Samu 45:3 - The Keyagana NT and 25 OT books3 Lokiya vekae, huʼna, kagaemo ha le konali yakaʼe ala kagikaleʼefeʼmo hapau aiteʼa amuse huʼa nekataya vekamo maiʼnananagi naipekamo alika mapalukafiʼmo anoʼafiʼmo faika falu kaeteka uka kamemo huvo. အခန်းကိုကြည့်ပါ။ |
Alagepa alagamo neʼaeya yosamo yahaofilaga yosamo haneʼniya folagapiʼmo haneʼniya kava huno nahau nayamopafiʼmo neʼnahaiya vekaʼnimo ve mafaʼne anagaʼai folagapiʼmo maiʼniye. Nagaemo lusi yegemo nelegeʼnaeʼmo ani yosamo ulunapiʼmo itopaleʼmo maiʼneʼnaeʼmo lusi kava huʼna namogaga aiʼnove. Ani yosa alagamo lagiʼna neʼnogeno navayafilagatiʼmo lusi kava huno haga neʼnahaiye.
Agalametaletiʼmo alagepa atumo neʼaiya yosamo aise yosamo hiʼyalamuteʼmo haneʼniya yosagana huno hanege kahaumo ausemo aulafilega haneʼniya kahaumo ausegana huno hanege huʼniye. Avayamo kanale kahaumo ausegana huno haneʼnigeno avayafatiʼmo alagepa atumo neʼaiya aniʼmo meya aniʼmo lape tape huno asagauno neʼaiye.
Agaemo Gotiʼa ha le konali yaʼamo aeno ha legekana huno neʼmaiye. Agaemo Goti lama ge auneʼamo maiʼniye. Lokiya geʼaletiʼmo muki yaʼmo afaʼa hanesiyafeʼmo yagaino ateʼnenoʼaeʼmo agaiʼamo hosu kavatimo aeno kalo paeno ataletenoʼaeʼmo uno haino kokuʼnapi Gotiʼa anaga hogote vekamo yagaino neʼapateya vekamo lamaga haopaleʼmo fai maiʼniye.
Avayafatiʼmo emineʼniya naipemo ave nege nege naipeʼaletiʼmo alu kotega alu kotegamo maiʼnaya vayaʼmo kame huno apatesiya naipemo avayafatiʼmo emineʼniye. Agaemo aeni kayotetiʼmo yagaino apategaiye. Gotiʼa muki lokiyaʼaʼe vekamoʼmo lusi kava huno aipamo leno neʼapateyanageno agaemo alopa yuvapafiʼmo aiyalatetiʼmo aeno latapaisigeno kolaʼapimoʼmo anikana huno heno lamigiye.