Samu 59:3 - The Keyagana NT and 25 OT books

³ Apakaemo apako fala kiʼa maiʼneʼa kamitimo namagisageʼna falisuvafeʼmo nehae. Apakaemo hosu kame vayaʼmo aliʼa anupa huʼa maiʼneʼa nagaeʼeʼmo kamemo hisayafeʼmo nehae. O Ala kava nene, huʼna, Apakaemo hosu kava anonaʼnilefeʼmo nosafa nagaetegamo fikumo hosu kavaʼmo hisayafeʼmo nehae.

Samu 59:3 ပူးပေါင်းရင်းမြစ်များ

Samu 140:2

Muki afinaʼaeʼmo apakaemo hosu kavakeʼmo hisayafeʼmo apakesamo afiteʼapaeʼmo ge neʼvaiya kavaʼmo aliʼa he tiʼa neʼatae.

Samu 2:2

Ma mopafi kava vayaʼe kini vayaʼapimogiʼeʼmo Ala kava netegaʼe lekana paino ateteno uvelimo lakino faleno ateʼniya vekalegaʼeʼmo kame huʼana anatesayafeʼmo aliʼa anupa huʼa maiʼneʼa vegemo huʼapaeʼmo, yagaiʼana latesaʼagetaeʼmo anaiyafiʼmo oʼmaigune, huʼa nehae.

Samu 38:12

Namagisayafeʼmo nehaya vayaʼmogimo aneʼaimo hanagi maleʼnae. Namagisayafeʼmo nehaya vayaʼmogimo nagaetegamo hisaya kavafeʼmo muki afinaʼmo apakesa afifi huʼa maiʼneʼa namagisaya kafeʼmo kahauya huʼa agesayafeʼmo nehae.

Samu 56:6

Apakaemo magokepi aliʼa anupa huteʼa fala kiʼa maiʼneʼapaeʼmo muki nehuva kavaʼnileʼmo yagaiʼa maiʼnae. Kamitimo namagisayafeʼmo fala kiʼa maiʼnae.

Samu 69:4

Nayokaʼmo asole yaʼmo haneʼniya kava huʼa kame vayaʼnimo magoʼe huʼa maiʼnae. Apakaetegamo mago agufa hosu kavaʼmo osuʼnovaʼmonanafa nagaefeʼmo fikumo apaini nehae. Afaʼa fikumo nahaesayafeʼmo huʼnaya vayaʼmo lokiya vayaʼmo maiʼnae. Mago yaʼapimo kumaya oʼaliʼnovaʼmonanafa anonaʼnilefeʼmo afaʼa apamiguve.

Mai'naya kavane 12:6

Hosu vayaʼmogi huʼapaeʼmo, fala kita maiʼneta apamagigune, huʼa nehayaʼmonanafa fatago vayaʼai geʼapiletiʼmo apakaiʼapi apakufamo aliʼa katiʼa apategae.

Mai'naya kavane 24:15

Hosu vekae, huʼna, fatago vekamo noteʼmo falakika yagaika oʼmaiyo. Nehavaeya nopatiʼmo kumayaʼmo oʼaliyo.

Maika 7:2

Muki ma mopafiʼmo fatago vayaʼmo faliʼnae. Magoke fatago vekamo oʼmaiʼniye. Muki vayaʼmogimo alu vayaʼaifeʼmo kame huʼa apateteʼa aliʼa hosu huʼa apatesaya kafeʼmo kahauya nehae. Muki vayaʼmogimo apakaiʼapi nofi vayaʼmo apatafauʼa kamitimo apamagisayafeʼmo umenimo aliniʼa neʼvae.

Yoni 15:25

Apakae keʼaepa gemoʼmo hunoʼaeʼmo, apakaetegamo mago hosu kavaʼmo osuʼnovaʼmonanafa nagaefeʼmo fikumo apaini huʼnae, huno avoʼmo kae maleʼniya gemo afole aisiyafeʼmo ani kavaʼmo nehae.

Apa 23:21

Ani gemo kaha paisagekaeʼmo oʼafiyo. Fotiʼamo ago aeno agaseno magoʼe vayaʼmo kateʼmo fala kiʼa yagaiʼa maigae. Apakaemo huʼapaeʼmo, Neʼyaʼmo oʼneta mosita maime maime neʼuta Poloʼmo amagisunageno falitesigetaekeʼmo halate neʼyaʼmo negaune. Alagi lama gemo nehune, huʼa apagoʼya ataleʼnae. Ago alo huʼa kagaefekeʼmo kagava maiʼnae, huno ha paiʼniye.

1 Samiyo 19:1

Inagi Soloʼmo Neviniʼa kamiti haesayafeʼmo mafaʼneʼamo Yonatanifeʼmo ha paige muki aliʼyaʼamo neʼaliya vayaʼaeʼmo hapa paige huʼniyaʼmonanafa Yonataniʼmo Nevinifeʼmo lusi kava huno hauʼnigeno amogaga aiʼniye.

1 Samiyo 24:11

Afoʼnimogae, huʼna, Magoʼe gemo afiyo. Kukena yakamo atupaʼaleʼmo ago. Kukenakamo hatagauʼnovaʼmonanafa kamitimo okamagiʼnove. Kagaemo ageka alagepa huteka afiyo. Nagaemo kagaetegamo hosu kavaʼmo huge aliʼna hosu huʼna katege hisuvafeʼmo nagesamo oʼafiʼnove. Nagesamo oʼafiʼnovaʼmonanafa kagaemo kamitimo namagisanafeʼmo nagaefeʼmo kahauya nehane.

1 Samiyo 24:17

Agaemo Nevinifeʼmo ha painoʼaeʼmo, Kagaemo nagaetegamo alagepa kavaʼmo huʼnanaʼmonanafa nagaemo kagaetegamo hosu kavaʼmo huʼnovaʼmofeʼmo fatago kavatefeʼmo ago aeka naga seʼnane.

1 Samiyo 26:18

Ala vekaʼnimogae, huʼna, Na kava higekaeʼmo aliʼyakamo neʼaluva vekamo natafausanafeʼmo kahauya nehane. Na agufa hosu kavaʼmo huʼnove.