Samu 48:1 - The Keyagana NT and 25 OT books

¹ Ala kava neʼmoʼa ala agiʼamo aliʼniye. Lagaemo alino aote maleʼniya aveleʼmo eta haiteta Gotitimo taoniʼafiʼmo uta haita agiʼaleʼmo alita asaga huta ategetao.

Samu 48:1 ပူးပေါင်းရင်းမြစ်များ

Samu 145:3

Ala kava neʼmo ala vekamo maiʼniyaʼmofeʼmo agiʼaleʼmo aliʼa asaga huʼa atesaya vekamo maiʼniye. Ala agiʼamo haneʼniyaʼmofeʼmo ageta aeto osugune.

Samu 147:5

Ala kava netimo ala agi vekamo maiʼnigeno lokiya himamuʼamo haneʼniye.

Samu 2:6

Agaemo hunoʼaeʼmo, ani kavaʼmo nehayaʼmonanafa nagaemo Saiyoni kotega naote aveleʼmo lekana paiʼna ateʼnova kini vekamoʼmo yagaino apatesiyafeʼmo lekana paiʼna ateʼnove, huno hapa paiʼniye.

Samu 30:1

O Ala kava nene, huʼna, Kagaemo nagufamo alika katika nateʼnanaʼmofeʼmo ala kagikamo kamiguve. Kame vayaʼnimogimo aeʼa naga seteʼa apamogaga aiʼsaya kaʼmo alika akani maleʼnane.

Samu 42:1

Afela afu anagaʼmogimo anifeʼmo nehapaigeʼapaeʼmo anitegamo neʼvaya kava huʼna Gotiyo, huʼna, kagaefeʼmo neʼnahaiye.

Samu 46:1

Uta fala kita neʼmauna kotimo Gotiʼmae. Lokiyatimo Gotiʼmae. Hanageke yaʼmo afole neʼaisigenoʼaeʼmo laha maesiyafeʼmo lahaopaleʼmo alo huno maiʼniye.

Samu 46:4

Gotiʼa Ala kava neʼmo aeno apakaseʼniya vekamo maiʼniya aote taonifiʼmo maiʼnaya vayaʼmogimo mago aniʼmo uno nelamisigeʼapaeʼmo apamogaga aigae.

Samu 47:8

Gotiʼa kini vekamo maiʼnenoʼaeʼmo muki nofi vayaʼiteʼmo neʼyagaiye. Gotiʼa kini siyaʼmo aote siyaʼaleʼmo fai maiʼniye.

Samu 65:1

O Gotiyo, huʼna, Saiyoni taonifiʼmo uta anonatilefeʼmo kagikaleʼmo alita asaga hugune. Lagaemo kagaefeʼmo polomasi gemo hu maleʼnona kavaʼmo hugune.

Samu 87:1

Gotiʼa taoniʼamo muki aoteʼmo hu maleʼniya aveʼale aveʼaleʼmo faino ateʼniye.

Samu 87:3

Gotiʼa agaiʼa taonifatiʼmo ha le konali yaʼamo mago vayaʼmo alino apave liʼnigeʼa ageteʼapaeʼmo ava gemo nehae.

Samu 96:4

Ala kava neʼmo maiʼniyaʼmofeʼmo magoʼe hutapa agiʼaleʼmo alita asaga hiyo. Aigofe gotiʼapimogimo alagi aeno apakaseʼniyaʼmofeʼmo agaefekeʼmo magoʼe hutapa koli huʼnetapa mono hiyo.

Samu 99:9

Ala kava neʼmo Gotitimoʼmo aote vekamo maiʼniyaʼmofeʼmo agiʼaleʼmo alita asaga hutapa atetetapaeʼmo aote agaiʼa aveleʼmo agaetefeʼmo mono hiyo.

Omataiya 1:17

Oʼmaigayaʼmonanafa Saiyoni avefiʼmo maiʼnaya vayaʼnimogimo faiʼa kasalo paegae. Yekopu nofi vayaʼmogi aote fatago kavaʼmo huteʼa apakaiʼapi yaʼmo aligae.

Maika 4:1

Henagaʼamo atupa afinaʼmo Ala kava neʼmo alopa mono noʼamo haneʼniya avemoʼmo anagaʼamo haneʼneno haino kasaeteno muki aveʼamo alino aiyafiʼmo apategaiye. Alopa aniʼmoʼa muki afinaʼmo uno nelamiya kava huʼa muki afinaʼmo asole alu nofi vaya alu nofi vayaʼmo ani mono notegamo uʼa haigae.

Matiyu 24:15

Gotitegati gemo alinineno aeno hakalo huno hapa nepaiya vekamo Naniyoʼa alagi hosu faipa yaʼmoʼa alino hosu huno atesiya kavafeʼmo ava gemo huno avoʼmo kae maleʼniye. Lekana nepaiya vayaʼmogitapamo afiyo. Ani faipa yaʼmo aote mono nopiʼmo hanesigeta

Himulu 12:22

Lapakaemo Sainai aveleʼmo oʼmeʼnafa Saiyoni kotega avemo kokuʼnapi Yulusalemu taonifiʼmo yalagisa Gotiʼa neʼmaiya taonifiʼmo tauseni tauseniʼa enisole vayaʼmo neʼmaiya taonifiʼmo etapa maiʼnae.

Leveleseni 19:5

Hutageno mago vekamoʼmo yagaino neʼapateya vekamo siyaʼaletiʼmo ge hunoʼaeʼmo, Muki vayaʼamogitapamo aliʼyaʼamo neʼaliya vayanagi agaefeʼmo koli nehaya vayanagi apaki ohaneʼnisiya vayanagi apaki haneʼnisiya vayanagi hutapa Goti agiʼaleʼmo alitapa asaga hiyo, huno huʼniye.

Leveleseni 21:2

Ageʼnovana aote taonimo saufa Yulusalemu taonimo Gotitegatiʼmo kokuʼnapatiʼmo emineʼnigeʼna ageʼnove. Ani taonimoʼmo mago saufa aʼmafaʼnemo veleʼmo maisiyafeʼmo hauʼnigeno alagepa kukena yaʼe alagepa konali yaʼaʼeʼmo vaino aliteno maiʼniya aʼmafaʼnegana huno haneʼniye.