Samu 55:22 - The Keyagana NT and 25 OT books22 Kagaemo muki neʼalina kana yaʼmo Ala kava neteʼmo maleʼnegenoʼa agaemo aliteno. အခန်းကိုကြည့်ပါ။ |
Inagi ma mopafi maisaya kavafeʼmo hutapaeʼmo, na agufa neʼyaʼmo negaune, hutapa huge na agufa aniʼmo negaune, hutapa huge na agufa kukena yaʼmo lagufaleʼmo vaigune, hutapa huge huteta lapakesa alaʼamo oʼafiyo. Ofalita afaʼa neʼmaiya kavakeʼmo hogote kavaʼmo haneʼnigeno neʼyaʼmo henaga yaʼmo haneʼniye. Lapakufageʼmo hogote yaʼmo haneʼnigeno kukenamo henaga yaʼmo haneʼniye.
Yesuʼa geʼamo neʼafiya vayaʼaifeʼmo hunoʼaeʼmo, ina kavaʼmo huno haneʼniyaʼmofeʼmo lapa paiʼnaeʼmo, afaʼa neʼmaiya kavaʼmo hogote kavaʼmo haneʼnigeno neʼyaʼmo ago aeno aga seʼniye. Lapakufamo hogote yaʼmo haneʼneno kukena yaʼmo ago aeno aga seʼniye. Aeno aga seʼniyaʼmofeʼmo ma mopafi maisaya kavafeʼmo, vae, na agufa neʼyaʼmo negaune, na agufa kukena yaʼmo aligune, huteta lapakesa alaʼamo afiteta lahapausoli osiyo.