Samu 60:6 - The Keyagana NT and 25 OT books

⁶ Gotiʼa aote geʼaletiʼmo hunoʼaeʼmo, Nagaemo kamemo ago huʼna aeʼna apaka seteʼna namogaga aiteʼna Sekemi mopaʼe Sukoti kagoʼmu koʼeʼmo vayaʼnimo aliʼna fako huʼna apamiguve.

Samu 60:6 ပူးပေါင်းရင်းမြစ်များ

Aepa Gemae 12:6

Emalemiʼa vayaʼaʼeʼmo uʼa Sekemi taonifi Mole haopalegamo mago alopa yosamo aepaleʼmo avaʼyi huʼnae. Ani afinaʼmo Kenani nofi vayaʼmo ani mopaleʼmo maiʼnae.

Samu 119:162

Vayaʼmogi kamemo huʼa aeʼa apakaseteʼa alopa kagemi yaʼmo aliteʼapaeʼmo apamogaga neʼaiya kava huʼna gekaeʼmo namogaga neʼauve.

Samu 56:4

Nagaemo Gotiʼa hunoʼaeʼmo, lapa maegauve, huno huʼniya Gotifeʼmo ala agimo amiguve. Nagaemo Gotifeʼmo naha maegaiye, huʼna ago huʼnovanageʼna koli osuguve. Vayalafaʼmogimo nagaetegamo na agufa kavaʼmo afaʼa hugae.

Samu 89:19

Aote vekamoʼmo alagamuna agegekana huno ageʼnigekaeʼmo ina ge huka ha paiʼnane. Nagaemo himamuʼaʼe vekamo lokiya vaiʼna ateʼnove. Nagaemo mago vekamo vayapatiʼmo lekana paiʼna ateteʼna aliʼna asaga huʼna ateʼnove.

Samu 89:35

Nagaemo magoke afinaʼmo naote kavaʼnilefeʼmo huʼnaeʼmo, Nevinifeʼmo aigofe gemo alagi osuguve, huʼna nagoʼyamo ago ataleteʼna ha paiʼnove.

Yasuva 1:6

Kagaemo koli osuge kamoʼya oʼaige huteka he tika lokiya vaikageʼmo maiyo. Nagaemo mopamo lapamiguve, huʼna lapakinago vayaʼaifeʼmo nagoʼyamo ataleʼna polomasi gemo ago hu maleʼnove. Vayakamogimo ani mopamo apakaiʼapi mopamo alisayafekeʼmo kagaemo alika fako huka apamiganaʼmofeʼmo koli osuvo.

Yasuva 13:27

Yoneni aniʼmo kagoʼmu koʼmo aliteʼa Meti Helami taonigi Meti Nimila taonigi Sukoti taonigi Yafoni taonigi kini vekamo Saihoniʼmo yagaiʼniya mopafatiʼmo Lumeni nofi vayaʼmo oʼaliʼnaya mopamo mago atupa mopaʼagi huʼa aliʼnae. Mago hakuʼmo Yoneni anitega mopamo yegemo haine neʼeya haopalegamo haneʼnigeno alagi lamaga kotetiʼmo hanelino Galeliya ani kotuteʼmo uʼniye.

Yasuva 17:7

Manasa nofi vayaʼmogi mopamo hakuʼmo Asa nofi vayaʼmogi mopaletiʼmo aepa faiteno hanelino Sikemi taoni haopaleʼmo Mikimetati taonimo yegemo haine neʼeya haopalegamo hanelinuno hoga haopalega Enitapuva taonifi maiʼnaya vayaʼai mopaleʼmo uʼniye.

Yasuva 20:7

Ani gemo afiteʼapaeʼmo inagi apakaemo Kiʼnesi taonimo Galeliya kotega Nafatali vayaʼmogi aveleʼmo haneʼniya taonimo lekana paige Sikemi taonimo Ifalemi vayaʼmogi aveleʼmo haneʼniya taonimo lekana paige Kayatama taonimo alu agiʼamo Himoni taonimo Yuta vayaʼmogi aveleʼmo haneʼniya taonimo lekana paige huʼnae.

Yasuva 24:1

Yasuvaʼmo muki Isaleli nofi vayaʼmo Sikemi taonifiʼmo alino anupa huno apateʼnenoʼaeʼmo vayatama vayaʼaifenagi yagaiʼa apateʼnaya vayaʼaifenagi agoti gemo neʼafiya vayaʼaifenagi aliʼyaʼmo neʼaliya vayaʼaiteʼmo yagaiʼa neʼapataya kava vayaʼaifenagi huno ge huʼnigeʼa eʼa Goti aulagaleʼmo he tiʼnae.

Yasuva 24:32

Isaleli vayaʼmogimo Yosefe ayamufamo Isipi kotegatiʼmo aliniʼa eʼnaya ayamufamo Sekemi taonifiʼmo kiʼa ateʼnae. Akeyaʼvilagamo Yekopuʼa Hemo nofi vayaʼmogi mopamo vani hataleti siluva moniletiʼmo miya fai maleʼniya mopaleʼmo kiʼa ateʼnae. Hemo mafaʼnemo Sekemiʼae. Isaleli vayaʼmogimo kiʼa ateʼnaya mopaeʼmo Yosefe nofi vayaʼmogi mopae, huʼa huʼnae.