Samu 60:7 - The Keyagana NT and 25 OT books

⁷ Giliyati mopale maiʼnaya vayaʼmo vayaʼnimo maiʼnae. Manasa nofi vayaʼeʼmo vayaʼnimo maiʼnae. Ifalemu nofi vayaʼmo kame hisuva kapa kakolitaʼnigana huʼa maiʼnageʼna kini vekamoʼnamo vayaʼaiteʼmo yagaiʼna apatesuvafeʼmo Yuta nofi vayaʼmo hayopa kayoʼnigana huʼa maiʼnae.

Samu 60:7 ပူးပေါင်းရင်းမြစ်များ

Aepa Gemae 49:10

Kini vayaʼmogimo hayopa kayoʼapiletiʼmo yagaiʼa neʼapataya kava huʼa Yuta nofi vayaʼmogimo yagaiʼa apateme apateme neʼesageno mago vekamo Sailoʼmo egaiye. Sailoʼmo esigeʼapaeʼmo muki vayaʼmogimo aiyafiʼmo maiʼneʼa geʼamo afigae.

Samu 108:7

Gotiʼa aote geʼaletiʼmo hunoʼaeʼmo, Nagaemo kamemo ago huʼna aeʼna apaka seteʼna namogaga aiteʼna Sekemi mopaʼe Sukoti kagoʼmu koʼeʼmo vayaʼnimo aliʼna fako huʼna apamiguve.

Yasuva 13:31

Moseseʼa magokayaga Giliyati koʼmo atupaleʼmo haneʼniya mopagi kini vekamo Agaʼmo hogoteno yagaiʼniya taoniʼamo Asataloti taonigi Eʼnale taonigi huno apamiʼniye. Moseseʼmo muki ani mopamo Manasa mafaʼnemo Meki nofi vayapatiʼmo magokayaga afamo anagaʼaʼe anagaʼaʼeʼmo apamiʼniye.

Yasuva 17:1

Yosefe yege mafaʼneʼamo Manasaʼmo maiʼniyaʼmofeʼmo Manasa aginago nofi vayaʼmogi mopamo lekana paiʼa apateteʼa apamiʼnae. Manasa yege mafaʼneʼamo Mekiʼmo Giliyati afoʼamoʼmo lokiya vaino kame nehiya vekamo maiʼniyaʼmofeʼmo apakaemo Giliyati taoniʼe Mesani kotegaʼeʼmo lekana paiʼa ateteʼa amiʼnae. Ani mopamo Yoneni anitega yegemo haine neʼeya haopalegamo haneʼniye.

1 Samiyo 28:2

Neviniʼmo Ekisifeʼmo ha painoʼaeʼmo, Kagaemo afaʼa hisuva kavaʼmo ago ageʼnane, huno huʼnigeno Ekisiʼmo ha painoʼaeʼmo, Kanalene, huno, muki afinaʼmo yagaiʼa neʼnataya vayaʼaiteʼmo yagaika apategane, huno ha paiʼniye.