Samu 51:14 - The Keyagana NT and 25 OT books

¹⁴ O Gotiyo, huʼna, nagaemo mago vekamo kamitimo amagiʼnove. Ani hosu kavaʼnimo alika atalo. Alika atalesanageʼnaeʼmo, nagufamo ago alino katino nateʼniye, huʼna huteʼna yokemo huguve.

Samu 51:14 ပူးပေါင်းရင်းမြစ်များ

Aepa Gemae 42:22

Lumeniʼa hunoʼaeʼmo, Nagaemo lapa paiʼnaeʼmo, ani mafaʼnelegamo mago hosu kavaʼmo osiyo, huʼna ago lapa paiʼnovaʼmonanafa geʼnimo oʼafiʼnae. Oʼafiʼnayaʼmofeʼmo Gotiʼa agoti huno nelategetaeʼmo kolaʼalefeʼmo hosu yaʼmo neʼalune, huno huʼniye.

Aepa Gemae 9:6

Ina laʼmo mago vekamo kamiti amagisigeno kolaʼamo hisifi vayaʼmogimo anonaʼalefeʼmo ani vekamo kamiti amagisageno kolaʼamoʼmo hisigeno falino. Gotiʼa vemo agaiʼagana huno alo huʼniyaʼmofeʼmae.

2 Samiyo 12:9

Na kava higekaeʼmo Ala kava neʼmo geeʼmo ina agufa ge, huteka kakameʼyamo amiteka aulagaleʼmo hosu kavaʼmo huʼnane. Kagaemo naipeletiʼmo Yulaiyaʼmo aiʼnanageno falitegeka aʼamo aliʼnane. Kagaemo Amoni vayaʼai apayapatiʼmo amagiʼnanageno faliʼniye.

Esala 9:13

Lagaemo hosu kavaʼmo huteta alopa vaiʼmo aliʼnonaʼmofeʼmo kayoʼmo ago lamiʼnanaʼmonanafa hosu kavatimo haneʼniya kavatefeʼmo alopa kayoʼmo lamisana agufa kavaʼmo huta maiʼnonaʼmonanafa alopa kayoʼmo olamika laha maeka hosu kavapatiʼmo lagufamo alika katika lateʼnane.

Samu 25:5

Nagufamo alika katika neʼnatana Gotigamo maiʼnanaʼmofeʼmo lama gekamo akame hisuvafeʼmo alika naya malo. Muki afinaʼaeʼmo kagava neʼmauve.

Samu 26:9

Kagaemo hosu kavaʼmo nehaya vayaʼeʼmo alika hosu huka oʼnato. Kagaemo kamitimo apamagiʼnaya vayaʼmogimo alisaya kayoʼmo nagaemo oʼnamiyo.

Samu 38:22

Ala kava neʼnimogae, huʼna, nagufamo alika katika neʼnatana vekaʼnimogamae, huʼna, malage hukeka naha mao.

Samu 55:23

O Gotiyo, huʼna, Kagaemo alika apatalesanageʼa faligae. Kame nehaya vayaʼe aigofe gemo nehaya vayaʼeʼmo aupa afinaʼmo maiteʼa faligae. Faligayaʼmonanafa nagaemo aliʼna amufa kamiguve.

Samu 68:20

Lagaemo Gotitimoʼmo apakufamo alino katino neʼapate. Agaemo falisuna kavategatiʼmo lagufamo alino katino lateʼniye.

Aiyeya 12:2

Afiyo, huʼa, Gotiʼa nagufamo alino katino neʼnateya vekamo maiʼniye. Ala kava neʼmoʼa mago agiʼamo Yamo nagaemo lokiya vaiʼna neʼmauva kavaʼmo nehiyanageʼna agiʼaleʼmo aliʼna asaga hisuva yokemo huguvaʼmofeʼmo nagaemo agaefekeʼmo aliʼna amufa amiʼnaeʼmo koli osuguve. Agaemo nagufamo alino katino neʼnateya vekamo hamaleʼniye.

Aiyeya 45:17

Afigayaʼmonanafa Ala kava neʼmoʼa Isaleli vayaʼmogi apakufamo alino katino apatesigeʼa alagepa huʼa maige maige huʼa maigae. Lapakaemo hosu lapakitapimo alige lapavagage huge hutapa oʼmaigafa muki afinaʼaeʼmo alagepa hutapa maige maige hutapa maigae.

Neniyo 9:16

O Ala kava nene, huʼna, nunumuʼmo huʼnaeʼmo, fatago kavakalefeʼmo magoʼe huka kaipamo leka olateka magoʼe huka kayamukiki huka aote aveleʼmo haneʼniya Yulusalemu taonifi vayaʼmo oʼapamagiyo. Lagaeʼe laginago vayaʼeʼmo hosu kavaʼmo huʼnonaʼmofeʼmo muki lahaopaleʼmo maiʼnaya vayaʼmogimo huʼa faipa huʼa nelatageno lavagage nehiye.

Neniyo 9:7

O Ala kava nene, huʼna, Kagaemo fatago kavaʼageʼmo nehana Gotigamo maiʼnanaʼmonanafa lagaemo muki Isaleli vayaʼmogita hosu kavatimoʼmo muki afinaʼmo alopa lavagage yaʼmo alino nelamiye. Lagaemo Yuta kotega vayaʼmogitaleʼe Yulusalemu taonifi vayaʼmogitaleʼeʼmo hemenimo ani lavagage yaʼmo haneʼniye. Mago vayaʼakamo kataleʼa uʼnayaʼmofeʼmo alika hapa faika apataleʼnanageʼa uʼa haopaleʼmo maige afagitegamo maige huʼnaya vayaʼmogi apavagage hisiya kavaʼmo haneʼniye.

Hamakaki 3:18

nagaemo Ala kava netefeʼmo namogaga aiguve. Nagufamo alino katino neʼnateya Gotifeʼmo namogaga aiguve.

Apa 18:6

Yu vayaʼmogimo geʼamo amagiʼa ataleteʼa huʼa faipa huʼa ateʼnagenoʼaeʼmo kukenaʼaletiʼmo mumusopamo alino kalo paeno ataletenoʼaeʼmo, Oʼafiʼnayaʼmofeʼmo lapakaemo afela hesayaʼmoʼmo nagaemo vaiʼmo oʼaligufa lapakaitapigeʼmo vaiʼmo aligae. Lapataleʼna alu nofi vayaʼaitegamo uguve, huno hapa paiteno apataleno uʼniye.

Apa 20:26

Nagaemo muki gemo Gotiʼa akeyaʼvilaga apakaetefeʼmo huguve, huno huʼniya gemo lapa paisuvafeʼmo ataleʼna maiʼna halove osuʼna aeʼna hakalo huʼna lapa paiʼnovaʼmofeʼmo lapakaemo afela hesayaʼmoʼmo lapakaetetiʼmo nagaemo vaiʼmo oʼaligufa lapakaitapigeʼmo vaiʼmo aligae, huʼna huteʼnaeʼmo, ehetapiye, huʼna lapa nepauve.

Lomu 10:3

Apakaemo huʼapaeʼmo, Gotiʼa fatago kavaʼamo fikumo neʼapamiye, huʼa afiʼa ha oleʼneʼa apakaiʼapi fatago kavaʼapigeʼmo aliʼa afole aiʼa atesayafekeʼmo aliʼyaʼmo neʼaliye. Gotiʼa agaiʼa fatago kavaʼamo alisayafeʼmo mago kaʼmo ago valino apateʼniyaʼmonanafa ohapauʼnigeʼa Goti aiyafiʼmo oʼmaiʼnae.