Samu 51:6 - The Keyagana NT and 25 OT books

⁶ Vae, huʼna, lama ge kavaʼmo naipafiʼmo hanesiyafeʼmo kahauʼniyaʼmofeʼmo ageʼna aeto hisuvafeʼmo naipafiʼmo alika naya malegane.

Samu 51:6 ပူးပေါင်းရင်းမြစ်များ

2 Samiyo 12:13

Neviniʼa Netanifeʼmo ha painoʼaeʼmo, Nagaemo Ala kava netegamo hosu kavaʼmo huʼnove, huno huʼnigeno Netaniʼmo hunoʼaeʼmo, Ala kava neʼmoʼa hosu kavakamo alino ataleʼniyanageka afa ofaligane.

Samu 125:4

Ala kava nene, huʼna, gekamo akame nehaya vayaʼaitegamo kanale kavaʼmo huvo.

Samu 15:2

Vaiʼmo oʼaliʼa he tiʼa umenitata huge fatago kavaʼmo huge apaipafatiʼmo lama gemo huge

Samu 26:2

O Ala kava nene, huʼna, Namalageka huvo. Nagesamo neʼafuva kavaʼe naipafiʼmo nahauʼniya kavaʼniʼeʼmo alika fako huvo. Hosu kavaʼmo nehufi nosufi huka kavaʼnimo alika fako huvo.

Samu 32:5

Ani afinaʼmo hosu kavaʼnieʼmo aeʼna hakalo huʼna kaha paiʼnova afinaʼmo hosu kavaʼnimo aeʼna ati okaeʼnove. Nagaemo, keʼaepa gekamo ago amagiʼna ataleʼnova kavaʼnieʼmo Ala kava neʼmogaeʼmo aeʼna hakalo huʼna kaha paiguve, huʼna huʼnogekaeʼmo hosu kavaʼnimo ago alika ataleʼnane.

Samu 41:5

Kame vayaʼnimogimo nagaefeʼmo hosu apaipamo kaliʼa nateteʼa nagaemo falisugeʼa vayaʼmogi nagaefeʼmo apake kaniʼa atalesayafeʼmo hapauʼnigeʼapaeʼmo, Hainu afinaʼmo falisigeno agiʼamo hano hisigeʼa agaefeʼmo alagi apake kanigiye, huʼa nehae.

Samu 5:9

Lama gemo apavayafiʼmo alagi ohaneʼniye. Apaipafiʼmo hosu kavaʼageʼmo haneʼniye. Lugoʼapimo kano kelimo aliʼa halo neʼaigeno atu neʼaiya kano keligana huno haneʼniye. Apavenafuʼnaletiʼmo hapaisiya agufa gemo nehae.

Mai'naya kavane 2:21

Muki alagepa fatago vayaʼmo alagepa huʼa muki afinaʼmo mopatileʼmo maigae. Vaiʼmo oʼaliʼnisaya vayaʼmo oʼataleʼa mopatileʼmo maige maige huʼa maigae.

Mai'naya kavane 2:6

Ala kava neʼmoʼa afiteʼa neʼagaya kavaʼmo alino neʼapamiye. Agaiʼa avayafatiʼmo afiteʼa neʼagaya kavaʼe afiʼa aeto nehaya kavaʼeʼmo emineneʼe.

Luki 11:39

Ala kava neʼmoʼa hunoʼaeʼmo, Falasi vayaʼmogitapamo kapumo agotofuʼalegaʼe yuvapamo agotofuʼalegaʼeʼmo sese nehayaʼmonanafa lapaipafiʼmo lapaʼye nehiya kavaʼe hosu kavatapiʼeʼmo havai teʼniye.

Lomu 7:22

Nagaemo saufa naipafatiʼmo Goti keʼaepa geʼaeʼmo nahauʼnigeʼna namogaga neʼauvaʼmonanafa

2 Kolitiyani 1:12

Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.

Yemisi 4:8

Goti haopaleʼmo vigenoʼao lapakae lapaopaleʼmo eno. Hosu kavaʼmo nehaya vayaʼmogitapae, huʼna, lapayaʼmo sese hiyo. Lole lapakesamo neʼafiya vayanagi lapaipafatiʼmo oʼaniʼyamo aeta kalo paetapa ataleyo.

1 Pita 3:4

Lapakaetegamo hosu kavaʼmo afole aisigetapaeʼmo yuna lapaipa falu lapaipamo kaligenoʼao, konali yakana huno hanege hanege huno haneno. Gotiʼa ani kavafeʼmo hunoʼaeʼmo, alagi hogote alagepa kavaʼmo haneʼniye, huteno amuse nehiye.

1 Samiyo 16:7

Agesamo afiʼniyaʼmonanafa Ala kava neʼmoʼa Samiyofeʼmo ha painoʼaeʼmo, kagaemo amega agufalefeʼmo kagesamo oʼafika yatala vekaeʼmo alagepa kaulagamo oʼago. Nagaemo kini vekamo maisiyafeʼmo nagesamo oʼafiʼnove. Vayaʼmogi neʼapakaya agufa kavaʼmo huʼna oʼageʼnove. Ma mopafi vayaʼmogi amega apakufaʼalefekeʼmo neʼapakayaʼmonanafa Ala kava neʼmoʼnamo apaipa apakesafikeʼmo neʼapakove.