Samu 51:13 - The Keyagana NT and 25 OT books

¹³ Ani kava hisanageʼnaeʼmo gekamo amagiʼa neʼatalaya vayaʼaifeʼmo ina kavaʼmo huvo, huka nehana gekamo aliʼna apaya malesugeʼapaeʼmo aiʼa afe leʼa kagaetegamo egae.

Samu 51:13 ပူးပေါင်းရင်းမြစ်များ

Samu 19:7

Ala kava neʼmo keʼaepa geʼamo kanale alagepa gemo haneʼneno apakupi mafaʼnemo alino alagepa huno neʼate. Ala kava neʼmo faigoko geʼamoʼmo aino ataginovano nosifa alagepa huno haneʼnenoʼaeʼmo oʼageʼnaya vayaʼmo alino apaya maleʼnigeʼa apakesamo neʼafiye.

Samu 22:27

Muki ma mopamo loleʼe loleʼe atupaleʼmo maiʼnaya vayaʼmogimo Ala kava nefekeʼmo apakesamo afiteʼa aiʼa atagi neʼa agaetegamo egae. Muki alu nofi vaya alu nofi vayaʼmogimo agaefekeʼmo mono hugae.

Samu 25:4

O Ala kava nene, huʼna, kahauʼninageka visuva kaʼmo nave liyo. Ani kateʼmo visuvafeʼmo alika naya malo.

Samu 25:8

Ala kava neʼmo alagepa fatago vekamo maiʼniyaʼmofeʼmo hosu vayaʼmogi alagepa kateʼmo visayafeʼmo alino apaya malegaiye.

Samu 32:5

Ani afinaʼmo hosu kavaʼnieʼmo aeʼna hakalo huʼna kaha paiʼnova afinaʼmo hosu kavaʼnimo aeʼna ati okaeʼnove. Nagaemo, keʼaepa gekamo ago amagiʼna ataleʼnova kavaʼnieʼmo Ala kava neʼmogaeʼmo aeʼna hakalo huʼna kaha paiguve, huʼna huʼnogekaeʼmo hosu kavaʼnimo ago alika ataleʼnane.

Aiyeya 2:3

Asole vayaʼmogi eʼa huʼapaeʼmo, Egetao, Ala kava neʼmo aote aveleʼmo uta haigune. Yekopu Gotiʼamo mono noʼafiʼmo uta haisunageno hauʼniya kateʼmo visunafeʼmo alino laya malesigeta kaʼaleʼmo uteta hugune. Keʼaepa gemo Saiyoni aveletiʼmo uneno hugiye. Ala kava neʼmo geʼamo Yulusalemu taonifatiʼmo aino atagu faeno uneno hugiye.

Aiyeya 6:10

Kagaemo oʼafisaya apaipamo alika kalika apato. Apakesamo alika akaniteka apaulagamo alika ali huvo. Fiku yanageʼa apaulagafatiʼmo agege apakesafatiʼmo afige aliʼa apaipafiʼmo malege huteʼa nagaetegamo aiʼa atagineʼa esageʼna aliʼna alagepa huʼna apategauve, huno naha paiʼniye.

Matiyu 18:3

alagi lama ge lapa nepauve, huno, mafaʼnegana huno alino hamaleno olapateʼnisayaʼmoʼmo Gotiʼa yagaino neʼapateya kegiʼyafiʼmo uta ohaigae.

Luki 22:32

Ha paiʼniyaʼmonanafa kagesamo afika fatago nehana kavakamo hano osisiyafeʼmo nunumuʼmo huʼna kateʼnovaʼmofeʼmo kaipamo alika afe letekaeʼmo konagakamogimo alika lokiya vaika apato, huno ha paiʼnigenoʼaeʼmo,

Apa 13:10

Satani mafaʼneyo, huno, Kagaemo alagepa kavaʼmo kameʼamo maiʼnane. Aigofe kavakamoʼe hosu kavakamoʼeʼmo kagae kaipafiʼmo havai teʼniye. Ala kava neʼmo fatago kavaʼamo alika kayagi kayaga huka neʼatane.

Apa 15:3

Inagi aliʼa apateʼnageʼa Yulusalemu kotega kateʼmo uʼa Fonisiya kotegaʼe Sameliya kotegaʼeʼmo umenitata huʼapaeʼmo, Asole alu nofi vayaʼmogimo aiʼa afe leʼa Gotitegamo eʼnae, huʼa hapa paimale hapa paimale huʼnageʼapaeʼmo muki konaga vayaʼmogimo lusi kava huʼa apamogaga aiʼnae.

Apa 3:19

Ani kavaʼmo huʼniyaʼmofeʼmo lapaipamo alitapa afe legenoʼao Gotiʼa hosu kavatapimo alino ataleteno aipamoʼmo falu huno lapateno.