Samu 53:1 - The Keyagana NT and 25 OT books

¹ Negi nagi vayaʼmogimo apaipafiʼmo, Gotiʼa oʼmaiʼniye, huʼa nehae. Afumo nefaligenoʼaeʼmo apakufamo nekasaliya kava huʼa hosu vayaʼmo maiʼnae. Gotiʼa avenatuʼnaʼmo heno neʼapateya kavaʼmo nehae. Magoke vekamoʼmo alagepa kavaʼmo nehiya vekamo alagi oʼmaiʼniye.

Samu 53:1 ပူးပေါင်းရင်းမြစ်များ

Samu 10:11

Agaemo aipafiʼmo hunoʼaeʼmo, Gotiʼa nehuva kavaʼnieʼmo age kaniʼniye, huno nehiye. Aulagaleʼmo aino ati kaeʼniyanageno hisuva kavaʼnimo afa oʼagegaiye, huno nehiye.

Samu 10:13

Na kava higeʼapaeʼmo hosu vayaʼmogi Gotiʼa ataleʼa neʼvae. Apakaemo apaipafiʼmo huʼapaeʼmo, Agoti huno olategaiye, huʼa apakesamo neʼafiyaʼmofeʼmae.

Samu 10:4

Avai avai nehiya vekamoʼmo Gotiʼa agesiyafeʼmo kahauya nosiye. Gotifeʼmo alagi agesamo noʼafiye.

Samu 10:6

Aipafiʼmo hunoʼaeʼmo, Nagaemo asagauʼna oʼaiguve, huno agesamo neʼafiye. Muki afinaʼmo kana yaʼmo oʼaliguve, huno agesamo neʼafiye.

Samu 92:6

Oʼafiʼniya vekamoʼmo ani kavaʼmo afaʼa oʼagegaiye. Negi vekamoʼmo ani kavafeʼmo alagi afino aeto osugiye.

Matiyu 5:22

Afiʼnayaʼmonanafa nagaemo huʼnaeʼmo, mago vekamoʼmo agaetegamo hosu kavaʼmo osuʼnisiya konagaʼamofeʼmo aipamo leno atesiyana agoti huno ategaiye. Mago vekamoʼmo konagaʼamofeʼmo, nagiʼnaga vekae, huno huʼnisiyana kanisole vayaʼaitegamo avalelinuno alino he tino ategaiye. Mago vekamoʼa konagaʼamofeʼmo, faipa nagiʼnaga vekae, huno huʼnisiyana ata kopiʼmo uʼa nelamiya kateʼmo neʼviye.

Luki 12:20

Agesamo afiʼniyaʼmonanafa Gotiʼa hunoʼaeʼmo, negi vekae, huno, hemeni haniʼilagamo kagupi mafaʼnemo halate namiyo, huʼna hisugeka faligane. Falisanageʼapaeʼmo ina lagimo ageka maleʼnana kagemi yakamo aligae, huno ha paiʼniye, huno hapa paitenoʼaeʼmo,

Lomu 1:21

Muki vayaʼmogimo Gotiʼmo ago ageʼnayaʼmofeʼmo ala agiʼamo Gotiʼmo amisaya agufa agiʼamo oʼamige agaefeʼmo hao ke osege huʼa maiʼnae. Afa apakesageʼmo neʼafigeno apaipafiʼmo hani huʼniya kavaʼmo afole aiʼnigeʼapaeʼmo negi nagi kavaʼmo huʼa maiʼnae.

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

Efasasi 5:12

Fala kiʼa nehaya kavafeʼmo ava gemo hisunana lavagage hugiye.

1 Pita 4:3

Lagaemo hogoteta malaga vayaʼmogi hapauʼniya kavakeʼmo alagi huʼnonaʼmonanafa hemenimo magoʼe huta osugune. Hogoteta kumai kavaʼmo hisunafeʼmo apayate alige amega lagufamoʼmo hauʼniya kavaʼmo huge aniʼmo neteta negi nagi kavaʼmo huge ogefagemo huge aniʼmo neteta hosu kigi yokalo gemo huge hutetaeʼmo aigofe gotitefeʼmo hosu monoʼmo huʼnone.