Samu 60:3 - The Keyagana NT and 25 OT books

³ Kagaemo vayakamo lusi kana yaʼmo apamiʼnane. Lokiya aniʼmo lamiʼnanageta neteta lakutaka nehune.

Samu 60:3 ပူးပေါင်းရင်းမြစ်များ

Samu 75:8

Ala kava neʼmoʼa aipamo leno neʼapateya kavaʼamoʼmo nofi alagafati aniʼmo lusi kava huno lokiya vaiʼniya anikana huno haneʼniyanageno mago kapufiʼmo havaiteʼnigeno aliʼniye. Agaemo lakisigeʼapaeʼmo muki hosu vayaʼmogimo alagi neʼa hano huʼa atalegae.

Samu 80:4

Ala kava neʼmo muki lokiyakamo haneʼniya Gotigae, huta, na magi afinaʼmo vayakamogi nunumuʼmo nehaya geʼapilefeʼmo kaipamo legaiye.

Samu 80:8

Akeyaʼvilagamo kagaemo Isipi kotegatiʼmo mago nofiʼmo alinika eʼnane. Ani nofiʼmo kali malesanafeʼmo ani mopaleʼmo maiʼnaya vayaʼmo alika hapa faika apataleteka mopaʼapileʼmo ani nofiʼmo kali maleʼnane.

Samu 85:5

Muki afinaʼmo kaipamo leka latesapiye. Hemenimo maiʼnaya vayaʼaifenagi henagaʼamo afole aisaya vayaʼaifenagi huka kaipamo leka apateka hano osuka kaipamo leka apateme apateme ugapiye.

Samu 89:39

Kagaemo aliʼyakamo neʼaliya vekaʼeʼmo kotalakemo hu maleʼnana gemo ago alika hano huka ataleʼnane.

Aiyeya 51:17

Ha paiʼnigeno ina gemo hunoʼaeʼmo, O Yulusalemu vayane, huno, lapaupatiʼmo he tiyo, he tiyo. He titapa lokiya vaiyo. Ala kava neʼmoʼa aipamo neleya kavaʼmo magoke kapufatiʼmo nofi alagafati aniʼmo neteʼa negi nagi nehaya anikana huno lapamiʼnigetapa alagi netetapa negi nagi hutetapa atete huʼnae.

Aiyeya 51:22

Ala kava neʼmo vayaʼamo hapau neʼvaiya Gotitapimoʼmo hunoʼaeʼmo, Ageyo, huʼna, Nagaemo ani naipamo leʼna nelapatova kapufi aniʼmo netetapa lusi kava hutapa negi nagi nehaya kapumo lapayapatiʼmo lapa faleʼna malegauve. Halate lapakaemo magoʼe hutapa oʼnegae.

Neniyo 9:12

Kagaemo alopa kana yaʼmo alisunafeʼmo lapakaetegaʼe yagaiʼa lapateʼnaya vayaʼaitegaʼeʼmo huguve, huka laha paiʼnana kavaʼmo lagaetegamo huʼnane. Kagaemo muki ma mopafi vayaʼaitegamo alika afole aika oʼateʼnana agufa kana yaʼmo Yulusalemu taonifi vayaʼmogitaleʼmo alika afole aika ateʼnane.

Hamakaki 2:16

Lapakaemo ala lapakitapimo oʼalisageno lapavagage hugiye. Lapakaeʼeʼmo ani kava hutapa negi nagi hisaya aniʼmo netetapaeʼmo lapakufaʼalagaʼageʼmo maigae. Ala kava neʼmoʼa lamaga ayatetiʼmo kapumo alino lapamisigeno lapavagage hisiya kavaʼmoʼa ha le konali yatapileʼmo aino ati kaegaiye.

Leveleseni 16:19

Lusi imimaʼmo aliteno alopa taonifi mopamo alino aino akaka vaeʼnigeno alino fako huno loleʼe magoʼe atupamo hamaleʼniye. Muki alu kotega alu kotegamo haneʼniya taonimo asagauno aiʼniye. Gotiʼa alopa taonimo Mamiloni taonieʼmo age okanino agesamo afiteno nofi alagafati aniʼmo kapufiʼmo havai teʼniya aniʼmo alino amiʼniya kava huno aipamo leno apateteno lusi kayoʼmo apamiʼniye.

Leveleseni 18:16

Kage kage nehuʼapaeʼmo, Alopa taonimoʼa alagepa kenagi oko kukenagi haesa kukenamogi huno vaino aliʼniye. Goli konali yanagi alagepa yafa konali yanagi sesumogi huno vaino aliʼniyaʼmonanafa