Samu 51:17 - The Keyagana NT and 25 OT books

¹⁷ Afu ofalinimo kamisuvafeʼmo okahauʼnifa hosu kavaʼnieʼmo naipamo kana hisiyafeʼmo kahauʼniye. O Gotiyo, huʼna, hosu kavaʼnieʼmo naipamo kana huge yulagefa aige hisuva kavafeʼmo kahauʼniye.

Samu 51:17 ပူးပေါင်းရင်းမြစ်များ

Samu 107:22

Apakaemo Gotifeʼmo hao ke hesaya ofalinimo amagiʼa amiyo. Amiteʼa aliʼyaʼalefeʼmo apamogaga aiteʼapaeʼmo aeʼa hakalo hiyo.

Samu 147:3

Agaemo hosu kavaʼapieʼmo apaipamoʼmo kana nehiya vayaʼmo alino hapageno apateteno apaipafatiʼmo apakafu kiʼniya kavaʼapileʼmo hayaeno neʼapate.

Samu 22:24

Hanageke yaʼmo neʼaliya vayaʼmo apataleno aino afe leno akameʼyamo noʼapamifa keya aeʼa ge nehagenoʼaeʼmo geʼapimo afiteno hapa neʼmae.

Samu 34:18

Ala kava neʼmoʼa hosu kavaʼapieʼmo apaipamoʼmo kana nehiya vayaʼai hapaopaleʼmo maiʼnenoʼaeʼmo yulagefa neʼaiya vayaʼai apakufamo alino katino neʼapate.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Matiyu 5:3

Hapa painoʼaeʼmo, launelametefeʼmo kagemi yatimo ageta oʼmaleʼnona vayaʼmo maiʼnone, huʼa apakesamo neʼafisaya vayaʼmogimo Gotiʼa yagaino neʼapateya kegiʼyafiʼmo haiʼa maiʼnageno muki yaʼamo apakaiʼapi yaʼmo haneʼniyaʼmofeʼmo Goti aulena vayaʼamo maiʼnae.

Maki 12:33

Agaefeʼmo muki laipafatinagi muki lapagupi mafaʼnefatinagi muki laune lamepatinagi muki laya mufafatinagi huno lahauʼnisigeta lagaitieʼmo lahau layamopafiʼmo nelahaiya kava huta lahaopaleʼmo maiʼnaya vayaʼaifeʼmo lahaisiya kavaʼmoʼa afumo amagita atafiʼmo kaeta Gotina ofalinimo amige alu ofalinimo amige hisuna kavaʼmo ago aeno aga seʼniye, huno huʼniye.

Luki 15:10

nagaemo lama gemo lapa nepauve, huʼna, ani kavaʼmo huno mago vekamoʼmo aipamo alino afe lesigeʼapaeʼmo kokuʼnapi vayaʼmogimo enisole vayaʼmogi apaulagaleʼmo apamogaga neʼaiye, huno hapa paiʼniye.

Lomu 12:1

Konagaʼnimogitapae, huʼna, Gotiʼa ani kavaʼmo nehiyaʼmofeʼmo nagaemo lapa maeno hau huno lapateʼniya kavaʼaletiʼe kavaʼaletiʼefeʼmo huʼnaeʼmo, Lahapao ke hovanagi Gotikeʼmo lapakufamo amiyo. Ofaliʼniya ofalinimo aunemeʼe ofalinimo aote ofalinimo Gotiʼa amuse huno lapatesiya agufa ofalinimo amiyo. Ani agufa kavaʼmo lapakesafatiʼmo mono hisaya kavaʼmo haneʼniye.

Filipai 4:18

Inagi muki namiʼnaya yaʼmo aliʼnogeno magoʼe yaʼnimo afaʼa haneʼniye. Epafalonaitasiʼa fikumo namiʼnaya yaʼmo alinineno namiʼnigeʼna alagi haiʼmo aliʼnove. Alagepa atumo neʼaiya ofalinimo haneʼnigeno Gotiʼa hauʼnigeno amuse huno nelapate.

Himulu 13:16

Amitetapaeʼmo alagepa kavaʼmo huge hapa maetapa apamige hisayafeʼmo lapake okanino. Gotiʼa ani agufa ofalinimo neʼamiya kavafeʼmo lusi kava huno nehaiye.

1 Pita 2:5

Lapakaeʼeʼmo afaʼa maisaya yafakana huta maiʼnagenoʼaeʼmo Gotiʼa lapakaetetiʼmo Goti Aunemeʼamo maisiya noʼmo kime kime neʼe. Lapaote vayaʼmo maiʼnetapa lapaipafatiʼmo Gotiʼa amuse huno lapatesiya ofalinimo Yesu Kalaisitetiʼmo Gotiʼa amisayafeʼmo mono hutapa neʼapataya vayaʼmo maiʼnae.