Samu 56:6 - The Keyagana NT and 25 OT books

⁶ Apakaemo magokepi aliʼa anupa huteʼa fala kiʼa maiʼneʼapaeʼmo muki nehuva kavaʼnileʼmo yagaiʼa maiʼnae. Kamitimo namagisayafeʼmo fala kiʼa maiʼnae.

Samu 56:6 ပူးပေါင်းရင်းမြစ်များ

Samu 140:2

Muki afinaʼaeʼmo apakaemo hosu kavakeʼmo hisayafeʼmo apakesamo afiteʼapaeʼmo ge neʼvaiya kavaʼmo aliʼa he tiʼa neʼatae.

Samu 37:32

Hosu vayaʼmogimo fatago vayaʼmo apamagisayafeʼmo aulu hapaeʼa neʼapakae.

Samu 57:6

Natafausayafeʼmo aneʼaimo hanagi maleʼnae. Lusi kana yaʼmo aliʼnove. Apakaemo nagaemo cvisuva kateʼmo kafi maleʼnaya kelifiʼmo apakaiʼapimo asagauʼa aiʼnae.

Samu 59:3

Apakaemo apako fala kiʼa maiʼneʼa kamitimo namagisageʼna falisuvafeʼmo nehae. Apakaemo hosu kame vayaʼmo aliʼa anupa huʼa maiʼneʼa nagaeʼeʼmo kamemo hisayafeʼmo nehae. O Ala kava nene, huʼna, Apakaemo hosu kava anonaʼnilefeʼmo nosafa nagaetegamo fikumo hosu kavaʼmo hisayafeʼmo nehae.

Samu 89:51

O Ala kava nene, huʼna, kame vayakamogimo huʼa faipa huʼa lateʼnae. Apakaemo uvelimo lakika ateʼnana vekamoʼmo nehiya kavafeʼmo huʼa faipa huʼa ateʼnae.

Mai'naya kavane 24:15

Hosu vekae, huʼna, fatago vekamo noteʼmo falakika yagaika oʼmaiyo. Nehavaeya nopatiʼmo kumayaʼmo oʼaliyo.

Aiyeya 54:15

Mago kame vayaʼmogimo eʼa kagaeʼeʼmo kamemo hisayafeʼmo aliʼa anupa huʼa maisayana nagaemo afaʼa aliʼna apatesugeʼa oʼugae. Kagaeʼeʼmo kamemo hisayafeʼmo aliʼa anupa huʼa maisaya vayaʼmo asagauʼa aigae.

Neniyo 6:4

Agesamo afiʼniyaʼmofeʼmo ani kavafeʼmo ohapauʼnigeʼa lole hogote vekalanagi polovenesile yagaiʼnaya vayanagi huʼa Neniyoʼmo gamani aliʼyaʼafiʼmo mago afole aiʼnisiya hosu kavaʼamo ageteʼa agoti huʼa atesayafeʼmo amalageka huʼa kahauya huʼnayaʼmonanafa mago hosu kavaʼamo oʼageʼnae. Muki afinaʼmo alagepa aliʼyaʼmo aliʼniyaʼmofeʼmo mago kayagi kayaga kavaʼamofi hosu kavaʼamofi huʼa oʼageʼnae.

Matiyu 26:57

Yesuʼmo atafauʼa avaleliʼa hogote vekamo mono huʼa neʼapataya vayaʼaiteʼmo yagaino neʼapateya vekamo agiʼamo Kaiyafasi nopiʼmo keʼaepa gemo avoʼmo kaeʼa aliʼa apaya neʼmalaya vayaʼe vayatama vayaʼeʼmo aliʼa anupa huʼa maiʼnaya nopiʼmo avaleli uʼa haiʼnae.

Matiyu 27:1

Kotilamiyapiʼmo mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼmogi vayatama vayaʼapiʼeʼmo aliʼa anupa huʼa maiʼneʼapaeʼmo amagigeno falino, huʼa hapa paiʼnae.

Luki 20:20

Kalavusi huʼa atesaya kavafeʼmo amasa hisaya vayaʼmo aliʼa apateʼnageʼa uʼa maiʼneʼapaeʼmo Yesuʼa alagepa huʼa eʼa maiʼnae, huno apakesiyafeʼmo aigofe kavaʼmo huʼa maiʼneʼa geʼamo afiʼnae. Geʼamo afiteʼapaeʼmo, hosu gemo nehisigetaeʼmo atafauta kalavusi huta ateteta Lomu vekamo yagaino nelateya vekamo avalelita uta amigune, huʼa huʼnae.