Samu 57:1 - The Keyagana NT and 25 OT books

¹ O Gotiyo, huʼna, kahau huka nato. Nagupi mafaʼnemoʼa kagaefeʼmo alino amufa nekamiye. Nagaemo kahakumo ulunapiʼmo alagepa huʼna fala kiʼna maime maime neʼvisugenoʼaeʼmo mani hanageke yaʼmoʼmo aeno naga seno nataleno ugiye.

Samu 57:1 ပူးပေါင်းရင်းမြစ်များ

Samu 125:1

Ala kava nefekeʼmo aliʼa amufa neʼamiya vayaʼmogimo Saiyoni avegana huʼa maiʼnae. Saiyoni avemoʼmo kanage osuno lokiya vaino nehaneya kava huʼa maiʼnae.

Samu 13:5

Muki afinaʼmo oʼnataleka nagaefeʼmo kahau kayamopafiʼmo kahaugiye, huʼna aliʼna amufa nekamuve. Nagufamo alika katika nateganaʼmofeʼmo naipafiʼmo namogaga aiguve.

Samu 142:1

Nagaemo alopa gefatiʼmo Ala kava nefeʼmo ge nehuve. Ala kava nefeʼmo ge huʼna afinegove.

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Samu 36:7

O Gotiyo, huʼna, olataleka lagaefeʼmo kahau kayamopafiʼmo kahauʼniya kavakamoʼmo kanale alagepa kavaʼmo haneʼniyaʼmofeʼmo lahauʼniye. Kagaefeʼmo alita amufa kamiʼnonaʼmofeʼmo kahakumo auneʼafiʼmo uta fala kita neʼmaune.

Samu 56:1

O Gotiyo, huʼna, Vayaʼmogimo aliʼa hano huʼa natalesayafeʼmo huʼnayaʼmofeʼmo kahau huka nato. Kame vayaʼnimogimo aliʼa hosu huʼa natesayafeʼmo muki afinaʼmo kame huʼa neʼnatae.

Samu 58:1

Lapakaemo vayatama vayane, huʼna, Lapakaemo agotileʼmo fatago gemo nehafiye. Lapakaemo muki vayaʼmogi geʼapimo alagepa hutapa alita fako nehafiye.

Samu 59:1

O Gotiʼnimogae, huʼna, kagaemo kame vayaʼnimogi apayapatiʼmo navalo. Kagaemo yagika nateʼnegeʼa aliʼa hosu huʼa oʼnateyo.

Samu 61:4

Nagaemo alagepa seli nokafiʼmo muki afinaʼmo maige maige huʼna maiguve. Nagaemo kahakufiʼmo fala kiʼna maisuvafeʼmo aliʼna amufa kamiguve.

Samu 63:7

Naha maeʼnanaʼmofeʼmo kahakufiʼmo maiʼneʼnaeʼmo namogaga aiguve.

Samu 75:1

O Gotiyo, huʼna, Lagaemo kagaefeʼmo kahaoke nehone. Kagaemo alagepa himamukaletiʼmo nehana kavakaletiʼmo lahaopaleʼmo maiʼnove, huka alika laveliʼnanaʼmofeʼmo kagaefeʼmo kahaoke nehone.

Samu 9:10

O Ala kava nene, huʼna, Hapa maesanafeʼmo kagaetegamo neʼaya vayaʼmo apataleka oʼuganaʼmofeʼmo kagikamo afiʼa alagepa huʼa afiʼnaya vayaʼmogimo kagaefekeʼmo aliʼa amufa nekamiye.

Samu 91:1

Hogote Ala vekaʼapimo fala kino maiʼniyategamo uno haino maiʼniya vekamoʼmo lokiyaʼaʼe vekamo aunefiʼmo fala kino maige maige huno maigiye.

Samu 91:4

Agaemo hakumo alino atalelineno hakufiʼmo alino fala kino katesigeka alagepa huka hakufiʼmo fala kika maigane. Lama geʼamoʼmo kagae halegukana huno haneʼneno yagaino katesigeka maigane.

Samu 91:9

Kagaemo agaepiʼmo uʼna fala kiʼnova vekafikeʼmo, maige maige huʼna maiguve, huka huʼnanaʼmofeʼmo mago hosu yaʼmoʼa okahaesigeno hosu kaitaʼmo nokaleʼmo afole oʼaigiye.

Aiyeya 26:20

Gotiʼa agaemo hapa painoʼaeʼmo, Vayaʼnimogitapae, huno, Notapifiʼmo uta haiʼnetapa kitamo ki maleyo. Aise afinaʼmo fala kitapa maime maime neʼvigenoʼao aipamo leno neʼapateya kavaʼamo hano hugiye.

Aiyeya 50:10

Lapakaepatiʼmo ina laʼmo Ala kava nefeʼmo koli nehiye. Ina laʼmo aliʼyaʼamo neʼaliya vekamo geʼamo neʼafiye. Ina laʼmo lusi hani huʼniya yapiʼmo umenitata nehiye. Agaemo Ala kava neʼmo agiʼalefeʼmo alino amufa aminoʼaeʼmo naha maegaiye, huno ge hugiye.

Matiyu 24:22

Ani agufa hanageke yaʼmo afole aisiya afinaʼmo alino hogo huno oʼateʼniyesinana muki vayaʼmo ago faliʼnaesinaʼmonanafa lekana paino apateʼniya vayaʼaitefeʼmo hanageke afinaʼmo alino hogo huno ategaiye.

Luki 13:34

Yulusalemuvo, Yulusalemuvo, huʼna, monoteʼmo yagaiʼnaya vayaʼmogitapamo lapakaemo Gotitegati gemo alini eʼa aeʼa hakalo huʼa hapa nepaiya vayaʼmo apamagige alino apateʼnigeʼa lapakaetegamo uʼnaya vayaʼmo yafa kayotetiʼmo kamitimo apamagige huta neʼmaiya vayane. Kokolemogimo apanaʼaumo aliʼa hapakufiʼmo neʼapataya kava huʼna muki afinaʼmo mafaʼnetapimo nagaetega apavaleliʼna esuvafeʼmo nahauʼniyaʼmonanafa lapakaemo olapauʼniye.

Yoni 16:20

Alagi lama gemo lapa nepauve, huʼna, lapakaemo aviʼyaʼmo hugayaʼmonanafa ma mopafi vayaʼmogimo apamogaga aigae. Yulagefa aitetapaeʼmo halate aitapa afe letapa lapamogaga aigae.

Leveleseni 21:4

Agaemo apaulagafatiʼmo apaunumo alagi alino laneno atalegaiye. Muki vayaʼamo halate magoʼe huʼa ofalige magoʼe huʼa yulagefa oʼaige magoʼe huʼa aviʼyaʼmo osuge magoʼe huno apakafu okige hugiye. Muki kavaʼamo atafa kavaʼmogeno alagi hano huʼniye, huno huʼnigeʼna afiʼnove.

Leveleseni 7:14

Ala vekae, huʼna, oʼapakeʼnove. Kagaemo apakeʼnanagi naha paiyo, huʼna afi geʼnogeno naha painoʼaeʼmo, Kalaisiʼa lusi kava huʼa apaini huʼa lapatesaya afinaʼmo afole aigiye, huno lapa paiʼniya afinaʼmo alopa hanageke yaʼmo ago afole aiʼnigeʼa Goti geʼamo oʼataleʼa eʼa maiʼnae. Yatala kukenaʼapimo aikeli sipisipi vekamo kolaʼaletiʼmo sese huʼnageno yaveyave kukenamo hamaleʼniye.

Luti 2:12

Ala kava neʼmoʼa kaha maeno kamisigeka maiyo. Kagaemo eka Ala kava neʼmo Isaleli vayaʼai Gotiʼapimo hakufiʼmo fala kiʼnananageno alagepa huno yagaino kategaiye, huno ha paiʼniye.

1 Samiyo 22:1

Ani kavaʼmo afole aiʼniyaʼmofeʼmo Neviniʼmo Gati taonifatiʼmo ataleno aune he taleno uno Analami taonimo haopaleʼmo mago alopa yafa kapiʼmo uno maiʼniye. Nepuʼamogiʼe muki afoʼamo afamo anagaʼeʼmo, ani kotegamo maiʼniye, huʼa huʼnaya gemo afiteʼapaeʼmo agaetegamo uʼa agaeʼeʼmo maiʼnae.

1 Samiyo 24:3

Apakaemo uʼa avaʼyi huʼnageno ka agiʼnaleʼmo sipisipi anagaʼmogi kegiʼyamo haneʼniya haopaleʼmo mago alopa yafa kaʼmo haneʼniye. Soloʼmo aifaʼamo lesiyafeʼmo ani yafa kapiʼmo uno haiʼnigeʼa Neviniʼe vayaʼaʼeʼmo ani yafa kapiʼmo atupaleʼmo fala kiʼa maiʼnae.

1 Samiyo 24:4

Inagi Nevini vayaʼamogimo Nevinifeʼmo huʼapaeʼmo, Ala kava neʼmoʼa hemenimo afole aiʼniya afina kavafeʼmo kaha paiʼniye. Kaha painoʼaeʼmo, Afiyo, huno, Kagaemo kame vekakalegamo kahauʼnisiya kavaʼmo hisanafeʼmo kamekamo avaleʼna kayapiʼmo ategauve, huno kaha paiʼniye, huʼa ha paiʼnae. Inagi Neviniʼmo vase huno Solo haopaleʼmo uno yatala kukenaʼamo aise atupaʼamo hatagauʼniyaʼmonanafa Soloʼmo oʼageʼniye.

1 Samiyo 24:8

Neviniʼmo ani kava huno yafa kapatiʼmo uno laminoʼaeʼmo Solofeʼmo keya aeno ge hunoʼaeʼmo, Ala Kini vekaʼnimogae, huno huʼnigeno Soloʼmo ani gemo afitenoʼaeʼmo aino afeleʼnigenoʼaeʼmo Neviniʼmo ape huno ateʼniye.

1 Samiyo 26:9

Huno ha paiʼniyaʼmonanafa Neviniʼmo agaefeʼmo ha painoʼaeʼmo, Haʼao, alika hosu huka oʼato. Ala kava neʼmoʼa lekana paino ateʼniyaʼmofeʼmo mago vekamoʼmo amagisiyaʼmoʼmo hosu kavaʼmo anonaʼamo alagi hanegaiye, huno huteno