Samu 41:7 - The Keyagana NT and 25 OT books

⁷ Apakaemo nagaefeʼmo apaini huteʼa kaitaʼnieʼmo sumi gefatiʼmo hapa paite hapa paite huʼnae. Aliʼa hosu huʼa natesayafeʼmo huʼapaeʼmo, “Ani kavaʼmo hugune, huʼa apakesamo neʼafiye.”

Samu 41:7 ပူးပေါင်းရင်းမြစ်များ

Samu 31:13

Muki vayaʼmogimo huʼa faipa huʼa nateʼnageʼna afiʼnove. Lusi kava huno koli kavaʼmo faino vego huno nateʼniye. Apakaemo kamitimo namagisayafeʼmo vegemo nehae.

Mai'naya kavane 16:28

Kayagi kayaga kavaʼmo nehiya vekamoʼmo avina yaʼmo nehakalaya kavaʼmo huno alu kava alu kavaʼmo hisayafeʼmo alino fako huno neʼapate. Mago vekamoʼmo alu vekamo alino ao yaʼmo huʼnigeʼana alagepa huʼana magokepi lokaeʼana neʼmaiʼa kavaʼmo apakamelega gemo nehiya vekamoʼmo alino fako huno neʼanate.

Mai'naya kavane 26:20

Atamo ohanesiyaʼmoʼmo neleyaʼyaʼamo yu hesiya kava huno apakamelega gemo nehiya vekamo oʼmaisiyaʼmoʼmo kaveta nehaya kavaʼmo hano hugiye.

Matiyu 22:15

Falasi mono vayaʼmo uʼa aliʼa anupa huʼa maiʼneʼapaeʼmo, na agufa geletiʼmo amalageka hisunageno ge nehisigeta atafausune, huʼa huteʼa ge huge afige huʼa maiʼnae.

Lomu 1:29

Muki alu hosu kava alu hosu kavanagi kumai kavanagi alagepa osu kavanagi ma mopafi yafeʼmo hapaʼye nehiya kavanagi apaini huʼa neʼapataya kavanagi huno apaipafiʼmo havaiteʼniye. Apaipa kafa nehapaya kavanagi vayaʼmo kamitimo neʼapamagiya kavanagi kaveta nehaya kavanagi aigofe gemo nehaya kavanagi hosu apaipa nekaliya kavanagi huno apaipafiʼmo havai teʼniye.

2 Kolitiyani 12:20

Uʼna lapakesuvana oʼnahauʼnisiya kavaʼmo hutapa maiʼnisageʼna lapakesufi huteʼna koli nehuve. Oʼnahauʼnisiya kavaʼmo nehisayana nagaeʼeʼmo olapauʼnisiya kavaʼmo lapakaetegamo huguve. Fiku yanagetapa ge vaige lapaipa kafa hapaege falo gemo huge lapaote lapaote hutapa maige huta faipa hutapa apatege sumi sumi gemo huge lapakufamo avalelitapa haige lapano aege hutapa maiʼnae.