Samu 40:6 - The Keyagana NT and 25 OT books

⁶ Afumo amagiʼa nekamiya kavaʼe ofalinimo nekamiya kavaʼefeʼmo okahauʼniye. Kagaemo, hosu kavatapilefeʼmo afumo amagitapa hiʼyalamuteʼmo atafiʼmo kaeta namiyo, huka osuʼnanaʼmonanafa gekamo afisuva agufa nagesageʼmo namiʼnane.

Samu 40:6 ပူးပေါင်းရင်းမြစ်များ

Samu 139:17

Nagaefeʼmo kagesamo neʼafina kavakamoʼmo alopa monileʼyaʼmo aeno agaseʼniya kavaʼmo haneʼniye, huʼna nagesamo neʼafuve. He, lusi asole kavaʼmo haneʼniye.

Samu 139:18

Lekana paiguvana ani kahaepaleʼmo aise yafaʼmo ago aeno agaseʼniya agufa kavaʼmo haneʼniye. Naupatiʼmo he tiʼnaeʼmo kagaeʼekeʼmo maiʼnoʼae.

Samu 50:8

Lapakaemo muki afinaʼmo naulagaleʼmo afumo amagitapa ofalinimo namige atafiʼmo kaege nehaya kavatapilefeʼmo agoti huʼna olapategauve.

Samu 51:16

Nagaemo ofalinimo kamisuvafeʼmo kahauʼniyesinana kamuvesine. Nagaemo afumo amagiʼna atafiʼmo kaeʼna kamisuvana amuse osugane.

Hatu maeno apate'niya gemae 21:6

aliʼyaʼmo afoʼamoʼmo agoti gemo neʼafiya vayaʼaitegamo avalelino ugiye. Henagaʼamo kipateʼmo avalelino uno ateʼneno nekayaletiʼmo agesamo aeno atetesigenoʼaeʼmo ani vekamo kalavusi aliʼyaʼmo alime alime uno faligiye.

Aiyeya 1:11

Ala kava neʼmoʼa hunoʼaeʼmo, Na agufa kavatefeʼmo asole ofalini afumo amagita neʼnamiye. Lapakaemo afayaʼaʼe pulumakamo amagitapa afayaʼamo namige ve sipisipimo amagitapa atafiʼmo kaeta namige huʼnageʼnaeʼmo alagi haiʼmo aliʼnove. Nagaemo ve pulumakamo kolafeʼmofi sipisipimo kolafeʼmofi mememo kolafeʼmofi huʼna amuse nosuve.

Aiyeya 25:1

O Ala kava nene, huʼna, kagaemo Gotiʼnimogae, huʼna, kagikaleʼmo aliʼna asaga huguve. Kagaemo ageta lahau aiʼnona kavaʼmo huʼnanaʼmofeʼmo ala kagikamo kamiguve. Akeyaʼvilagamo kagaemo kagesa afikaeʼmo, ani kavaʼmo alagi huguve, huka lama gemo huteka ani kavaʼmo huʼnane.

Aiyeya 66:3

Ani agufa vayaʼaifeʼmo amuse huʼna apategauvaʼmonanafa mago vayaʼmogimo apakaiʼapimo hapauʼniya kavaʼapikeʼmo akame nehae. Apaipamoʼmo hosu kavaʼapieʼmo alagi hauʼniye. Nagaemo muki nehaya ofalini kavaʼaeʼmo alagi noʼnahaiyaʼmofeʼmo apakaemo ve pulumakamo amagiʼa ofalinimo hisageʼnaeʼmo ina kava huʼa vayaʼmo apamagiʼnae, huʼna agegauve. Apakaemo sipisipi anaʼaumo ofalinimo hisageʼnaeʼmo nagaemo ina kava huʼna kalamo amagiʼa ofalinimo nehae, huʼna agegauve. Apakaemo vitigana agufa yaʼmo ofalinimo hisageʼnaeʼmo nagaemo ina kava huʼna afumo kolaʼmo ofalini nehae, huʼna agegauve. Apakaemo alagepa atumo neʼaiya ofalinimo hisageʼnaeʼmo nagaemo ina kava huʼna mago aigofe gotitefeʼmo ofalinimo nehae, huʼna agegauve.

Matiyu 12:7

Gotiʼa hunoʼaeʼmo, Afumo heʼa ofalinimo namisayafeʼmo oʼnahauʼniyaʼmonanafa hapau huʼa apatesayafekeʼmo nahauʼniye, huno avoʼmo kae maleʼniya gemo aepaʼamo lapakaemo afiʼnaesinana hosu kavaʼmo osuʼnaya vayaʼaifeʼmo hosu kavaʼmo huʼnae, hutapa osuʼnaesine.

Matiyu 9:13

Goti mukufi gemoʼmo hunoʼaeʼmo, Afumo heʼa ofalini namisayafeʼmo oʼnahauʼniyaʼmonanafa hapau huʼa apatesayafekeʼmo nahauʼniye, huno avoʼmo kae maleʼniya gemo aepaʼamo afisayafeʼmo uta kahauya hutapa ageyo. Nagaemo fatago vayaʼaifeʼmo keya aeʼna ge hisuvafeʼmo emiʼnoʼmeʼnofa hosu vayaʼaifeʼmo keya aeʼna ge hisugeʼa eʼa apaipamo aliʼa afe lesayafekeʼmo emineʼnove, huno hapa paiʼniye.

1 Samiyo 15:22

Samiyoʼa Solofeʼmo ha painoʼaeʼmo, Ala kava neʼmo geʼamo akame hisana kavafeʼmo magoʼe huno hauʼnigeno amogaga aiʼnifi sipisipi heka ofalinimo amisana kavafeʼmo magoʼe huno hauʼnigeno amogaga aiʼniye. Afiyo, Goti geʼamo akame nehaya kavaʼmoʼa ofalinimo neʼamiya kavaʼmo ago aeno age seʼniye.