Samu 55:21 - The Keyagana NT and 25 OT books

²¹ Agaemo avayaletiʼmo haga gemo huʼniyaʼmonanafa aipafiʼmo agesamo afinoʼaeʼmo apakaeʼeʼmo kamemo huguve, huno agesamo afiʼniye. Geʼamoʼmo lagaemo laipamoʼmo falu hisigeta maisuna gemo laha paiʼniyaʼmonanafa ani gemoʼmo lusi kava huno aveʼmo neʼneya naipekana huno laisiyafeʼmo haneʼniye.

Samu 55:21 ပူးပေါင်းရင်းမြစ်များ

Samu 12:2

Muki vayaʼmogimo afa gegeʼmo hapa nepaiye. Hapa paiteʼa aigofe geletiʼmo huʼa hapaoke nehae.

Samu 28:3

Kagaemo hosu vayaʼe hosu kavaʼmo nehaya vayaʼeʼmo hosu kotegamo apavalelika visana afinaʼmo apakaeʼeʼmo magokepiʼmo navalelika oʼuvo. Apakaemo hapaopaleʼmo maiʼnaya vayaʼaifeʼmo huʼapaeʼmo, Magokepiʼmo alagepa huta maigune, huʼa nehayaʼmonanafa hosu kavaʼmo hisaya kavaʼmo apaipafiʼmo havaiteʼniye.

Samu 57:4

Nagupi mafaʼnemoʼmo laiyoni anagaʼmogi folagapiʼmo maiʼniye. Nagaemo ma mopafi vayaʼmo atagana huʼa maiʼnaya vayaʼai folagapiʼmo maiʼnove. Apaveʼmoʼa hayo kana huno hanege kevegana huno hanege huʼniye. Apavenafuʼnamo aveʼmo neʼneya naipegana huno haneʼniye.

Samu 59:7

Geʼapimoʼmo aveʼmo neʼneya naipegana huno haneʼniye. Apakaemo faipa huʼa apatege apamagigune, huʼa huge nehae. Apakaemo huʼapaeʼmo, Ina lagimo getimo afigae, huʼa nehae.

Samu 62:4

Apakaemo aliʼa afepiʼmo yaga auʼa atalesayafeʼmo vege nehae. Aigofe gemo hisayafeʼmo apamogaga neʼaiye. Apakaemo apavayaʼaletikeʼmo aliʼa auleʼa neʼapatayaʼmonanafa apaipafiʼmo lifana huʼa neʼapatae.

Samu 64:3

Apakaemo apavenafuʼnaleʼmo kuʼme kaneʼnageno aveʼmo neʼneya naipegana huno haneʼniye. Hosu geʼapimoʼmo kevegana huno haneʼniye.

Mai'naya kavane 12:18

Naipemoʼmo vayaʼai apaipafiʼmo neʼaeya kava huʼa mago vayaʼmogi lokiya gefatiʼmo huʼnagenoʼaeʼmo apakafu nekiya gemo nehayaʼmonanafa afiteʼa ageʼnaya vayaʼmogimo geʼapiletiʼmo vayaʼmo hapa maeʼa aliʼa alagepa huʼa neʼapatae.

Mai'naya kavane 26:28

Aigofe geʼaletiʼmo huno alino hosu huno neʼapateya vekamoʼmo huno alino hosu huno neʼapateya vayaʼaifeʼmo nohaiye. Aipafatiʼmo osuno avayaʼaletikeʼmo ala agimo amisiya vekamo alino hosu huno ategaiye.

Matiyu 26:25

Yutasiʼmo kutulu yaʼmo aliʼniya vekamoʼmo hunoʼaeʼmo, Tisao, huno, nagaefeʼmo nehapiye, huno afi geʼnigenoʼaeʼmo Yesuʼa, ago alagi nehane, huno ha paiʼniye.

Yoni 13:2

Sataniʼa Yutasiʼmo Isakaliyoti kotega vekamo Saimoni mafaʼnemoʼa Yesuʼmo avaleno hosu vayaʼai apayapiʼmo atesiya agesamo amiʼniye. Neʼyaʼmo neteʼapaeʼmo Yesuʼa ago ageʼniyana muki yaʼmo Afoʼamoʼmo muki vayaʼaiteʼe muki yateʼeʼmo yagaisuvafeʼmo lekana paino nateʼniye. Gotitegatiʼmo emiʼneʼnovanageʼna halate Gotitegamo uʼna haiguve, huno ago ageʼniye.

1 Samiyo 18:22

Soloʼmo aliʼyaʼamo neʼaliya vayaʼaifeʼmo hapa painoʼaeʼmo, Lapakaemo utapa Neviniʼmo agesageno agaiʼamo magokeʼageʼmo maiʼnisigetapaeʼmo ina ge huta agesamo faiyo. Ago, hutapa, kini vekamoʼmo kagaefeʼmo amogagamo neʼaigetaeʼmo lagaemo muki aliʼyaʼamo neʼaluna vayaʼmogitaʼeʼmo kagaefeʼmo lahauʼniye. Ani kavatefeʼmo kini vekamo ayemoʼamogamo maiyo, hutapa ha paiyo huno hapa paiʼniye.