Samu 61:2 - The Keyagana NT and 25 OT books

² Ma mopamo atupaletiʼmo kagaefeʼmo ge huguve. Lusi kana yaʼmo alisugeno aino nati kaesiya afinaʼmo navalelika uka haika yafateʼmo faika nato. Nagaemo afepiʼmo maiʼnovanagi navalelika uka haika anaga haneʼniya yafateʼmo faika nato.

Samu 61:2 ပူးပေါင်းရင်းမြစ်များ

Samu 142:3

Nagaemo naipamoʼmo magoʼe huno kana huʼniya afinaʼmo neʼuva kaʼmo ago ageʼnane. Kame vayaʼnimogi nagae kateʼmo mago umenimoʼmo natafausiyafeʼmo ago fala ki maleʼnae.

Samu 143:4

Maiʼnovaʼmofeʼmo nagupi mafaʼnemo faligekana huno maiʼnigeʼnaeʼmo naipamoʼmo lusi kava huno kana huʼniye.

Samu 17:1

O Ala kava nene, huʼna, Alagepa kavaʼnieʼmo ge hisugekaeʼmo geʼnimo afiyo. Kamalageka hisuvafeʼmo nunumuʼmo osuʼnovanagi kaipamo namiyo.

Samu 18:2

Ala kava neʼmo yafaʼnimo maige avaʼe note lafi kegiʼyaʼnimo maige nagufamo alino katino neʼnateya vekaʼnimo maige huʼniye. Gotiʼnimoʼmo yafakana huno maiʼniyanageʼna aliʼna amufa amiguve. Agaemo haleguʼnimo maige kokuʼnapi uno haiʼniya nokana huno maige huʼneno yagaino nateʼnigeʼna alagepa huʼna maiʼnove.

Samu 18:46

Ala kava neʼmo afaʼageʼmo maiʼniye. Nagufamo alino katino neʼnateya Goti agiʼaleʼmo alita asaga higetao.

Samu 27:5

Hanageke yaʼmo afole aisiya afinaʼmo alino fala kino natege alopa mono noʼafiʼmo alino fala kino natege huteno yatala yafateʼmo nasagauno faino nategaiye.

Samu 40:2

Agaemo alagi hosu ive kelifatiʼmo nayate alino heno navayu hulineno haineno yafateʼmo nateteno alagepa kateʼmo visuvafeʼmo alino lokiya vaino nateʼniye.

Samu 42:6

Naipamoʼmo lusi kava huno kana nehiyaʼmofeʼmo agaefeʼmo halate nagesamo afiguve. Aniʼmo Hemoni avefatiʼe Misa avefatiʼeʼmo emineno alopa Yoneni anipiʼmo lamino haʼyamo asagauno neʼaigenoʼaeʼmo alopa agemo neʼaiya kava huno alopa hanageke yaʼmoʼa nagufaleʼmo nati kaeʼniye.

Samu 55:5

Koli nehugenoʼaeʼmo nagufamoʼmo lusi kava huno atete nehiye. Ani kavaʼmoʼa naipafiʼmo haneʼnigeʼna hosu kava huʼna aliʼna namalagiʼnove.

Samu 62:2

Agaiʼageʼmo yafaʼnimo maiʼneno nagufamo alino katino neʼnateya Gotiʼnimoʼmo maiʼniye. Naha maesigeʼna afaʼa maiguve.

Samu 62:6

Agaiʼageʼmo yafaʼnimo maiʼneno nagufamo alino katino neʼnateya Gotiʼnimoʼmo maiʼniye. Naha maesigeʼna afaʼa maiguve.

Samu 77:3

Nagaemo nage okaniʼna Gotifeʼmo nagesamo afiʼnogenoʼaeʼmo naipamoʼmo kana huʼniye. Nagesamo afime afime uʼna naipafiʼmo lokiya vaiʼna oʼmaiʼnove.

Aiyeya 32:2

Yasimo neʼaliya afinaʼmo yafa kapiʼmo uʼa fala nekiya yafa kaʼapigana huno mago vekamo maigiye. Agaemo lusi kava huno lokiya yasimo alige ko aige hisigeʼapaeʼmo hapa maesiyafeʼmo uʼa fala kisaya koʼapigana huno maigiye. Agaemo hau huʼniya kotegamo alopa aniʼmo uno nelamiya anikana huno maige alagaʼmo nehapaeya kotega alopa yafaʼmo auneʼagana huno maige hugiye.

Aiyeya 54:11

Agaemo Yulusalemu vayaʼaifeʼmo hapa painoʼaeʼmo, O, Yulusalemu taoniyo, huʼna, hanageke yaʼmo neʼaline. Alopa kana yaʼmo aliʼnanaʼmonanafa hapau huʼa kateteʼa kaha maesaya vayaʼmo oʼmaiʼnae. Oʼmaiʼnayaʼmonanafa nagaemo kanale kanale yafaʼageʼmo alopa moniletiʼmo miya nefaiya yafaʼmo aliʼna mopafiʼmo kale kae maleʼneʼna ani yafateʼmo alagi kanale taonimo kiguve.

Luki 22:44

Lusi kava huno kana hauʼnigeno aipafiʼmo kaveta hugekana huʼnigeno maiʼnenoʼaeʼmo magoʼe huno lokiya vaino nunumuʼmo nehigenoʼaeʼmo amuko hauteno haisemoʼmo kolakana huno lusi kava huno mopafiʼmo lape tape huno asagauno aiʼniye.