Samu 56:1 - The Keyagana NT and 25 OT books

¹ O Gotiyo, huʼna, Vayaʼmogimo aliʼa hano huʼa natalesayafeʼmo huʼnayaʼmofeʼmo kahau huka nato. Kame vayaʼnimogimo aliʼa hosu huʼa natesayafeʼmo muki afinaʼmo kame huʼa neʼnatae.

Samu 56:1 ပူးပေါင်းရင်းမြစ်များ

Samu 136:10

Agaemo Isipi vayaʼai yege mafaʼne anagaʼapimo kamitimo apamagiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 136:15

Agaemo vayaʼamo hapa maeʼniyaʼmonanafa Isipi kini vekaʼe ati vayaʼaʼeʼmo apamagiteno solovala anipiʼmo aeno apati kaeʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 143:12

Nagaemo aliʼyakamo neʼaluva vekamo maiʼnovaʼmofeʼmo muki afinaʼmo kahau kayamopafiʼmo kahaume kahaume neʼviya kavatetiʼmo kame vayaʼnimo kamitimo apamagige nagupi mafaʼnemo aliʼa hosu huʼa neʼataya vayaʼmo apamagige huvo.

Samu 16:1

O Gotiyo, huʼna, nagaemo kagaefekeʼmo aliʼna amufa kamiʼnovaʼmofeʼmo yagaika nategeʼnao afaʼa maino.

Samu 21:9

Kagaemo afole yateʼmo afole aisana afinaʼmo ina kava huka alopa atamoʼmo muki yaʼmo neleya kava huka kaipamo leno katesigeka kame vayakamo alika hano huka apatalegane. Ala kava neʼmoʼa aipamo lesigenoʼaeʼmo atamoʼmo apalegaiye.

Samu 27:2

Hosu vayaʼmo kame vayaʼnimogi nagaetegamo hosu kavaʼmo nehaya vayaʼmogimo namagiʼa nagufamo nesayafeʼmo nagaetegamo eʼapaeʼmo apagoʼyamo faiʼa asagauʼa aiʼnae.

Samu 31:9

O Ala kava nene, huʼna, Lusi hanagekeyaʼmo aliʼnovaʼmofeʼmo kahau huka nato. Lusi kava huʼna aviʼyaʼmo nehuve. Nagufamo alagepa huno ohaneʼnifa hosu kava huno haneʼniye.

Samu 58:1

Lapakaemo vayatama vayane, huʼna, Lapakaemo agotileʼmo fatago gemo nehafiye. Lapakaemo muki vayaʼmogi geʼapimo alagepa hutapa alita fako nehafiye.

Samu 59:1

O Gotiʼnimogae, huʼna, kagaemo kame vayaʼnimogi apayapatiʼmo navalo. Kagaemo yagika nateʼnegeʼa aliʼa hosu huʼa oʼnateyo.

Samu 59:10

Gotiʼnimoʼmo nagaefeʼmo hauʼniyanageno eno naha maegaiye. Gotiʼa kame vayaʼniʼeʼmo kamemo huteno aeno apaka sesiya kavaʼmo alino nave lisigeʼna agegauve.

Samu 60:1

O Gotiyo, huʼna, kagaemo lataleka uʼnane. Lokiyatimo alika lo aeteka kaipamo leka lateʼnane. O Gotiyo, huʼna, halate alika alagepa huka lato.

Mai'naya kavane 1:12

Lagaemo malage huta uta apamagisunageʼa faligae. Falisaya kavaʼmo malage huno vayaʼaiteʼmo afole aiʼnigeʼa faliteʼa vayaʼmo faliʼa uʼa neʼmaiya kotegamo neʼvaya kava huta uta apamagigune.

1 Kolitiyani 15:54

Kasalisiya lagufamo ataleta okasalisiya lagufamo alisuna afinaʼmo Goti mukufiʼmo hu maleʼniya gemo afole aigiye. Ani gemoʼa hunoʼaeʼmo, Ala kava neʼmoʼa kamemo huno aeno agasetenoʼaeʼmo vayaʼmo nefaliya kavaʼmo ago alino hano huno ataleʼniye.

1 Samiyo 29:4

Agaemo ani gemo hapa paiʼniyaʼmonanafa Filisatini vayaʼaiteʼmo neʼyagaiya vayaʼmogi Ekisifeʼmo apaipamo leʼnigeʼa Ekisifeʼmo ha paiʼapaeʼmo, Kagaemo halate alika atagineka ategenoʼa amiʼnana taonifiʼmo vino. Agaemo lagaeʼeʼmo magokepi lokaeno kamelegamo oʼvino. Fiku yanageno agaemo lagaeʼeʼmo kamemo lahaegaiye. Agaemo ani kavaʼmo hisiyaʼmoʼmo lahaesiya kavatetiʼmo ala vekaʼaʼeʼmo alino nanu aeno ategaiye.