Samu 50:21 - The Keyagana NT and 25 OT books

²¹ Ani agufa kavaʼmo huʼnageʼnaeʼmo ge osuʼna afaʼa maiʼnove. Lapakaemo nagaefeʼmo, lagaekana huno maiʼniye, hutapa lapakesamo afiʼnayaʼmonanafa hosu kavaʼmo huʼnae, huʼna lapa paiguve. Nagaemo hosu kavatapimo lapaulagaleʼmo aliʼna kale kaeʼna lapave liguve.

Samu 50:21 ပူးပေါင်းရင်းမြစ်များ

Samu 50:3

Gotitimoʼa eminenoʼaeʼmo ge osuno afaʼa oʼmaigiye. Atamo lelino uno hogotetesigeno eminegaiye. Alopa yasimo alige ko aige hulino haopaʼaleʼmo egaiye.

Samu 50:8

Lapakaemo muki afinaʼmo naulagaleʼmo afumo amagitapa ofalinimo namige atafiʼmo kaege nehaya kavatapilefeʼmo agoti huʼna olapategauve.

Samu 73:11

Apakaemo huʼapaeʼmo, Haiya kava huno Gotiʼa afigiye, huʼa nehae. Anaga vekamo aeno apakaseʼniya vekamoʼmo lageʼnifiye, huʼa nehae.

Samu 90:8

Hosu kavatimo afole yateʼmo haneʼnigeka neʼagane. Huta fala kita neʼatalona hosu kavatimo kaulagalekeʼmo haneʼnigeka alika afole yateʼmo neʼmalane.

Hatu maeno apate'niya gemae 3:14

Gotiʼa ha painoʼaeʼmo, Maiʼnova agufa kavakeʼmo huʼna maiʼnovanageʼna ani kavakeʼmo huʼna maiguve. Kagaemo Isaleli vayaʼaifeʼmo, Maiʼniya agufa kavaʼmo huno maiʼniyanageno ani kavakeʼmo huno maiʼniya vekamoʼmo alino nateʼnigeʼna lapakaetegamo eʼnove, huka hapa paiyo, huno ha paiʼniye.

Mai'naya kavane 29:1

Gotiʼa asole afinaʼmo mago vekaeʼmo hosu kavaʼmo nehane, huno hisiya gemo noʼafisigenoʼaeʼmo malage huno alino agoʼya laga uno atalesigeno ha maesiya vekamo alagi oʼmaigiye.

Aiyeya 26:10

Gotiʼa hosu vayaʼaina fiku hapa maeno apamisiyaʼmoʼmo fatago kavaʼmo hisaya kavaʼmo oʼagegae. Apakaemo fatago vayaʼmo maiʼnaya koteʼmo hosu kavaʼmo huteʼa Ala kava neʼmo ha le konali yaʼamo oʼagegae.

Aiyeya 42:14

Ala kava neʼmoʼa ina gemo hunoʼaeʼmo, Alagi akeyaʼvilagamo nagaemo ge osuʼna afaʼa maiʼnove. Nagaiʼnimo natafauʼna nateteʼna afaʼa maiʼnove. Afaʼa maiʼnovaʼmonanafa hemenimo nagaemo a kanomoʼmo mafaʼnemo alino atesiyafeʼmo agafu kiʼnigenoʼaeʼmo kage kage nehiya kava huʼna kage kage huteʼna ha ha huʼna naya mukiki huʼna navamusamo aliguve.

Aiyeya 57:11

Lapakaemo ina lafeʼmo koli huʼnayaʼmofeʼmo nagaefeʼmo aigofe gemo naha paiteta nagaefeʼmo lapake kaniʼnigetapa lapaipafiʼmo nagaefeʼmo lapakesamo noʼafiye. Yatala afinaʼmo ge osuʼna afaʼa maiʼnovaʼmofeʼmo nagaefeʼmo koli nosafiye.

Napa 23:19

Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

2 Pita 3:9

Mago vayaʼmogi Ala kava nefeʼmo huʼapaeʼmo, huguve, huno huʼniya kavaʼmo hisiyafeʼmo lagava maime maime neʼviye, huʼa nehayaʼmonanafa huguve, huno huʼniya kavaʼmo hisiyafeʼmo lagava neʼmaiye. Alino lagoʼya lagauno latalesiyafeʼmo ohauʼniyaʼmonanafa mukiʼamogitamo laipamo alita afe lesunafekeʼmo hauʼnigenoʼaeʼmo lagava neʼmaiye.

Leveleseni 3:19

Muki nahau nayamopafiʼmo nahauʼniya vayaʼaifeʼmo, hosu kavaʼmo nehae, huʼna huteʼna aliʼna api aiʼna neʼapatovaʼmofeʼmo lapayamukiki hutapa lapaipamo alita afe leyo.