Samu 47:1 - The Keyagana NT and 25 OT books

¹ Lapakaemo muki ve aʼnemogitapamo lapamogaga aita lapayaʼmo amagiyo. Gotiʼa kame vayaʼaina kamemo huno aeno apakaseʼniyaʼmofeʼmo agaefeʼmo alopa gefatiʼmo hiyo.

Samu 47:1 ပူးပေါင်းရင်းမြစ်များ

Samu 106:47

O Gotiyo, huʼna, Ala kava netimogae, lagufamo alika katika lateteka alu nofi vayaʼai apayapatiʼmo lavaleka alika anupa huka lategetao kaote kagikaleʼmo alita asaga huta kateteta kahao ke heta lamogaga aino.

Samu 42:1

Afela afu anagaʼmogimo anifeʼmo nehapaigeʼapaeʼmo anitegamo neʼvaya kava huʼna Gotiyo, huʼna, kagaefeʼmo neʼnahaiye.

Samu 46:1

Uta fala kita neʼmauna kotimo Gotiʼmae. Lokiyatimo Gotiʼmae. Hanageke yaʼmo afole neʼaisigenoʼaeʼmo laha maesiyafeʼmo lahaopaleʼmo alo huno maiʼniye.

Samu 47:5

Gotiʼa kame huno aeno apaka seteno kokuʼnapiʼmo uno haiʼnigeʼa alopa gefatiʼmo huteʼa pikuliʼmo huʼnae.

Samu 98:4

Muki ma mopafi vayane, huʼna, Ala kava nefeʼmo alopa gefatiʼmo hutetapa lapamogaga aiyo. Lapamogaga aitetapaeʼmo yokemo huta agiʼaleʼmo alita asaga hiyo.

Samu 98:8

Agaemo muki vayaʼaiteʼmo fatago kavaʼaletiʼe lama ge kavaʼaletiʼeʼmo yagaino apategaiyamofeʼmo asole aniʼmo uta nelamiya aniʼmogitapamo lapayaʼmo amagiyo. Avemogitapae, huʼna, Ala kava neʼmo aulagaleʼmo lapamogaga aiyo. Agaemo ma mopafi vayaʼaiteʼmo yagaino apate siyafeʼmo eminegaiye.

Aiyeya 55:12

Lapakaemo kalavusi huʼa lapateʼnaya koʼmo ataletutapa lapamogaga aisageʼna nagaemo lapavaleliʼna visugeno mago hosu yaʼmo lapakaeteʼmo afole oʼaisigeno lapaipamoʼmo falu huʼnisigetapa ugae. Aise avemogiʼe alopa avemogiʼeʼmo lapaulagaleʼmo yokemo hisageʼapaeʼmo muki yosamogimo apayaʼmo amagiʼa apamogaga aigae.

Sefanaiya 3:14

Saiyoni aʼmafaʼne anagaʼamogitapae, huʼna, Yokemo hiyo. O Isaleli vayaʼmogitapae, huʼna, alopa gefatiʼmo hiyo. Yulusalemu aʼmafaʼne anagaʼamogitapae, huʼna, Muki lapaipafatiʼmo lapamogaga aiyo.

1 Samiyo 10:24

Ageʼnagenoʼaeʼmo Samiyoʼmo hapa painoʼaeʼmo, Ani vekamo Ala kava neʼmoʼa lekana paino ateʼniyanagi ageyo. Mago vekamoʼmo agaeʼeʼmo magoke aiyaya osuʼniye, huno hapa paiʼnigeʼa muki vayaʼmogimo alopa gefatiʼmo huʼapaeʼmo, ani kini vekatimoʼmo muki afinaʼaeʼmo alagi maige maige huno maino, huʼa huʼnae.