Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Samu 58:1 - The Keyagana NT and 25 OT books

1 Lapakaemo vayatama vayane, huʼna, Lapakaemo agotileʼmo fatago gemo nehafiye. Lapakaemo muki vayaʼmogi geʼapimo alagepa hutapa alita fako nehafiye.

အခန်းကိုကြည့်ပါ။ ကော်ပီ




Samu 58:1
18 ပူးပေါင်းရင်းမြစ်များ  

O Gotiyo, huʼna, kahau huka nato. Nagupi mafaʼnemoʼa kagaefeʼmo alino amufa nekamiye. Nagaemo kahakumo ulunapiʼmo alagepa huʼna fala kiʼna maime maime neʼvisugenoʼaeʼmo mani hanageke yaʼmoʼmo aeno naga seno nataleno ugiye.


O Gotiʼnimogae, huʼna, kagaemo kame vayaʼnimogi apayapatiʼmo navalo. Kagaemo yagika nateʼnegeʼa aliʼa hosu huʼa oʼnateyo.


Afiyo, huno, Mago kini vekamoʼmo fatago kavaʼaletiʼmo yagaino apatesigeʼa ala vayaʼmogiʼeʼmo alagepa huʼa aliʼa fako huʼa yagaiʼa apategae.


Inagi Ala kava neʼmoʼa Mosesefeʼmo hunoʼaeʼmo, kagaemo sevetiʼa vayatama vayaʼmo apavalelika seli mono noteʼmo nagaetegamo eno. Kagaemo ago apakeʼnanageʼa yagaiʼa neʼapataya vayatama vayaʼmo apavalelika seli noʼnileʼmo egeʼa kagaeʼeʼmo magokepi he tiʼa maigae.


Inagi mono huʼa neʼapataya vayaʼaiteʼmo yagaiʼa neʼapataya vayaʼe Yu vayatama vayaʼmogiʼeʼmo hogote vekamo mono huʼa neʼapataya vayaʼaiteʼmo yagaino neʼapateya vekamo agiʼamo Kaiyafasi alopa noʼafiʼmo aliʼa anupa huʼa maiʼnae.


Kotilamiyapiʼmo mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼmogi vayatama vayaʼapiʼeʼmo aliʼa anupa huʼa maiʼneʼapaeʼmo amagigeno falino, huʼa hapa paiʼnae.


Apa vayaʼmogimo geʼamo afiteʼa akame huʼa kotilamiyapiʼmo uʼa alopa mono nopiʼmo uʼa haiʼa aliʼa apaya maleʼnae. Mono huʼa neʼapataya vayaʼaiteʼmo yagaino neʼapateya vekaʼe vayaʼamogiʼeʼmo muki Yu vayaʼaiteʼmo yagaiʼa neʼapataya vayatama vayaʼaifeʼmo ge huʼnageʼa eʼa kanisole vayaʼeʼmo aliʼa anupa huʼa maiʼnae. Maiʼneʼapaeʼmo ati vayaʼaifeʼmo huʼapaeʼmo, uta kalavusi nopatiʼmo apavalelitapa eyo, huteʼa aliʼa apateʼnageʼa uʼnae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ