Samu 42:6 - The Keyagana NT and 25 OT books

^6-7 Naipamoʼmo lusi kava huno kana nehiyaʼmofeʼmo agaefeʼmo halate nagesamo afiguve. Aniʼmo Hemoni avefatiʼe Misa avefatiʼeʼmo emineno alopa Yoneni anipiʼmo lamino haʼyamo asagauno neʼaigenoʼaeʼmo alopa agemo neʼaiya kava huno alopa hanageke yaʼmoʼa nagufaleʼmo nati kaeʼniye.

Samu 42:6 ပူးပေါင်းရင်းမြစ်များ

Samu 133:3

Alagepa huʼa magokepi lokaeʼa neʼmaiya kavaʼmoʼa netepiʼmo Hemoni aveleʼe Saiyoni aveleʼeʼmo kahauleʼmo lao yaʼmo emineno nehaneya lao yakana huno haneʼniye. Gotiʼa magoke apaipa apakesamo aliteʼa alagepa huʼa magokepi lokaeʼa neʼmaiya vayaʼmo alino auleno apateʼniyanageʼa alagepa huʼa maige maige huʼa maigae.

Samu 22:1

Gotiʼnimogae Gotiʼnimogae, huʼna, na kava higekaeʼmo nataleka uʼnane. Naha mao, huʼna keya aeʼna ge nehuvaʼmonanafa na kava higekaeʼmo natalekuka afagiʼaleʼmo maiʼneka naha noʼmane.

Samu 61:2

Ma mopamo atupaletiʼmo kagaefeʼmo ge huguve. Lusi kana yaʼmo alisugeno aino nati kaesiya afinaʼmo navalelika uka haika yafateʼmo faika nato. Nagaemo afepiʼmo maiʼnovanagi navalelika uka haika anaga haneʼniya yafateʼmo faika nato.

Yona 2:7

Ala kava nene, huʼna, Falisuva agufa naipamo kaliʼniye, huʼna huteʼna kagaefekeʼmo nagesamo afiʼna ho huteʼna nunumuʼmo huʼnova geʼnimoʼmo kagae aote mono nopiʼmo uno haiʼniye.

Matiyu 26:39

Apataleno aise afagiʼaleʼmo uno mopafiʼmo agoʼya faiʼneno augosalegatiʼmo mopafiʼmo aino ati kaeno maiʼneno nunumuʼmo hunoʼaeʼmo, Afoʼnimogae, huno, visuva kaʼmo mago alu kaʼmo haneʼnisiyana nagaetegatiʼmo mani kapumo afaʼa alika atalo. Ani gemo huvaʼmonanafa nagaemo nahauʼniya kavaʼmo akame osuka kagaemo kahauʼnisiya kavaʼmo akame huvo, huno nunumuʼmo huʼniye.

Matiyu 27:46

Une agufa afinaʼmo Yesuʼa, Ilai, Ilai, lama samakatani, huno alopa gefatiʼmo keya aeno ge huʼniye. Ani ge huʼniya gemo aepaʼamo haneʼniyana Gotiʼnimo, Gotiʼnimo, huno, na kava higekaeʼmo nataleka uʼnane, huno huʼniye.