Samu 61:3 - The Keyagana NT and 25 OT books

³ Kagaemo fala kiʼna maiʼnova nokana huka maiʼnekaeʼmo alagepa huka yagaika nateʼnane. Kagaemo yatala noʼmo lokiya nokana huka maiʼnanageʼnaeʼmo kame vayaʼnimo apataleʼna uʼna haiʼna alagepa huʼna maiʼnove.

Samu 61:3 ပူးပေါင်းရင်းမြစ်များ

Samu 116:2

Keya aeʼna ge huʼnogeno geʼnimo afiʼniyaʼmofeʼmo ofaliʼna afaʼa maiʼneʼnaeʼmo muki afinaʼaeʼmo keya aeʼna ge huguve.

Samu 140:7

O Gotiyo, Ala kava neʼnimogae, huʼna, Kagaemo lokiya vekaʼnimogeka nagufamo alika katika neʼnatane. Nagaeʼeʼmo kamemo nehagekaeʼmo nagenopaleʼmo aika nati nekane.

Samu 18:2

Ala kava neʼmo yafaʼnimo maige avaʼe note lafi kegiʼyaʼnimo maige nagufamo alino katino neʼnateya vekaʼnimo maige huʼniye. Gotiʼnimoʼmo yafakana huno maiʼniyanageʼna aliʼna amufa amiguve. Agaemo haleguʼnimo maige kokuʼnapi uno haiʼniya nokana huno maige huʼneno yagaino nateʼnigeʼna alagepa huʼna maiʼnove.

Samu 27:5

Hanageke yaʼmo afole aisiya afinaʼmo alino fala kino natege alopa mono noʼafiʼmo alino fala kino natege huteno yatala yafateʼmo nasagauno faino nategaiye.

Samu 62:7

Gotiʼa nagufamo alino katino nateteno nagiʼnileʼmo alino asaga huno nategaiye. Gotiʼa lokiya yafaʼnimo maiʼniye. Nagaetegamo hosu kavaʼmo afole neʼaigeʼnaeʼmo agaepiʼmo alagepa huʼna fala kiʼna neʼmauve.

Mai'naya kavane 18:10

Ala kava neʼmo agiʼamoʼmo yatala noʼmo kokuʼnapiʼmo uno haiʼniya lokiya nokana huno haneʼniye. Fatago vayaʼmogimo ani nopiʼmo nagu nagu huʼa uʼa haiʼa alagepa huʼa maigae.

2 Kolitiyani 1:10

Agaemo lusi hanageke yaʼmo falisuna agufa hanageke yaʼmo aliʼnonaʼmonanafa lagufamo alino katino lateʼniyanageno alino katino nelateyanageno alu afinaʼaʼe alu afinaʼaʼeʼmo magoʼe huno lagufamo alino katino lategaiye, huta agaefeʼmo alita amufa neʼamune.