Samu 47:6 - The Keyagana NT and 25 OT books

⁶ Lapakaemo Goti agiʼaleʼmo alita asaga hutapa yokemo hiyo. Ala kini vekatimo agiʼaleʼmo alita asaga hutapa yokemo hiyo. He, agiʼaleʼmo alita asaga hutapa yokemo hiyo.

Samu 47:6 ပူးပေါင်းရင်းမြစ်များ

Samu 145:1

Gotiʼnimogamo kini vekaʼnimogae, huʼna, kagaefekeʼmo ala vekamo maiʼnane, huʼna huguve. Muki afinaʼmo kagikaleʼmo aliʼna auleʼna kategauve.

Samu 68:4

Gotifeʼmo yokemo hutapa agiʼaleʼmo alitapa asaga hiyo. Hiyapiʼmo neʼviya Gotiʼmo visiya kaʼmo valitapa ateyo. Agaemo agiʼamo Ala kava nene. Aulagaleʼmo lapamogaga aiyo.

Samu 89:18

Ala kava neʼmo halegutigana huno maiʼniye. Isaleliʼa aote vekamo kini vekatimo maiʼniye.

Hatu maeno apate'niya gemae 15:21

Miliyamuʼa apakaefeʼmo hapa painoʼaeʼmo, Ala kava neʼmoʼa alopa kamemo huno aeno apaka seteno ala agiʼamo aliʼniyaʼmofeʼmo agaetefeʼmo yokemo hiyo, huno hapa paiʼniye. Agaemo hosi anaganagi hosileʼmo fai maiʼnaya vayanagi huno solovala anipiʼmo apasagauno yaga auno apataleʼniye, huno hapa paiʼniye.

Aiyeya 33:22

Ala kava neʼmo lagae yasi vekamo maige keʼaepa gemo nelamiya vekamo maige kini vekatimo maige huʼniyaʼmofeʼmo lagufamo alino katino lategaiye.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Matiyu 27:37

Apakaemo mago avoʼmo kae maleʼniya gemo aliʼa agenopale yosaleʼmo nili ai maleʼnae. Ani gemo ina hosu kavaʼmo huʼniye, huʼa huteʼa agoti huʼa ateʼnaya gemoʼa hunoʼaeʼmo, Mani vekamo Yesuʼae. Yu vayaʼaiteʼmo ala kini vekaʼapimoʼae, huno avoʼmo kaeteno nili ai maleʼniye.