Samu 42:4 - The Keyagana NT and 25 OT books

⁴ Nagaemo huʼnova kavafeʼmo nagesamo afiteʼna naipafiʼmo haneʼniya kavaʼaʼnimo aeʼna hakalo huʼna kaha nepauve. Hogoteta nagaeʼeʼmo magokepi lokaeta neʼutaeʼmo mono yokemo huge Goti agiʼaleʼmo alita asaga huge hulita Goti mono notegamo uʼnone. Mukiʼamogitamo mono hisunafeʼmo aote afinaʼmo hu maleʼnone.

Samu 42:4 ပူးပေါင်းရင်းမြစ်များ

Samu 100:4

Kahao ke nehone, hutapa hume hume neʼutapaeʼmo mono noʼamo yafa lafi kegiʼya kate kipatetiʼmo uta haiyo. Mono no kumaʼaleʼmo neʼutapaeʼmo agiʼaleʼmo alita asaga hume hume viyo. Hao ke hetetapa agiʼalefeʼmo alita aulena ateyo.

Samu 115:2

Na kava higeʼapaeʼmo alu nofi vaya alu nofi vayaʼmogi huʼapaeʼmo, Gotiʼapimoʼmo haiyaʼaleʼmo maiʼniye, huʼa hugae.

Samu 122:1

Apakaemo huʼapaeʼmo, Ala kava neʼmo noʼafiʼmo uta haigetao, huʼa naha paiʼnageʼnaeʼmo namogaga aiʼnove.

Samu 122:8

Konagaʼnimogiʼe nafaluʼnimogiʼeʼmo alagepa huʼa maisayafeʼmo huʼnaeʼmo, yafa lafi kegiyafiʼmo alagepa huʼa magokepi lokaeʼa maiyo, huʼna nunumuʼmo huʼna neʼapatove.

Samu 55:14

Hogotetaʼa laʼagaemo magokepi alagepa hutaʼa kege huge asole vayaʼeʼmo magokepi Goti mono noʼafiʼmo uge huʼnoʼae.

Samu 62:8

Vayaʼmogitapae, huʼna, muki afinaʼmo agaefekeʼmo alita amufa amiyo. Lapaipafatiʼmo aniʼmo lakigekana hutapa nunumuʼmo hutapa ha paiyo. Lagaetegamo hosu kavaʼmo afole neʼaigetaeʼmo Gotipiʼmo alagepa huta fala kita neʼmaune.

Samu 79:10

Na kava higeʼapaeʼmo alu nofi vayaʼe alu nofi vayaʼeʼmo huʼapaeʼmo, Gotiʼapimoʼmo haiyategamo maiʼniye, huʼa hugae. Apakaemo aliʼyakamo aliʼnaya vayaʼai kolaʼapimo anonaʼalefeʼmo kayoʼmo apamigetao agegaunanagi.

Samu 80:6

Kagaemo afaʼa lateʼnanageʼa lahaopaleʼmo maiʼnaya vayaʼmogimo eʼa lagaeʼeʼmo kamemo nehae. Ani kame vayatimogimo huʼa faipa huʼa lateteʼa apakaeʼeʼmo kigi huʼa nelatae.

Neyomi 1:15

O Yuta vayaʼmogitapae, huʼna, Ageyo, mago vekamoʼmo avefiʼmo haneʼniya kotega kateʼmo alagepa faigoko gemo alininenoʼaeʼmo, kame osugayanagi maitapa haga leyo, huno aeno hakalo huno lapa nepaiye. Gotiʼa mono hisayafeʼmo hu maleʼniya hopa afinaʼmo mono hiyo. Lapakaemo Gotifeʼmo ago polomasi gemo hu maleʼnaya kavaʼmo hiyo. Hosu vekamo halate lapakaetegamo oʼmegaiye. Gotiʼa ago alino hosu huno ataleʼniye.

Luki 16:25

Emalehamuʼa hunoʼaeʼmo, naginago mafaʼneo, huno, kagesamo afika ho huvo. Kagaemo ma mopafi maiʼnekaeʼmo muki afinaʼmo alagepa yaʼageʼmo alika maiʼnanageno Layosiʼa hosu yaʼageʼmo alino maiʼniyaʼmonanafa hemenimo alagepa huno maiʼnigekaeʼmo kagaemo lusi kava huno kagafu nekiye.

Luti 1:21

Neyomiʼa hunoʼaeʼmo, Mani kotetiʼmo ataleʼna uʼnova afinaʼmo anauʼnimoʼe mafaʼneʼnilaʼeʼmo magokepi lokaeta uʼnone. Muki yaʼnimo aliniʼna uʼnovaʼmonanafa Ala kava neʼmoʼa navalelino eʼnigeʼna nagufaʼageʼmo neʼove. Ala kava neʼmoʼa lusi kava huno hanageke yaʼmo namiʼniyaʼmofeʼmo Neyomiʼa amogaga neʼaiya a kanoe hutapa nagi oʼaeyo, huno hapa paiʼniye.