Samu 46:2 - The Keyagana NT and 25 OT books

^2-3 Ani kava huno maiʼniyaʼmofeʼmo imima alige avemo aino nakupaeno emineno solovala anipiʼmo asagauno aisigeno solovala aniʼmo aino holakau holakau hisigeno alopa agemo aige avemoʼa kanage huge nehisigetaeʼmo koli osugune.

Samu 46:2 ပူးပေါင်းရင်းမြစ်များ

Samu 142:6

Alagi afepilagamo maiʼnovanagi kagaefeʼmo naha mao, huʼna keya aeʼna ge huʼnova gemo afiyo. Kame vayaʼnimogi lokiyaʼapimoʼmo lokiyaʼnimo aeno nagaseʼniyaʼmofeʼmo apayapatiʼmo nagufamo alika katika nato.

Samu 18:7

Agaemo aipamo leʼniyaʼmofeʼmo imima aliʼnigeno mopamoʼmo kanage kanage huʼniye. Avemo aiyafatiʼeʼmo kanage huʼniye.

Samu 23:4

He, nagaemo uʼna kagoʼmufilagamo falisuva ulunapiʼmo faleʼna uʼna haiʼna umenitata nehugekaeʼmo nagaeʼeʼmo magokepi lokaeka maiʼnanaʼmofeʼmo muki alu hosu kava alu hosu kavafeʼmo alagi koli osuguve. Kayokaletiʼmo nagufamo alika katika natege aino kalagifa hayopa kayokaletiʼmo yagaika natege nehukaeʼmo naipamo alika falu huka neʼnatane.

Samu 27:3

Asole vayaʼmogimo kame huʼa natesayafeʼmo eʼa maiʼnisageʼnaeʼmo naipamoʼmo atete osugiye. Kame huʼa natesayana naipamoʼmo lokiya vaigiye.

Samu 28:7

Ala kava neʼmoʼa lokiyaʼnimo maiʼnenoʼaeʼmo halegukana huno aino nati kaeʼnigeʼna alagepa huʼna maiʼnove. Naipamoʼmo agaefeʼmo alino amufa amiʼnigeno naha maeʼniye. Naha maeʼniyaʼmofeʼmo naipafiʼmo namogaga neʼauvanageʼna yokemo huʼnaeʼmo ala agiʼamo amiguve.

Samu 37:39

Ala kava neʼmoʼa fatago vayaʼai apakufamo alino katino neʼapateya kavaʼmo aepa vekamo maiʼniye. Hanageke yaʼmo afole neʼaiya afinaʼmo himamuʼaletiʼmo hapa neʼmae.

Samu 59:17

O lokiyaʼnimae, huʼna, Nagaemo kagikaleʼmo aliʼna asaga huʼna yokemo huguve. Kagaemo alagepa huka yagaika natesanageʼna alagepa huʼna maiguve.

Samu 62:8

Vayaʼmogitapae, huʼna, muki afinaʼmo agaefekeʼmo alita amufa amiyo. Lapaipafatiʼmo aniʼmo lakigekana hutapa nunumuʼmo hutapa ha paiyo. Lagaetegamo hosu kavaʼmo afole neʼaigetaeʼmo Gotipiʼmo alagepa huta fala kita neʼmaune.

Samu 62:9

Apaki ohaneʼnisiya vayaʼmo afa vayaʼmo maiʼnae. Apaki haneʼnisiya vayaʼmo aigofe vayaʼmo maiʼnae. Sigelileʼmo asaisunagenoʼaeʼmo kanaʼapimo ohanegaiye.

Samu 82:5

Agoti gemo neʼafiya vayaʼmogimo oʼafige afiʼa aeto osuge huʼnae. Apakaemo hanipiʼmo umenitata nehae. Ma mopafi kavaʼapimo fatago kavaʼmo ohaneʼnigeʼa apakaemo fatago gemo huʼa aliʼa fako nosae.

Samu 91:2

Nagaemo Ala kava nefeʼmo huʼnaeʼmo, agaepiʼmo fala kiʼna maiʼnogeno faino vego huno yagaino nateʼneno naha maeno nagufamo alino katino nateʼniya vekaʼnimo maiʼniye. Gotiʼnimoʼmo maiʼniyanageʼna aliʼna amufa amiguve.

Neyomi 1:7

Ala kava neʼmoʼa alagi alagepa vekamo maiʼniye. Agaemo vayaʼamo kana yaʼmo neʼaliya afinaʼmo fala nekiya koʼapigana huno maiʼneno alagepa huno yagaino neʼapate. Agaefeʼmo aliʼa amufa neʼamiya vayaʼaifeʼmo, Vayaʼnimo maiʼnae, huno apakeʼniye.

Matiyu 21:21

Yesuʼa hunoʼaeʼmo, Lama ge lapa nepauve, huno, lapakesamo afita fatago huʼnetapaeʼmo lole lapakesamo oʼafiʼnisayana fiki yosaeʼmo huʼnova agufa gemo afaʼa hugae. Ani kava hutapa mani aveeʼmo, nokamo atalekuka solovala anipiʼmo asagauka aiyo, hutapa hisageno uno asagauno aigiye.

Luki 21:33

Kokuʼnaʼe ma mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.

Himulu 13:6

Huno huʼniyaʼmofeʼmo koli osuta lokiya gemo hutaeʼmo, Ala kava neʼmoʼa laha neʼmaeya vekamo maiʼniye. Koli osugune. Ma mopafi vayaʼmogi lagaetegamo na agufa kavaʼmo hugae, huta hugune.