Samu 47:2 - The Keyagana NT and 25 OT books

² Ala kava neʼmo hogote anaga vekamo maiʼniyanagi agaefeʼmo koli hiyo. Agaemo ala kini vekamoʼmo muki ma mopafi vayaʼaiteʼmo yagaino neʼapate.

Samu 47:2 ပူးပေါင်းရင်းမြစ်များ

Samu 145:6

Vayaʼmogi lokiya kavaʼmo nehana kavakaeʼmo kava gemo hisageʼnaeʼmo nagaeʼeʼmo, ala vekamo maiʼniye, huʼna huguve.

Samu 47:7

Gotiʼa kini vekamo maiʼneno muki ma mopafi vayaʼaiteʼmo neʼyagaiyaʼmofeʼmo ala agiʼamo amitetapa Samu yokemo hiyo.

Samu 65:5

O Gotiyo, huʼna, lagufamo alika katika lateʼnana Gotitimogae, huʼna, Nunumuʼmo hisunageka afiteka aeka atagaina hukaeʼmo lokiya kavakaletiʼmo alopa kavaʼmo huteka laha maeʼnane. Muki haopalegamo ma mopafi maiʼnaya vayaʼmogiʼe afagitegamo maiʼnaya vayaʼmogiʼeʼmo aliʼa amufa kamiʼnae.

Samu 68:35

Gotiʼa aote mono noʼafiʼmo maiʼnenoʼaeʼmo ageʼneʼaigeʼapaeʼmo hapau neʼaiya Gotiʼmo maiʼniye, huʼa nehae. Agaemo agaiʼa vayaʼaina himamuʼaʼe lokiyaʼaʼeʼmo alino neʼapamiye.

Samu 76:12

Agaemo neʼyagaiya vayaʼmo alino afepiʼmo neʼapate. Agaemo ma mopafi kini vayaʼaina koli hisaya yaʼmo neʼapamiye.

Samu 95:3

Ala kava neʼmo alagi ala Gotiʼapimoʼmo maiʼniye. Ala kini vekamo maiʼneno muki aigofe gotiʼapimogimo alagi aeno apakaseno yagaino neʼapateyaʼmofeʼmo mono yokemo higetao.

Samu 99:3

Muki vayaʼmogimo ala agiʼamo haneʼniyanageʼa kini vekamo agiʼaleʼmo aliʼa asaga hugae. Agaemo alagi aote Gotiʼmae

Malakai 1:14

Ala kava neʼmoʼnamo huʼnaeʼmo, Nagaemo ala kini vekamo maiʼnovaʼmofeʼmo humi natesiyafeʼmo hisiya vekamoʼmo ve sipisipiʼamo avaleteno nagaetegamo alagepa kavaʼmo hisiyafeʼmo, ani kavaʼmo huguve, huno agoʼyamo ataleteno mago hosu afumo ofalini namisigeʼnaeʼmo lokiya lifanamo huʼna atesugeno alagepa huno oʼmaigiye, huno hapa paiʼniye.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.