Samu 56:4 - The Keyagana NT and 25 OT books

⁴ Nagaemo Gotiʼa hunoʼaeʼmo, lapa maegauve, huno huʼniya Gotifeʼmo ala agimo amiguve. Nagaemo Gotifeʼmo naha maegaiye, huʼna ago huʼnovanageʼna koli osuguve. Vayalafaʼmogimo nagaetegamo na agufa kavaʼmo afaʼa hugae.

Samu 56:4 ပူးပေါင်းရင်းမြစ်များ

2 Sitoli 20:3

Kini vekamo Yihosafatiʼa ani gemo afitenoʼaeʼmo koli huʼniye. Agaemo lokiya agesamo afinoʼaeʼmo Ala kava neʼmoʼa hauʼniya kavaʼmo kahauya huno agesiyafeʼmo muki Yu vayaʼmo maiʼnaya kotegamo ge huno atalegeno uʼniya gemoʼmo neʼyaʼmo mo siʼnetapa Ala kava nefeʼmo nunumuʼmo hiyo, huno huʼniye.

2 Sitoli 20:4

Inagi muki Yuta vayaʼmo taonifatiʼmo ataleʼa Ala kava nefeʼmo nunumuʼmo huʼa ge huʼa afi gesageno hapa maesiyafeʼmo Yulusalemu taonifiʼmo uʼnae.

Samu 118:6

Ala kava neʼmo nagae vekamogeno naha maesiyafeʼmo maiʼniyaʼmofeʼmo vayaʼmogi nagaetegamo hisaya kavafeʼmo koli osuguve.

Samu 119:160

Akeyaʼvilaga aepa faiʼnana afiʼnatetiʼmo haneʼniya gekamo alagi lama gemo haneʼniye. Muki gekamo alika fako nehana gekamoʼmo hanege hanege huno muki afinaʼaeʼmo hanegaiye.

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Samu 138:2

Kagaemo nagaefeʼmo muki afinaʼaeʼmo alagi kahauʼnigeka lama geʼageʼmo nehanaʼmofeʼmo nagaemo kagaemo kaote mono noʼmo aulagamo mono huʼna kagikaleʼmo aliʼna asaga huguve. Kagaemo kagikaleʼmo alika asaga huteka gekaleʼmo magoʼe huka alika asaga huʼnane.

Samu 27:1

Ala kava neʼmo ha le yaʼnimo aepa vekamo maiʼneno nagufamo alino katino neʼnateya vekamo maiʼniyaʼmofeʼmo ina lagifeʼmo koli huguve. Ala kava neʼmo himamuʼnimo aepa vekamo maiʼniyaʼmofeʼmo ina lagifeʼmo atete huguve.

Yoni 10:35

Ago afiʼnonana Goti mukufi haneʼniya gemo alagi lama gemo hanege hanege huno haneʼneno hano osisiya agufa gemo haneʼniye. Goti mukufiʼmo haneʼniya gemoʼa Goti geʼamo alino apamiʼniya vayaʼaifeʼmo, gotikana hutapa maiʼnae, huno hapa paiʼniye.

Himulu 13:6

Huno huʼniyaʼmofeʼmo koli osuta lokiya gemo hutaeʼmo, Ala kava neʼmoʼa laha neʼmaeya vekamo maiʼniye. Koli osugune. Ma mopafi vayaʼmogi lagaetegamo na agufa kavaʼmo hugae, huta hugune.

1 Samiyo 30:6

Muki vayaʼamogi ve mafaʼneʼapilefenagi a mafaʼneʼapilefenagi huʼa apakesamo afiteʼapaeʼmo hosu apaipamo kaliʼniyaʼmofeʼmo apakaemo huʼapaeʼmo, Yafa kayotetiʼmo Neviniʼmo kamitimo amagigune, huʼa hagenoʼaeʼmo Neviniʼmo lusi kana yaʼmo aliʼniye. Kana yaʼmo alitenoʼaeʼmo Neviniʼmo agaiʼamo Ala kava neʼmo Gotiʼamotetiʼmo lokiya vaino ateʼniye.