Samu 48:9 - The Keyagana NT and 25 OT books

⁹ O Gotiyo, huta, Lagaemo mono nokafiʼmo maiʼnetaeʼmo lagaefeʼmo kahau kayamopafiʼmo kahauge kahauge huno neʼmaiya kavafeʼmo lagesamo afiʼnone.

Samu 48:9 ပူးပေါင်းရင်းမြစ်များ

Samu 104:34

Nagaemo Ala kava nefeʼmo namogaga neʼauvaʼmofeʼmo agaefeʼmo nagesa afifi nehuva kavafeʼmo amuse huno nateno.

Samu 26:3

Naulagaleʼmo nagaefeʼmo kahau kayamopafi nekahaiya kavaʼmo haneʼnigeʼna ageʼnove. Nagaemo lama gekamo akame nehuve.

Samu 40:10

Nagaemo fatago kavakamo naipafiʼmo aeʼna ati kaeʼna oʼmaleʼnofa nagaemo, geʼamo alagi amagino oʼataleno akame huno apakufamo alino katino neʼapate, huʼna aeʼna hakalo huʼna hapa paiʼnove. Nagaemo asole vayaʼmo eʼa aliʼa anupa huʼa maiʼnaya vayaʼaifeʼmo kahau kayamopafiʼmo nekahaiya kavakaʼe alagi lama gekaʼeʼmo aeʼna ati okaeʼna aeʼna hakalo huʼna hapa paiʼnove.

Samu 87:5

Apakaemo huʼapaeʼmo, Gotiʼa taoniʼafiʼmo alu vaya alu vayaʼmo apavaleno apateʼniye, huʼa hugae. Anaga hogote vekamoʼmo agaiʼamo ani taonimo alino lokiya vaino atesigeno afaʼa hanege hanege huno hanegaiye.

Salomoni Yokemae 1:4

Kagaemo nayate heka navayu hulika neʼegetao lagaemo nagu nagu huta eta kakame huta ugune. Kini vekamoʼmo navalelinuno noʼafiʼmo maisuvafeʼmo nateʼniye. Kao vayaʼmogitamo kagaefekeʼmo lamogaga aiteta amuse hugune. Apakaemo alagepa nofi alagafati anifeʼmo apakesamo afiteʼa apamogaga neʼaiyaʼmonanafa lagaefeʼmo kahau kayamopafiʼmo kahauʼniya kavafekeʼmo lagesa afifi huta lamogaga aigune. Fatago vayaʼmogi kagaefekeʼmo hapau apayamopafiʼmo nehapaiye.

Aiyeya 26:8

O Ala kava nene, huta, kagaemo kagesa afiteka huʼnana kavafeʼmo lagesamo afiteta laha maesanafeʼmo kagava neʼmaune. Kagikalefeʼmo lagesamo afige kagaefeʼmo lage okanita lagesamo afige nehutaeʼmo lagupi mafaʼnemoʼmo lusi kava huno hauʼniye.