Samu 51:4 - The Keyagana NT and 25 OT books

⁴ Kagae kaulagaleʼmo hosu kavakeʼmo huʼna maiʼnove. Nagaemo hosu kavaʼmo huʼnovaʼmofeʼmo kagaemo fatago kavaʼmo huka agotimo huka nateʼnane. Kagaemo nagaefeʼmo fatago gemo hukaeʼmo, hosu kavaʼmo huʼnane, huka huʼnane.

Samu 51:4 ပူးပေါင်းရင်းမြစ်များ

Aepa Gemae 20:6

Ha paiʼnigeno Gotiʼa alagamuna kategatiʼmo ha painoʼaeʼmo, He, huno, kageʼnovana kagaemo alagepa kaipa kagesamo haneʼnigekaeʼmo ani kavaʼmo huʼnane. Nagaetegamo hosu kavaʼmo osisanafeʼmo ka akaniʼna kateʼnovaʼmofeʼmo agufaleʼmo afaʼa ame oʼaliʼnane.

Aepa Gemae 38:7

Avalelino eʼniyaʼmonanafa Ala kava neʼmo aulagaleʼmo kavaʼmoʼmo alagi hosuʼnigeno Ala kava neʼmoʼa ago amagiʼnigeno faliʼniye.

Aepa Gemae 39:9

Noʼafiʼmo mago vekamo aeno naga seʼniya vekamo oʼmaiʼnigeʼna muki yaʼe vayaʼaiteʼeʼmo nagaiʼnigeʼmo yagaiʼnove. Muki yaʼamo alino namiʼniyaʼmonanafa kagaemo aʼamo maiʼnanaʼmofeʼmo kavaleno oʼnamiʼniye. Haiya kava huʼna ani alopa hosu kavaʼmo Gotitegamo huguve, huno ha paiʼniye.

Aepa Gemae 9:6

Ina laʼmo mago vekamo kamiti amagisigeno kolaʼamo hisifi vayaʼmogimo anonaʼalefeʼmo ani vekamo kamiti amagisageno kolaʼamoʼmo hisigeno falino. Gotiʼa vemo agaiʼagana huno alo huʼniyaʼmofeʼmae.

Samu 50:4

Agaemo vayaʼageʼmo alino fako huno apatesiyafeʼmo kokuʼnapi vayaʼe ma mopafi vayaʼefeʼmo ge hugiye.

Samu 50:6

Kokuʼnapiʼmo maiʼnaya vayaʼmogimo huʼapaeʼmo, alagi fatago vekamo maiʼniye. Agaiʼageʼmo alino fako huno apategaiye, huʼa hugae.

Aiyeya 43:25

Nagaiʼnilefeʼmo nagaiʼnimo keʼaepa gemo amagitapa ataleʼnaya kavatapimo aeʼna kalo paeʼna ataleʼnove. Nagaemo hosu kavatapieʼmo nagesamo oʼafiʼna nage kaniʼna atalegauve.

Luki 15:21

Mafaʼneʼamoʼmo hunoʼaeʼmo, Afo, huno, Gotitegamo hosu kavaʼmo huteʼna kagaetegaʼeʼmo hosu kavaʼmo huʼnovanagi nagaefeʼmo, mafaʼneʼniye, huka hisana agufa kavaʼmo huʼna oʼmaiʼnove, huno ha paiʼniyaʼmonanafa

Luki 7:29

Muki afa vayaʼmogiʼe takesi moni neʼaliya vayaʼmogiʼeʼmo Yoniʼa huʼniya gemo afiteʼapaeʼmo, Gotiʼa alagepa vekamo fatago vekae, huʼa huʼnageno Yoniʼa aniʼmo faleno apateʼniyaʼmonanafa

Apa 17:31

Gotiʼa agoti huno apatesiya afinaʼmo lekana pai maleteno agoti huno apatesiya vekamo ago lekana paino ateʼniye. Lekana paino ateʼniya vekamoʼmo alagi lama geʼaletikeʼmo alino alagepa huno agoti huno apategaiye. Muki vayaʼmogimo ani kavatefeʼmo magoke apaipa apakesamo alisayafeʼmo Gotiʼa ani vekamo faliʼniyatetiʼmo ago alino he tino ateʼniye, huno hapa paiʼniye.

Lomu 2:5

Kaipamo alika afe oleʼnanaʼmonanafa kaipamoʼmo lokiya vaiʼnigeka afaʼa maiʼnekaeʼmo Gotiʼa aipamo leno nekateya kayoʼmo alo huka maleme maleme neʼanagenoʼaeʼmo ko nesiye. Gotiʼa aipamo leno neʼapateyanageno vayaʼai apaulagaleʼmo alino alagepa huno agoti huno apatesiya afinaʼmo mani kayoʼmo kamigiye.

Lomu 3:4

Alagi atalegeno hano hino. Muki vayaʼmogimo aigofe gemo nehisagenoʼaeʼmo Gotiʼa agaiʼa geʼamo alagi oʼataleno akame hugiye. Ani kavatefeʼmo Goti mukufi gemoʼa hunoʼaeʼmo, kagaemo gemo hisanageʼa afiteʼapaeʼmo, alagi lama gemo nehiye, huʼa hugae. Vayaʼmogimo agoti huʼa nekatesagekaeʼmo aeka apakasegane, huno avoʼmo kae maleʼniye.

Yemisi 2:11

Na kava higeʼapaene. Kumai kavaʼmo osiyo, huno huʼniya vekamoʼmo magoʼe gemo hunoʼaeʼmo, vayaʼmo ohapaeyo, huno huʼniye. Kumai kavaʼmo osutapa vayaʼmo hapaeʼnisayana Goti keʼaepa geʼamo ago amagitapa ataleʼnae.

Yemisi 2:9

Mani gemo akame nehisayana alagepa kavaʼmo nehayaʼmonanafa alu vaya alu vayaʼaitegamo magoke agufa kavaʼmo nosisayana hosu kavaʼmo nehae. Ani agufa hosu kavaʼmo nehisagenoʼaeʼmo keʼaepa gemoʼa hunoʼaeʼmo, keʼaepa geʼamo amagitapa ataleʼnaya vayaʼmae, huno nehiye.

Leveleseni 16:5

Aniteʼmo neʼyagaiya enisole vekamoʼmo hunoʼaeʼmo, O Ala kava nene, huno, Kagaemo fatago vekamo maiʼnane. Hogoteka maiʼneka hemeniʼeʼmo neʼmainanageka henagaʼaʼeʼmo alagi maisana vekamo maiʼnane. Kagaemo kavaʼapimo alika fako huka apatetekaeʼmo fatago kavaʼmo nehane.

Leveleseni 19:11

Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.