alagepa huʼna maiguve.


Kagaemo lokiyaʼnimae huʼna, Nagaemo kagikaleʼmo aliʼna asaga huʼna yokemo huguve. O Gotiyo, huʼna, kagaemo alagepa huka yagaika natesanageʼna alagepa huʼna maiguve.


Agaiʼageʼmo yafaʼnimo maiʼneno nagufamo alino katino neʼnateya Gotiʼnimoʼmo maiʼniye. Naha maesigeʼna afaʼa maiguve.


Agaemo alopa gefatiʼmo nagaefeʼmo keya aeno ge hunoʼaeʼmo, Kagaemo afoʼnimogamo maiʼnane. Gotiʼnimogae, huno, nagufamo alika katika natesana yafaʼnimo maiʼnane, huno naha paigiye.


Yihovaʼmo Ala kava neʼmo lokiya yafakana huno maiʼnigeno muki afinaʼmo lokiyaʼamo hanege hanege huno hanegaiyaʼmofeʼmo Ala kava nefeʼmo muki afinaʼmo alita amufa amiyo.


Yasimo neʼaliya afinaʼmo yafa kapiʼmo uʼa fala nekiya yafa kaʼapigana huno mago vekamo maigiye. Agaemo lusi kava huno lokiya yasimo alige ko aige hisigeʼapaeʼmo hapa maesiyafeʼmo uʼa fala kisaya koʼapigana huno maigiye. Agaemo hau huʼniya kotegamo alopa aniʼmo uno nelamiya anikana huno maige alagaʼmo nehapaeya kotega alopa yafaʼmo auneʼagana huno maige hugiye.


Lapakaetegamo aeto aeto agufa lapamalagekaʼmo hisaya kavaʼmo muki vayaʼaitegamo apamalageka nehiya kavakeʼmo afole aiʼniye. Gotiʼa huguve, huno nehiya kavaʼmo alagi nehiya vekamo maiʼniyaʼmofeʼmo lapamalageka hisiya kavaʼmoʼa aeno lapakasesiya kaʼmo afaʼa valino oʼategaiye. Lapamalageka hisigetapaeʼmo asagauta oʼaitapa he titapa maisayafeʼmo faita kasalo paesaya kaʼmo afaʼa valino lapategaiye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ