Samu 50:1 - The Keyagana NT and 25 OT books

¹ Gotiʼa Ala kava neʼmo lokiyaʼaʼe vekamoʼmo ge huʼniye. Agaemo yegemo haine neʼeya kotegamo maiʼnaya vayaʼe yegemo uno lamino nefaleya kotegamo maiʼnaya vayaʼefeʼmo keya aeno ge huʼniye. Muki ma mopafi vayaʼaifeʼmo keya aeno ge huʼniye.

Samu 50:1 ပူးပေါင်းရင်းမြစ်များ

Aepa Gemae 17:1

Emalemiʼa naeti naeniʼa kafugamo maitegenoʼaeʼmo Ala kava neʼmo agaetegamo afole aiʼniye. Afole aitenoʼaeʼmo, Nagaemo Gotiʼnamo muki himamu lokiyaʼnimo haneʼniyanagi naulagaleʼmo vaiʼmo oʼalisana kavaʼmo huka maiyo.

1 Kini 18:21

Ilaiyaʼmo muki vayaʼaitegamo eno ina gemo huʼniye. Na magi afinaʼmo lole lapakesamo afime afime ugae. Ala kava neʼmo lama ge Gotiʼmo maiʼnisiyaʼmoʼmo agaiʼageʼmo akame hiyo. Meoʼa lama ge Gotiʼmo maiʼnisiyaʼmoʼmo akame hiyo, huno hapa paiʼnigeʼapaeʼmo vayaʼmogimo geʼaleʼmo magoke gemo huʼa aeʼa atagaina huʼa osuʼnae.

Samu 113:3

Yegemo haine neʼeya haopalegatiʼe uno yegemo uno nelamiya haopalegatiʼeʼmo Ala kava neʼmo agiʼaleʼmo alitapa asaga hiyo.

Samu 73:1

Ina ge huʼa alagi lama gemo huʼnae. Gotiʼa Isaleli vayaʼmo yaveyave apaipa vayaʼalegamo alagepa kavaʼmo huno hapa neʼmae. Yaveyave apaipa vayaʼalegamo alagepa kavaʼmo nehiye.

Samu 75:1

O Gotiyo, huʼna, Lagaemo kagaefeʼmo kahaoke nehone. Kagaemo alagepa himamukaletiʼmo nehana kavakaletiʼmo lahaopaleʼmo maiʼnove, huka alika laveliʼnanaʼmofeʼmo kagaefeʼmo kahaoke nehone.

Samu 76:1

Yuta vayaʼmogimo Gotiʼa ageʼa alagepa huʼnae. Isaleli vayaʼai apaulagaleʼmo ala agiʼamo aliʼniye.

Samu 77:1

Nagaemo lokiya vaiʼna Gotifeʼmo keya aeʼnove. Nunumuʼmo huʼnogeno kagetafo huno afiʼniye.

Samu 78:1

Vayaʼnimogitapae, huʼna, aliʼna lapaya malesuvafeʼmo huvanagi geʼnimo afiyo. Gemo lapa paisuvafeʼmo huvanagi mani gemo alagepa hutapa afiyo.

Samu 79:1

O Gotiyo, huʼa, Alu nofi vayaʼmogi alika lamiʼnana mopaleʼmo eʼa lagaemo vayakaʼeʼmo kamemo huʼnae. Apakaemo aote mono nokamo aliʼa hosu huʼa ataleʼa Yulusalemu taonimo heʼa halagape vaiʼnageno no atufaʼageʼmo haneʼniye.

Samu 80:1

Isaleli sipisipi vayaʼmogitaleʼmo yagika nelatana vekamogae, huta, kagaemo sipisipi anagakamo kagae kateʼmo umenitata nehunage kaeʼmo alika api aika nelatana Gotitimogae, huta, Geʼnimo kagetafo huka afiyo. Kagaemo kini siyakaleʼmo anagamo fai maiʼnanageʼa enisole vayaʼmogi kaiyafiʼmo maiʼnae.

Samu 81:1

Lapakaemo alopa gefatiʼmo alino lokiya vaino nelateya Gotitimofeʼmo yokemo hiyo. Lapamogaga aitapa Yekopu Gotiʼamofeʼmo alopa gefatiʼmo hiyo.

Samu 82:1

Gotiʼa lokiya vayaʼmo aliʼa anupa huʼa mainayategamo he tino maiʼniye. Agaemo agoti gemo neʼafiya vayaʼai folagapiʼmo agoti gemo neʼafiye.

Aiyeya 1:2

Ala kava neʼmoʼa hunoʼaeʼmo, Kokunapi vayanagi ma mopafi vayanagi hutapa geʼnimo afiyo. Ala kava neʼmoʼnamo nagemo aiʼna gemo ago hu maleʼnovaʼmofeʼmo afiyo. Nagaemo mafaʼneʼnimo alagepa huʼna yagaiʼna apateʼnovaʼmonanafa yagaiʼna apateʼnova vekamoʼna geʼnimo oʼafiʼnae.

Aiyeya 54:5

Nagaemo Gotiʼnamo kagaemo alo huʼna kateʼnova vekamo anaukamonagana huʼna maiʼnove. Nagaemo nagiʼnimo Ala kava neʼmo muki lokiyaʼnimo haneʼniye. Nagaemo miya faiʼna hatu maeʼna kateʼnova vekamoʼnamo Isaleli vayaʼai aote Gotiʼapimoʼnamo maiʼnove. Muki ma mopafi vayaʼai Gotiʼapimoʼmo maiʼniye, huʼa agi neʼae.

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Malakai 1:11

Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.

Matiyu 25:32

Fai maiʼnisigeʼapaeʼmo muki ma mopafi vayaʼmo eʼa aulagaleʼmo aliʼa anupa huʼa maigae. Afuleʼmo neʼyagaiya vekamoʼmo sipisipiʼe memeʼeʼmo magokepi lokaeʼa maiʼnagenoʼaeʼmo alino fako huno neʼapateya kava huno vayaʼmo alino fako huno apategaiye.

Yasuva 22:22

Lokiyaʼamo haneʼniya Gotiʼa magokeʼageʼmo Ala kava neʼmoʼa muki gotigiteʼmo yagaino neʼapateya Gotiʼa huʼnona kavaʼmo aepaʼamo ago ageʼniye. Lapakaeʼeʼmo afaʼa agegae. Lagaemo Ala kava neʼmo geʼamo amagita ataleteta kotalake gemo ataleʼnisunaʼmoʼmo lapakaemo laha oʼmaetapa kamitimo lahaegae.