Samu 45:5 - The Keyagana NT and 25 OT books

⁵ Kevekamo lusi kava huno akoʼya huʼniya kevemo haneʼniyanageka kame vayakamogi apaipafiʼmo nehapanageʼapaeʼmo kaiyafiʼmo asagauʼa neʼaiye.

Samu 45:5 ပူးပေါင်းရင်းမြစ်များ

Samu 21:12

Agaemo keveʼaletiʼmo apakaemo hapaesigeʼa apaune hegae.

Samu 22:27

Muki ma mopamo loleʼe loleʼe atupaleʼmo maiʼnaya vayaʼmogimo Ala kava nefekeʼmo apakesamo afiteʼa aiʼa atagi neʼa agaetegamo egae. Muki alu nofi vaya alu nofi vayaʼmogimo agaefekeʼmo mono hugae.

Samu 38:2

Kevekaletiʼmo nahaeʼnanageno eno nagufafiʼmo haniʼnigekaeʼmo kayatetiʼmo namagiʼnane.

Napa 24:8

Gotiʼa Isipi kotegatiʼmo apavalelino eʼniye. Isaleli vayaʼmogimo lokiya afela ve pulumakagana huʼa kame huteʼa kame vayaʼapimo alu nofi vaya alu nofi vayaʼmo kame huʼa aliʼa hano huʼa apatalegae. Apakaemo kame vayaʼapimogi apayamufamo aiʼa lo aegae. Hapaesageno keveʼapimoʼmo apakufafiʼmo hanigiye.

Apa 2:37

Ani gemo afiʼnagenoʼaeʼmo apaipafiʼmo aeʼnigeʼa Pitaʼe muki apa vayaʼefeʼmo huʼapaeʼmo, Vayatimogitapae, huʼa, haiya kavaʼmo hisune, huʼa ge huʼa apafi geʼnae.

Apa 2:41

Hapa paiʼniya geʼaeʼmo apakesamo afiʼa fatago huteʼa apamogaga aiʼnageʼapaeʼmo aniʼmo faleʼa apateʼnae. Ani afinaʼmo asole vayaʼmo tali tauseniʼa vayaʼmo Goti mafaʼnemo hamaleʼnageno Gotiʼa siosi vayaʼaʼeʼmo magokepi alino anupa huno apateʼniye.

Apa 4:4

Ani kavaʼmo huʼnayaʼmonanafa asole vayaʼmogimo geʼamo afiteʼapaeʼmo apakesamo afiʼa fatago huʼnageno vayaʼe ani afinaʼmo apakesamo afiʼa fatago huʼnaya vayaʼeʼmo napaʼapimo faefu tauseniʼa vayaʼmo maiʼnae.

Apa 5:14

Magoʼe magoʼe huʼa lusi ve aʼnemogimo Ala kava nefeʼmo apakesamo afiʼa fatago huʼnageno Gotiʼa magokepi alino anupa huno apateʼnigeʼapaeʼmo aliʼa anupa huʼa maiʼnae.

Apa 5:33

Kanisole vayaʼmogimo ani gemo afiʼnagenoʼaeʼmo apaipafiʼmo faiʼnigenoʼaeʼmo apaipamo lusi kava huno leʼnigeʼapaeʼmo, ani vayaʼmo apamagigune, huʼa huteʼa ge huge afige huʼnae.

Apa 6:7

Inagi Goti geʼamoʼmo muki haopalegamo aino atagu faeno uneno huʼniye. Yulusalemu taonifiʼmo maiʼnaya vayapatiʼmo Yesu geʼamo neʼafiya vayaʼmo magoʼe magoʼe huʼa afole aiʼnae. Mono huʼa neʼapataya vayaʼmo asole vayaʼmogimo apakesamo afiʼa fatago huteʼa akame huʼnae.

Apa 7:54

Kanisole vayaʼmogimo ani gemo afiʼnagenoʼaeʼmo apaipafiʼmo faiʼnigeno lusi kava huno apaipamo leʼnigeʼapaeʼmo apavepiʼmo haniʼa alagi huʼnae.